Jehova o Tšhireletsiye Jeso

Ga naga ya gore ne yi le ka bohlabela bya Israyele ne go dula batho ba gore ne ba tshepa gore dinanedi di kgona go ba yetetsa. Bošego byo bongwana, banna ba bangwana ba go tšwa Bohlabela ba bonne sa nkare ke nanedi ya go khanya se sepela sebakabakeng, ke mokane ba se latelela. “Nanedi” yone yi ba yisiye Jerusalema. Banna bone ba thomisa go butsisa batho gore: ‘O kaye ngwana ye a nyoko bang kgoši ya Majuda? Re nyaka go mo thinyela letolo.’

Mo Heroda, kgoši ya Jerusalema, a kwa ka kgoši ya nyuwane, o yye a thoma go šekela. O yye a butsisa dindhuna tsa maprista gore: ‘Kgoši yowa yi nyoko belegiwa kaye?’ Ba mmutsiye gore: ‘Baporofeta ba hlayye gore o nyoko belegiwa Bhetlelehema.’ Byalo Heroda a bitsa banna bone ba go tšwa Bohlabela a ba botsa gore: ‘Ariyeneng Bhetlelehema le nyakeleneng ngwanene. Le boye le tle le mpotse gore o kaye. Le nna ke nyaka go mo thinyela letolo.’ Mara ne a ba tshokanya.

“Nanedi” yela yi yye ya thomisa go sepela fote. Banna bone ba yi latelele go segela Bhetlelehema. “Nanedi” yone yi yye ya yema gedimo ga ntlo ke mokane banna bone ba kena ka ntlong yone. Ba krayye Jeso a na le mmane wage, Mariya. Ba yye ba kgotamela ngwana yene ba boya ba mo neya gholdi, tsa go tšhubelela tsa go nkgela le mira. Mara nje ne go le Jehova ye a rommeng banna bone gore ba nyakele Jeso? Awwa.

Bošego byobyone, Jehova o butsiye Josefa ka moloro gore: ‘Heroda o nyaka go bolaya Jeso. Tseya mosadi wago le morwayi wago le tšhabele Egepita. Le duleneng gana mone go segela ke le botsa gore le ka boya.’ Ka go yakgoswa, Josefa le ba mutši wage ba yye Egepita.

Jehova ne a butsiye banna bone ba go tšwa Bohlabela gore ba sa boyele ga Heroda. Mo Heroda a di bona gore a ba boya gage, o yye a kwata ka matla. Byalo ka taba la gore o šitegiye go kraya Jeso, o yye a re bašomanyana ka moka ba Bhetlelehema ba go lekana le Jeso ba bolayiwe. Mara Jeso ne a tšhireletsegiye ka taba la gore ne a le Egepita.

Mo nako yi ya, Heroda o yye a kgwa. Jehova o butsiye Josefa gore: ‘Gana byalo go tšhireletsegiye gore o ka boyela nthago.’ Josefa, Mariya le Jeso ba yye ba boyela Israyele, ba ya ba dula mutšing wa Nazareta.