Magageru ka Mabedi ya Nyuwane ya Mogoba wa go Lawola

KA OCTOBER 5, 2024, ga mogahlano wa gore ba wo tshwara mongwaga wo mongwana le wo mongwana, ba yye ba tšibisa taba ye nngwana ya go jabodisa ka matla, ya gore: Wweru Jody Jedele le Wweru Jacob Rumph ba ba hlawodiye gore go be ba bangwana ba Mogoba wa go Lawola wa Dihlatse Tsa Jehova. Magageru yawa ka mabedi ma fetsiye mengwaga ya go tlala ma berekela Jehova ma kene ma tshepega.

Mogageru Jedele ba mmelegele hala Missouri, U.S.A. fote o gudisiye ke Dihlatse Tsa Jehova. Mutši wa gabo ke mo wo dula thina le tšhomo ya gore ne ba sa yi bereke ka matla. Sosone se makiye gore a gahlane le magageru ya go tlala ya go tšwa ga dipoleke tsa mehlobohlobo tsa naga yonone ya gore ne ma tlile gana hone gore ma thogo gelepa ga mmereko wa go tšhomayela ditaba tsa go bafala. Taba ya gore magageru yane ne ma nyakanana fote go le ngata ka yyoši, yi mo tikisiye ka matla. O kolobetsiwwe mo a thomisa go golagola ka October 15, 1983. Ke mo a kwana le tšhomo ka matla, fote ka nthago ga gore a fetse sekolo, o yye a thomisa go ba mošupatsela wa nako ka moka ka September 1989.

Mo Mogageru Jedele a kene a sa gola, babelegi bage ne ba fela ba tseya yene le sesi wage ba ya nabo gore ba vakašele Bhethele. Tsotsone di makiye gore bana bowa ba nabele go bereka Bhethele—ka babedi ga bona ba yye ba kgona go yi segelela taba yone. Wweru Jedele o segele Bhethele ya Wallkill ka September 1990. O thomisiye a bereka le bo ba go yedisa ke mokane ka nthago ga hone a bereka le bo ba go bereka ka tsa go yalafa.

Ka nako yonone, diphutego tsa thina le gana hone tsa mmolabolo wa Spanish ke mo di kene di gola fote ne go gayela magageru. Byalo, Wweru Jedele o yye ga ye nngwana ya diphutego tsone fote a thomisa go tšhuta mmolabolo wa Spanish. Ka nthagonyana ga hone, o yye a gahlana le Damaris, mogageru wa mosadi wa gore ne go le mošupatsela wa nako ka moka ga modukulogo wa bona. Ba feleletsiye ba šadhiye, ke mokane sesi Damaris le yene a ya Bhethele.

Ka 2005, ba yye ba tloga Bhethele gore ba ye pasopa babelegi ba bona. Ka nako yonone, ke mo go le mašupatsela ya nako ka moka. Wweru Jedele ke mo a tšhutisa ga Sekolo sa Mašupatsela, fote ne a bereka ga Komiti ya Tsa Dipetlele ya gana hone le ga Komiti ya Tsa go Yaga.

Ka 2013, Mogageru Jedele le mosadi wage ba yye ba ba mema fote gore ba tle Bhethele gore ba tle ba gelepe mo go yagiwa Warwick. Go tlugisela ka nako yonone, ba berekiye le hala Patterson le Wallkill. Mogageru Jedele o berekiye le bo ba go bereka ka tsa go Thalathala le Tsa go Yaga ba gana hone, le ga bo ba go Berekisana le Dipetlele. Ka March 2023, o yye a thomisa go bereka go le wa go gelepa Komiti ya go Garagara. Mo a nagana ka mebereko ka mokana ga yona yo a yi makiyeng, o re: “Mo o kraya mmereko wa nyuwane, ka dinako tse dingwana o ka fo šekela. Mara di nyaka gore ka nako yonone o sa libale go tisamela ka Jehova ka taba la gore ke yene a makang gore re kgone go maka se sengwana le se sengwana so a re kgopelang.”

Wweru Rumph ba mmelegele hala California, U.S.A. Mo a sa gola, mmane wage ne a bata ga tso tsa Modimo mara o liketsiye ka matla gore a mo tšhutise Bhayibele. Se sengwana ke gore mongwaga wo mongwana le wo mongwana ne a vakašela kokwane wage wa gore ne go le Hlatse ya go tshepega. O mo gelepiye gore a nabele go tšhuta nnete, ke mokane mo a na le 13 ya mengwaga, o yye a kgopela gore ba mo tšhutise Bhayibele. Ka September 27, 1992, mo a kene a sa le ye monyana, o yye a kolobetsiwa. Sa go jabodisa ke gore mmane wage o yye a thomisa go karakara ga tso tsa Modimo, le bana ba gabo ba yye ba hluhlutela ke mokane ba kolobetsiwa.

Mo a sa gola, Wweru Rumph o yye a di bona gore mašupatsela ya nako ka moka ne ma jabodiye. Byalo mo a fetsa sekolo, o yye a thomisa go ba mošupatsela wa nako ka moka ka September 1995. Ka mongwaga wa 2000, o yye a rurela Ecuador gore a thogo bereka ga gore ne go gayela batšhomayedi. Gana hone o yye a gahlana le Inga, mogageru wa mosadi wa gore ne go le mošupatsela wa nako ka moka wa gore ne a tšwa Canada, ke mokane ba feleletsa ba šadhiye. Mo ba fetsa go šadha, ba yye ba berekela toropong ya Ecuador le mogoba wo monyana wa batšhomayedi. Gana byalo ke phutego ya go tiya ka matla.

Mo nako yi kene yi takamela, Mogageru Rumph le mosadi wage go yye gwa ba mašupatsela ya go hlawolega ke mokane ka nthago gwa ba bapotolugi. Ka 2011, ba yye ba ba mema ga tlelase ya bo 132 ya Ghiliyade. Mo ba šele ba yalugiye, ba yye ba bereka ga dinaga tsa go tlala lefaseng ka mokana ga lona ba boya ba jabolela mebereko ya go tlala yo ne ba ba neyye yona ya go tshwana le go bereka Bhethele, go ba baromiwa le go ba bapotolugi. Wweru Rumph o yye a thulegela ke lešuba la tšhutisa ga Sekolo sa Batšhomayedi ba Mmušo.

Ka taba la bolwele bya go sabalala bya COVID-19, Mogageru Rumph le mosadi wage ba yye ba boyela United States. Ba yye ba ba mema gore ba tle Bhethele ya Wallkill, ga gore Wweru Rumph ba yye ba mo tšhutisa go maka mmereko wa Ba go Garagara. Ba feleletsiye ba ba romele fote ga lekala la Ecuador, ga gore Wweru Rumph ne a bereka ga Komiti ya Lekala. Ka 2023, ba yye ba ba yisa Warwick. Ka January 2024, Wweru Rumph ba yye ba re a bereke go le wa go gelepa Komiti ya go Garagara. Mo a nagana ka dipoleke tso a berekiyeng ga tsona, o re, “Selo sa go maka gore mmereko wo hlawolege, a yi poleke yo o berekelang ga yona, mara ke batho bo o berekang nabo.”

Tso magageru yawa ma di makang re di tseyela gedimo ka matla, fote ‘batho ba mošaga wonone re ba tshwara gabutši.”—Mafil. 2:29.