O Liketsiwa Tumelo

Abhrahama o tšhutisiye morwayi wage Isaka gore a nyake Jehova ka matla a boye a tshepe dilo ka mokana ga tsona tso Jehova a di tshepisiyeng. Mara mo Isaka a na le gana hala ga 25 ya mengwaga, Jehova o yye a kgopela Abhrahama selo sa gore ne go ko ba ntshitshire gore a se make. Ke mo go le ying selo sone?

Modimo o butsiye Abhrahama gore: ‘Ke kgopela o tseye morwayi wago wa gore o fo ba a ntoši o make sehlabelo ka yene hala thabeng ya Moriya.’ Abhrahama ne a sa tšibi gore ke ntaba Jehova a mo kgopele gore a make tsotsone. Mara o f’lo theetsela Jehova.

Ka bošego ka motshwana wa gona, Abhrahama o tsere Isaka le malata yage ka mabedi ba leba Moriya. Ka nthago ga kararo ya matšatši, ba yye ba bona dithaba tsone ba sa le kgole. Abhrahama o butsiye malata yage gore ma šale, mo yene le Isaka ba sa ya go maka sehlabelo. Abhrahama o neyye Isaka mahlare gore a ma rwale ke mokane yene a tseya thipa. Isaka o butsisiye papage gore: ‘Yi kaye phoolwane yo re nyoko makang sehlabelo ka yona?’ Abhrahama o fetodiye a re: ‘Morwayi, Jehova o nyoko re neya yona.’

Mafelelong mo ba segela thabeng yone, ba yye ba yaga aletare. Ke mokane Abhrahama a tlema Isaka matsogo le mawoto a mmeya gedimo ga aletare.

Abhrahama a tseya thipa yela. Ka nako yonone, lengeloyi la Jehova la yahlamela le le legedimong la re: ‘Abhrahama! O sa kwaletsi mošomanyana yene! Gana byalo ke ya di tšiba gore o na le tumelo ga Modimo ka taba la gore ne o tikemisele go maka sehlabelo ka morwayi wago.’ Ke mokane Abhrahama a bona go na le nku ya pholo ya gore manaka ya yona ke mo ma hakegiye ku lešahleng. O yye a tlemolla Isaka ka go yakgoswa ke mokane a maka sehlabelo ka nku yone ya pholo.

Go tlugisela ka letšatši lone, Jehova o yye a bitsa Abhrahama gore ke monghanage. Wa tšiba gore ke ntaba? Abhrahama o makiye se sengwana le se sengwana so Jehova ne a mo kgopele gore a se make le mo ne a sa tšibi gore ke ntaba Jehova a re a se make.

Jehova o yye a boyelela tso a di tshepisiyeng Abhrahama tsa gore: ‘Ke nyoko go rufa, ke nyoko maka gore o be le bana ba go tlala kela pewu.’ Tsotsone di rela gore Jehova ne a nyoko rufa batho ka moka ba go loka a berekisa mutši wa Abhrahama.