Pawulo ba mo Romela Roma

Leyeto la Pawulo la boraro la go tsama a tšhomayela le yye la felela Jerusalema. Gana mone ba yye ba mo tshwara ba boya ba mo lahlela jele. Jeso o yye a berekisa mmono bošego, a mmotsa gore: ‘O nyoko ya Roma fote o nyoko tšhomayela gana mone.’ Pawulo ba yye ba mo tseya Jerusalema ba mo yisa Kesariya, ga gore o fetsiye mengwaga ka mmedi a le gana mone. Mo a le khota mahlong ga Fistosi wa go Lawola, Pawulo o yitseri: ‘Ke kgopela go yahlula ke Kesara, ku Roma.’ Fistosi a re: “Ka gore o nyaka gore Kesara a lebelele taba yowa gabutši; ariye gage.” Pawulo ba yye ba mo tšhela sekepeng sa go ya Roma, fote magageru ka mabedi ya Makreste, go leng Lluka le Aristakhase, ma yye ma sepela naye.

Mo ba le lewatleng, go yye gwa ba le sedingwane sa go tshosa ka matla, sa gore go fediye matšatši ya go tlala se le gona. Batho ka moka ne ba nagana gore ba nyoko kgwa. Mara Pawulo o yitseri: ‘Magageru, lengeloyi le mputsiye le berekisa moloro gore: “O sa tšhoge, Pawulo. O nyoko segela Roma, fote batho ka moka bo ba leng ga sekepe sowa ba nyoko phona.” Šišimalaneng! Re ka sa kgwe.’

Sedingwane sone se yye sa fetsa 14 ya matšatši. Mafelelong, ba yye ba thomisa go bona naga. Ne go le poleke ya go dukuluga ke meetši yo ba reng ke Malta. Sekepe sone se yye sa tšhayisa hala santeng ke mokane sa robega gwa ba ditlopotlopo, mara 276 ya batho bo ne ba le ga sekepe sone ba yye ba segela ga naga yone ba tšhireletsegiye. Ba bangwana ba yye ba hlapela, ba bangwana ba tshwarelela ga ditlopotlopo tsa sekepe sone ke mokane ba phaphamala. Batho ba Malta ba yye ba ba pasopa fote ba ba makela le mollo gore ba wome.

Ka nthago ga kararo ya dikgwedi, masole ma yye ma tseya Pawulo ma mo yisa Roma ka sekepe se sengwana. Mo a segela, magageru ma yye ma mo gahlanetsa. Mo Pawulo a ba bona, o yye a leboga Jehova ke mokane a šišimala. Le mo nkare Pawulo ne go le lebhantiti, ne ba mo dumelele gore a dule ga ntlo ya gore o yi hiriye ga gore ke mo a ghatiye ke lesole. O yye a dula gana mone mengwaga ka mmedi. Batho ne ba tla gage, ke mokane yene a ba tšhomayelela ka Mmušo wa Modimo fote a ba tšhutisa ka Jeso. Fote Pawulo o yye a ngwalela le diphutego tsa Asia Minor le Judiya mangwalo. Di lekgwaying gore Jehova ne a berekisa Pawulo go sabalatsa ditaba tsa go bafala ga ditšhaba tsa go tlala.