Makreste ma Tšhomayelela Batho ba Mehlobohlobo

Mapostola ma yye ma theetsela tso Jeso a di hlayye tsa gore ma sabalatse ditaba tsa go bafala lefaseng ka moka. Ka 47 C.E., magageru ya Anthiyoko ma yye ma roma Pawulo le Bharenabhase gore ba ye tšhomayela dipolekeng tsa go tlalanyana. Batšhomayedi bane ka babedi ba go ba le matšato ba yye ba sepela Asia Minor le di polekeng tsa go tshwana le Derebe, Lisitara le Ikoniyamo.

Pawulo le Bharenabhase ne ba tšhomayelela batho ka moka, go se na taba gore o ghanye kela wa tihlupegela, o ye monyana kela ye mogolo. Batho ba go tlala ba yamogele nnete ya go bolabola ka Kreste. Mo Pawulo le Bharenabhase ba tšhomayelela Seregiyo Pawulose, ndhuna ya Sipero, monna ye mongwana wa go berekisa masalamose o yye a liketsa go ba thibela. Pawulo o yye a botsa motho yene wa go berekisa masalamose gore: ‘Jehova o nyoko go wolola.’ Ka nako yonone, monna yene wa go berekisa masalamose o yye a popela maahlo. Mo Pawulose wa gore ke Ndhuna a bona tsotsone, o yye a ba le tumelo.

Pawulo le Bharenabhase ba yye ba tšhomayela dipoleke ka mokana ga tsona, ka mutši le mutši, mmakete, dipateng le disinagogeng. Mo ba yalafa monna wa go golofala ku Lisitara, bo ba di bonneng ba liketsiye go ba rapela Pawulo le Bharenabhase ba nagana gore ke medimo. Mara Pawulo le Bharenabhase ba yye ba ba thibela, ba re: ‘Rapelaneng Modimo fela! Re fo ba batho.’ Majuda ya mangwana ma yye ma maka gore mogoba wo jikele Pawulo. Mogoba wone wo yye wa mmoša ka matlapa, wa mo yisa tawong ga mutši, wa mo šiya gana mone gore a kgwe. Mara, Pawulo ne a sa phela! Ka go yakgoswa, magageru ma yye ma mo gelepa ke mokane ma mo tseya ma boyela naye mutšing. Ka nthago, Pawulo o yye a boyela Anthiyoko.

Ka 49 C.E., Pawulo o yye a ye tšhomayela ga dipoleke tse dingwana. Ka nthago ga gore a boyele Asia Minor gore a bone magageru, o yye a sabalatsa ditaba tsa go bafala le ku Yuropo. O yye Athene, Efeso, Filipi, Thesalonika le dipolekeng tse dingwana. Silase, Lluka le mosogana ye ba reng ke Thimothi ba yye ba sepela le Pawulo. Ba yye ba bereka ggoši go hloma diphutego le go di gelepa gore di tiye. Pawulo o yye a dula Korente mongwaga le sekopa, a tiyisa magageru ya gana mone. O yye a tšhomayela, a tšhutisa fote a ngwalela le diphutego tsa go tlala mangwalo. Fote ne a bereka go maka matente. Mo nako yi kene yi ya, Pawulo o yye a boyela Anthiyoko.

Ka nthago, ka 52 C.E., Pawulo o yye ga dipoleke tse dingwana, go thomisa ka Asia Minor. O yye a rotoga a ya Filipi ke mokane a thewoga a ya Korente. Pawulo o yye a fetsa mengwaganyana a le ku Efeso, a tšhutisa batho, a ba yalafa, fote a gelepa le phutego. Ne a beya dipolabolo ka moka matšatši holong ya sekolo. Batho ba go tlala ne ba mo theetsela ba boya ba tšhentšha le maphelelo ya bona. Mafelelong, ka nthago ga gore a tšhomayele ditaba tsa go bafala dipolekeng tsa go tlala, Pawulo o yye a boyela Jerusalema.