Ghabhriyele o Vakašela Mariya

Elizabheta ne a na le lešaga lo ba reng ke Mariya, wa gore ne a dula ga mutši wa Nazareta ku Galeliya. Mariya ne a nyoko šadha ke Josefa, wa go betla. Mo Elizabheta a na le kobodi ya dikgwedi a yimme, Ghabhriyele wa gore ke lengeloyi o nyarele ga Mariya. O yitseri: ‘Tama, Mariya. Jehova o go rufiye ka matla.’ Mariya ne a sa kwisisi gore Ghabhriyele o ra gore king. Ke mokane Ghabhriyele a mmotsa gore: ‘O nyoko yima wa belega morwayi, di nyaka o mo reye gore ke Jeso. Yene o nyoko lawola go le Kgoši. Mmušo wage ke wa go ya go yye.’

Mariya a re: ‘Mara a ke soko yetsela le monna. Ke nyoko ba le ngwana byang?’ Ghabhriyele a re: ‘A se šiyo sa gore a se kgonege ga Jehova. Go nyoko bereka moya wa go hlawolega mo gago, ke mokane o nyoko belega morwayi. Lešaga lago Elizabheta o yimme.’ Mariya a re: ‘Ke nna lelata la Jehova la ngwannyana. Nkare go ka makega tso o di hlayyeng.’

Mariya a tloga a ya ga poleke ya dithabeng gore a vakašele Elizabheta. Mo Mariya a mo tamisa, Elizabheta o ye a kwa ngwana ye ne a le ka mpeng yage a ragaraga. Ke mokane Elizabheta a tlala ka moya wa go hlawolega, a re: ‘Mariya, Jehova o go rufiye. A di ntshwanele gore ke vakašele ke mmane wa Morena waka.’ Mariya a re: ‘Ke thanaka Jehova ka pelo yaka ka moka.’ Mariya o yye dula le Elizabheta kararo ya dikgwedi, ke mokane a boyela gaye Nazareta.

Mo Josefa a di kwelela gore Mariya o yimme, o yye a nyaka go mo hlala. Mara lengeloyi le nyarele gage ka moloro la re: ‘O sa tšhabe go tseya Mariya gore go be mosadi wago. Aa sinya selo.’ Byalo Josefa a šadha Mariya ke mokane a mo tseya a dula naye.