Diputsiso Tsa bo ba Šeleng ba Badiye

Mmereko wa go tšhomayela wo re wo makang gana byalo wo nyoko fela leng?

Jeso o yitseri: “Ditaba tso tsa go bafala tsa Mmušo di nyoko sabalatsiwa lefaseng ka mokana ga lona, gore ditšhaba ka mokana ga tsona di thogo kwa ditaba tsowa tsa go bafala, ke mokane lefase le nyoko fela.” (Mat. 24:14) Lentsu la Segerika la gore ba le hlatolliye go le “fela” ga temanyana yowa, le ga ditemanyana 6 le 13, ke teʹlos. Le rela mong mafelelofelelo ya lefase la Sathane mo go segele Aremaghedoni. (Kut. 16:14, 16) Tsotsone di rela gore re nyoko ya mahlong re tšhomayela ditaba tsa go bafala go segela mo go šele go nyoko thomisa Aremaghedoni. Sowa se lukisa ka mokgo ne re kwisisa dilo ka gona.

Ke mo re kwisisa gore ne re nyoko lisetsa go maka mmereko wa go tšhomayela ditaba tsa go bafala mo motšhatšhamelo wo mogolo wo šele wo thomisiye mo go fela ka Bhabhilona ye Mogolo. (Kut. 17:3, 5, 15, 16) Ke mo re tshepa gore mo motšhatšhamelo wo mogolo wo šele wo thomme, Jehova ne a ka sa sa neya batho nako ya gore ba kwe ditaba tsa go bafala ke mokane ba tšhentšhe. (Jes. 61:2) Fote ke mo re nagana gore bo ba gore ne ba nyoko phona motšhatšhamelo wo mogolo ne go nyoko ba ba gore ne ba tshepega ga Jehova mo wo soko thomisa. Ke mo re ba tshwanisa le Majuda ya gore ma phonne mo go fela ka Jerusalema ka 607 B.C.E. Batho bowa ke mo ba šele ba ba berekisa gore ba thogo phona ka taba la gore ke mo ba berekela Jehova fote ba hloyye dilo tsa go befa. (Hezek. 5:11; 9:4) Mara go tshwanisa ga mošaga wonone a go sipidisane le tso Jeso a di hlayyeng ga Matewu 24:14, ya gore yi šupetsa gore batho ba ka thulegela ke lešuba la go kwa ditaba tsa go bafala go soko segela mong mafelelofelelo ka Aremaghedoni.

Ka taba la gore Matewu 24:14 re napa re yi kwisisa gabutši, di nyaka re lukisa le ka mokgo re kwisisang Kutullo 16:21 ya gore yi bolabola ka sefako se segolo. Mo go kene go pombhodiwa ba krayye gore mangwalo yawa ka mabedi maa sipidisana. Byang mara? So se re gelepang gore re thogo tšiba tsotsone, re sebela ke Bhayibele gore batho ba nyoko maka ying mo ba kwa molayetsa wa Mmušo. Pawulo o ngwalele bo “ba gore ba nyoko phonisiwa” gore molayetsa wone ke ditaba tsa go bafala, fote ke “selo [sa gore] se nkgela lephelo ga bona.” Mara ga manaba ya Modimo ke ditaba tsa go sa jabodisi, di ra gore “se nkga likgu.” (2 Makor. 2:15, 16) Ba hloyye molayetsa wa Mmušo ka taba la gore wo fo šupetsa gore lefase lo ba kwanang nalo le sinyegiye, le lawola ke Sathane le gore go nyoko fela ka lona go se botala.—Joh. 7:7; 1 Joh. 2:17; 5:19.

Lebelela gore sefako so ba bolabolang ka sona ga Kutullo 16:21 se nyoko ba “se segolo ka matla” byang. Sowa se ka fo rela gore ka motšhatšhamelo wo mogolo, mmereko ya go tšhomayela wo ka tula batho, sosone se rela gore go nyoko bolabodiwa ka lebitso la Jehova ka matla. (Hezek. 39:7) Ka nako yonone, ka nthago ga mo go šele go fediye ka Bhabhilona ye Mogolo, ayitsano ba bangwana ba ka kwana le molayetsa wone, go fo tshwana le mo ba ka kwana le mo go nkgela gabutši? Di ka fo makega. Ba ka gopola kela ba di bona gore ke botala Dihlatse Tsa Jehova di bolabola ka go fela ga sedumedi sa matsaka.

Sowa se tshwana le so se makegiyeng botala ku Egepita ka nthago ga gore go be le Lesome la Dilo Tsa go Sasamela. Ka nthago ga gore Jehova a “[yahlule] medimo ya Egepita ka mokana ga yona,” batho bage ba sipidiye le “batho ba mehlobohlobo ba go tlala” ba gore ne go se Maisrayele. (Ek. 12:12, 37, 38) Batho bowa ba go tšwa ba sepela ba ka fo ba ba yye ba kgeta go sepela le batho ba Jehova mo ba bona go makega dilo ka mokana ga tsona tsa gore Moše o hlayye gore di nyoko makega ga tsela tsa Lesome la Dilo Tsa go Sasamela.

Ye mongwana le ye mongwana wa gore o ya ga Jehova mo go fediye ka Bhabhilona ye Mogolo, o nyoko thulegela ke lešuba la go yema le bobhuti ba Jeso ba gore ba nyoko ba ba sa le ho lefaseng. (Mat. 25:34-36, 40) Nnete ke gore, lešuba lo le nyoko bang le thulegele batho gore ba ba tseye go le dinku le nyoko fela mo go šele go nyoko thomisa Aremaghedoni mo bo ba go tlotsiwa ba gore ba ko ba ba sa le ho lefaseng ba kraya patela ya bona ya legedimong.

Taba yowa ya gore yi yedisiwwe yi šihlela taba ya gore Jehova o nyakanana ka matla le gore o kwelana go baba. Eya, aa “nyake gore go kgwe le motho ka wwoši mara o nyaka gore ka mokana ga bona ba sokologe.”—2 Pet. 3:9.