APRIL 29–MAY 5
PISALEMA 34-35
Koša 10 le Thapelo | Mabulakgoro (1 min.)
1. “Thanaka Jehova ka Dinako ka Moka”
(10 dim.)
Dafita ne a dula a thanaka Jehova le mo a kene a ghulana le dintshitshiri (Pis 34:1; w07-SE 3/1 22 ¶11)
Dafita ne a kganya ka Jehova, go seng ka yene mong (Pis 34:2-4; w07-SE 3/1 22 ¶13)
Tso Dafita a di makiyeng go šupetsa gore o na le tumelo di yye dya tiyisa bo ba mo lebeleleng (Pis 34:5; w07-SE 3/1 23 ¶15)
Ka nthago ga mo Dafita a šiyye Abhimeleke, 400 ya banna bo ne ba sa jabodisi ke go lawola ga Kgoši Sawulo ba yye ba sepela ba ya le Dafita mašahleng. (1Sa 22:1, 2) Di ka makega gore Dafita ne a naganne ka banna ba go tshwana le bone mo a ngwala pisalema yowa.—Pis 34, mantsu ya mathomo.
TIPUTSISE GORE, ‘Ga megahlano ya phutego ya go latela, Jehova nka mo thanaka ka mokgo mang mo ke bolabodisana le motho ye mongwana?’
2. Tso di Wutammeng ka Bhayibeleng
(10 dim.)
Pis 35:19—Dafita ne a ra gore king mo a kgopela Jehova gore a sa lisetse bo ba mo hloyyeng gore ba “ponye mahlo ya bona”? (w06-SE 5/15 20 ¶2)
Wene o nabela go re ngathela ying sa gore o se wunyulliye mo o kene o bala Bhayibele beke yowa?
3. Go Bala Bhayibele
(4 dim.) Pis 34:1-22 (th setšhuto 5)
4. Thomisa Ditaba
(2 dim.) GO TŠHOMAYELA O SA TIKEMISELA. Ditaba di fela o soko kgona le go mo tšhomayelela. (lmd setšhuto 1 taba 4)
5. Boyela
(4 dim.) GO TŠHOMAYELA O SA TIKEMISELA. (lmd setšhuto 2 taba 4)
6. Hlatolla Tso o di Dumelang
(5 dim.) Mošupetso. ijwfq 59—Hlogotaba: Dihlatse Tsa Jehova di Tšiba Byang gore ke wofeng Monyanya wo wo Yamogelegang? (th setšhuto 17)
Koša 59
7. Ditsela ka Ditharo Tsa go Thanaka Jehova mo re le Megahlanong
(15 dim.) Polabodisano.
Megahlano ya phutego yi re thulela lešuba la gore re thanake Jehova. Re ka mo thanaka ka mekgwa yowa ka meraro.
Mo o bolabodisana le ba bangwana: Bolabola ka gore Jehova o lukiye byang mo o bolabodisana le ba bangwana. (Pis 145:1, 7) Ayitsano o kwile kela o badiye taba ye nngwana ya gore yi go berekele? Ayitsano go na le sa go jabodisa so se go makegeleng mo o le tšhomong? Ayitsano o yye wa tiyisa ke tso motho ye mongwana a di hlayyeng kela go di maka? Ayitsano o bonne se sengwana ga hlago sa gore se go šiyye o makele? Dilo tsone ka moka ke tso Jehova a go makeleng tsona. (Jak 1:17) Yakgoswa o segela megahlanong gore o thogo botsa ba bangwana ka tsona.
Mo o fetola: Liketsa go maka gore mogahlano wo sa fele o sa fetola. (Pis 26:12) O ka fo fetola putsiso kela wa tokegela ka tse dingwana, wa bolabola ka dithombhe, kela gore wene yi ka go berekela byang taba yone. Ka taba la gore ba bangwana ba ko ba ba nyaka go fetola le bona, di ka ba gabutši gore o lukiselele diphetolo tsa go tlala nyana. Ba go tlala ba nyoko kgona go “makela Modimo sehlabelo sa go mo thanaka” mo o sa fitise 30 ya disekonte mo o fetola.—Heb 13:15.
Dikoša: Yepelela dikoša tsa megahlanong ka matšato. (Pis 147:1) Di ka makega gore ba sa dule ba go kgeta mo o yemisa letsogo megahlanong, ka matlamatla mo o le ga phutego ye kgolo, mara o ka yepelela ka matšato mo ba yepelela. Le mo o kwa nkare tsa go yepelela di ya go šita, solanka o liketsa, di tšibe gore o jabodisa Jehova ka matla! (2Ko 8:12) O ka lukiselela go yepelela dikoša tsone o sa le gaye.
Kgana VIDIYO ya Re Tshwere Tsa Botala re Kene re ya Mahlong—Mo re Yepelela, Setlopo 1. Ke mokane o butsise bo ba go theetseleng gore:
Mo mokgahlo wa rune wo thoma, re šupetsiye byang gore go yepelela megahlanong ke selo se segolo?
8. Go Tšhuta Bhayibele re le Phutego
(30 dim.) bt-SE tem. 9 ¶1-7, mabulakgoro ya sekopa 3, le lebhokisi la leph. 70