Jeso o Kgeta Sawulo

Sawulo ne go le Leroma la gore le belegiwwe Tarasuse. Ne go le Lefaraseyi la go tšiba Melawo ya Sejuda, fote ne a hloyye Makreste. Ne a ntsha banna le basadi ba Makreste ka dintlong tsa bona ka tšhinghi, a ba lahlela jele. Fote ne a lebelele mo mogoba wa go kwata wo bolaya lelata lo ba reng ke Stefano ka go mmoša ka matlapa.

Mara Sawulo ne a sa fo nyaka go tshwara Makreste ya Jerusalema fela. O yye a kgopela moprista ye mogolo gore a mo romele ga mutši wa Damasekhase gore a ye a nyakele Makreste ya gana mone a ma tshware. Mo Sawulo a le thina le go kena Damasekhase, go yye gwa khanya ka matla mo ne a le gona ke mokane a wela fase. O yye a kwa lentsu le re: ‘Sawulo, anthe o nhlupela ying?’ Sawulo a butsisa gore: ‘Ke wene mang?’ A fetola a re: ‘Ke nna Jeso. Ariye Damasekhase, o nyoko segela o kwa gore di nyaka o make ying.’ Ka nako yonone, Sawulo o yye a popela maahlo, fote ne di nyaka ba mo tshware ka letsogo gore a segele ga mutši wone.

Ku Damasekhase ne go na le Mokreste wa go tshepega ye ba reng ke Ananiyase. Jeso a berekisa mmono o yye a mmotsa gore: ‘Ariye ga ntlo ya Judase ga pata ya gore ba yi bitsa ya go Wolologa, o nyakele Sawulo.’ Ananiyase a re: ‘Morena, ke tšiba dilo tsa go tlala ka morenene! O lahlela malata yago jele!’ Mara Jeso a re: ‘Ariye gage. Ke kgetiye Sawulo gore a tšhomayele ditaba tsa go bafala ga ditšhaba tsa go tlala.’

Byalo Ananiyase o yye a kraya Sawulo fote a mmotsa gore: ‘Sawulo, mogageru, Jeso o nromme gore ke tle ke go bule maahlo.’ Ka nako yonone, Sawulo o yye a kgona go bona. O yye a tšhuta ka Jeso a boya a ba lelata lage. Sawulo o yye a kolobetsiwa a ba Mokreste, ke mokane a thomisa go tšhomayela a le disinagogeng a na le Makreste ya mangwana. O fo nagana ka mokgo Majuda ne ma makele ka gona mo ma bona Sawulo a tšhutisa batho ka Jeso! Ma yitseri: ‘Anthe a yi yene morene ne a nyakana le malata ya Jeso gore a ma hlupegise?’

Sawulo o fetsiye kararo ya mengwaga a tšhomayelela batho bo ba dulang Damasekhase. Majuda ne ma hloyye Sawulo fote ma polana go mmolaya. Mara magageru ma yye ma di kwelela fote ma mo gelepa gore a tšhabe. Ma yye ma mo tšhela teng ga mmantši ke mokane ma mo thewosa ka lefastere.

Mo Sawulo a ya Jerusalema, o liketsiye ka matla gore a be le magageru ya gana mone. Mara ne ma mo tšhaba. Lelata la go loka lo ba reng ke Bharenabhase le yye la yi sa Sawulo ga mapostola ke mokane la segela la ba botsa gore Sawulo o tšhentšhiye. Sawulo o thomisiye go tšhomayela ditaba tsa go bafala ka matšato le phutego ya Jerusalema. Ka nthago, ba yye ba mmitsa gore ke Pawulo.