Diputsiso Tsa bo ba Šeleng ba Badiye
Modimo o nyoko maka gore memmušo yi “nagane” ying go se botala?
Mo Kutullo 17:16, 17 yi bolabola ka go thomisa ga motšhatšhamelo wo mogolo, yi re: “Lesome la manaka yala o ma bonneng le phoolwane yela ya go tshosa ya hlaga, di nyoko hloya nghwahla yone dya tseya dilo tsa yona ka mokana ga tsona dya yi tšula ke mokane dya ja nama ya yona dya yi tšhuba ka mollo gwa fela ka yona. Modimo o maka gore lesome la magoši yane, ma nagane go maka tso yene a di nyakang. Ma nyoko nagana go tshwana ke mokane maa neya phoolwane ya go tshosa ya hlaga mmušo wa wona.” Ku botala, dikgatiso tsa rune di hlayye gore taba yo Jehova a makiyeng gore ditšhaba di yi “nagane” ke ya gore di fetse ka dikereke tsa matsaka.
Mara, di nyaka go tšhentšhe se sengwana ga taba yowa. Taba yo Jehova a nyoko makang gore ditšhaba di yi “nagane” ke ya gore di neye “phoolwane ya go tshosa ya hlaga mmušo wa wona.” Gore re thogo kwisisa gore taba yowa yi nyoko makega ka mokgo mang, re nyoko fetola diputsiso tsowa tsa go latela.
Ba bolabola ka bomang ga seporofeto sowa? “Nghwahla yone” ya gore fote ba re ke “Bhabhilona ye Mogolo”; yi yemela megoba ya lefase ka mokana ga lona ya dikereke sa matsaka. “Phoolwane ya hlaga ya khala ye khubedu ya nkare ke madi” yi yemela Ditšhaba Tsa go Mamarelana. Mokgahlo wone ba wo thomisiye ka 1919 gore go thogo beba mo lefaseng fote ne ba re ke Mogoba wa Ditšhaba. (Kut. 17:3-5) “Lesome la manaka yala” ma yemela memmušo ka mokana ga yona ya gore yi yema le phoolwane ya go tshosa ya hlaga.
Nghwahla le phoolwane ya hlaga ya khala ye khubedu ya nkare ke madi di šagelana byang? Nghwahla yone ke mo yi “duli gedimo” ga phoolwane ya hlaga, ya yi rufa fote ya liketsa go yi kutšetsela gore yi make tso yi di nyakang.
Go nyoko makega ying ka nghwahla yone? Phoolwane yowa ya go tshosa ya hlaga le lesome la manaka ya gore ma yema nayo, “di nyoko hloya nghwahla.” Ka taba la gore di ko ba di kwatiye ka matla, di nyoko tseya tso nghwahla yone yi ghannyeng ka tsona ke mokane dya šupetsa gore yi maka dilo tsa go befa. Ke mokane di nyoko fetsa ka yene, tsotsone ke tso Jehova a hlayyeng gore di nyoko makega. (Kut. 17:1; 18:8) Go nyoko napa go fela ka sedumedi sa matsaka. Mara, mo tsone di soko makega, Jehova o nyoko maka gore ditšhaba di make se sengwana sa gore a sanka sa makega go tlugisela batho ba ba gona.
Jehova o nyoko maka gore ditšhaba di make ying? O nyoko maka gore lesome la manaka “ma nagane go maka tso yene a di nyakang,” tsotsone di rela gore “ma neya phoolwane [ya khala ye khubedu ya nkare ke madi] ya go tshosa ya hlaga matšhika ya wona fote ma maka gore go lawole yona”—re ra Ditšhaba Tsa go Mamarelana. (Kut. 17:13) O fo nagana gore tsotsone di rela gore king. Ayitsano memmušo ya batho yi nyoko fo phuta matsogo ke mokane ya neya phoolwane ya go tshosa ya hlaga matšhika ya yona ya boya ya maka gore yi lawole? Dho! Seporofeto se šupetsa gore Modimo o nyoko ba hlohletsela gore ba make ka mokgonone. (Diy. 21:1; tshwanisa le Jesaya 44:28.) Ayitsano tsotsone di nyoko makega ka gonyana ka gonyana? Awwa! Taba yowa yi nyoko makega ka go yakgoswa. Ke mokane phoolwane ya go tshosa ya hlaga ya gore yi sa tšwa go kraya matšhika yi nyoko fetsa ka dikereke ka mokana ga tsona tsa matsaka.
Byalo, king tso re nyoko di bonang di makega ku mahlong? Re ka sa yemele go bona ba šupetsa ditabeng gore memmušo ka gonyana ka gonyana yi fo ya yi yema le Ditšhaba Tsa go Mamarelana. Tso re ka di bonang di makega ke tsowa: Ka go yakgoswa, Jehova o nyoko maka gore memmušo yi neye Ditšhaba Tsa go Mamarelana matšhika ya yona. Mo tsotsone di makega, re nyoko di tšiba gore go šele go nyoko thomisa motšhatšhamelo wo mogolo. Gana byalo, “tla re duleneng re hlahlamme fote re šupetsa gore re nagana gabutši” ka taba la gore go se botala, dilo di nyoko tšhentšha ka go yakgoswa!—1 Mathes. 5:6.