Selalelo sa Mafelelo sa Jeso

Majuda ne ma jabolela monyanya wa Paseka mongwaga wo mongwana le wo mongwana ka letšatši la bo 14 la Nisani. Tsotsone ne go le tsa go ba gopotsa ka mokgo Jehova a yyeng a ba lokolla bobhantiting ku Egepita le go ba tlisa ga Naga yo a ba Tshepisiyeng yona. Ka mongwaga wa 33 C.E., Jeso le mapostola yage ba jabolele monyanya wa Paseka ga kamara ya ka gedimo ku Jerusalema. Mo monyanya wone wo fela, Jeso o yitseri: ‘Ye mongwana wa lune o nyoko nrekisa.’ Mapostola ne ma makele fote ma butsisa Jeso gore: ‘Ke mang?’ Jeso o yitseri: ‘Ke ye ke nyoko mo neyang sekgwa sowa.’ Ke mokane a neya Judase Iskariyoti sekgwa. Ka nako yonone, Judase a yemelela a sepela.

Jeso o yye a rapela, a ngatha sekgwa, ke mokane a se neya mapostola ya ma šeleng. O yitseri: ‘Janneng sekgwa sowa. Se yemela mmele waka, wa gore ke nyoko wo neyela ka taba la lune.’ Ke mokane a rapelela wayini fote a yi neya mapostola yage. O yitseri: ‘Nwanneng wayini yowa. Yi yemela madi yaka, ya gore ke nyoko ma neyela gore le tshwarediwe tso le di sinnyeng. Ke ya le tshepisa gore le nyoko lawola le nna le le magoši ku legedimong. Makaneng tsowa mongwaga wo mongwana le wo mongwana gore le n’gopole.’ Malata ya Jeso ma sa na ma gahlana bošego byobyone mongwaga wo mongwana le wo mongwana. Mogahlano wone gana byalo re wo bitsa gore ke Selalelo sa Morena.

Ka nthago ga selalelo sone, mapostola ma yye ma phigisana gore ke mang ye mogolo gare ga bona. Mara Jeso a re ga bona: ‘Ye mogolo gare ga lune ke ye a titseyang go le ye monyana wa gona, wa gore o tinyanafatsiye.

‘Lune le banghana baka. Ke le botsa se sengwana le se sengwana so Papa a nyakang ke le botsa sona. Go se botala ke ya ga Papaka ku legedimong. Lune le nyoko šala, fote batho ba nyoko di tšiba tsa gore le malata yaka mo le nyakanana. Di nyaka le nyakanane go tshwana le mo nna ke le nyakiye.’

Mafelelong, Jeso o yye a rapela, a kgopela Jehova gore a pasope malata yage ka moka. O kgopele Jehova gore a ba gelepe gore ba berekisane ba bebiye. O rapelele gore lebitso la Jehova le gadimisiwe. Ke mokane Jeso le mapostola yage ba thanaka Jehova ka dikoša, ba tšwela ka tawong. Nako ya gore ga Jeso ba mo tshware ne yi segele.