Tso Jafta a di Tshepisiyeng

Maisrayele ma yye ma jikela Jehova fote, ma boya ma thomisa go rapela medimo ya matsaka. Mo Maamoni ma hlasela le go lwa le Maisrayele, medimo yone ya matsaka a sanka ya gelepa Maisrayele. Go fediye mengwaga ya go tlala Maisrayele ma hlupega. Mafelelong ma re ga Jehova: ‘Re sinnye. Re kgopela o re phonise ga manaba ya rune.’ Maisrayele ma yye ma pshayanya medimo ya bona ya dithombhe ke mokane ma thomisa go rapela Jehova. Jehova ne a sa nyake go ba bona ba ya mahlong ba hlupega.

Lesole la go ba le matšhika lo ba reng ke Jafta ba yye ba le kgeta gore le yete setšhaba mahlong mo se lwa le Maamoni. O yitseri ga Jehova: ‘Mo o ka re gelepa gore re hlule ntwa yowa, ke ya go tshepisa gore mo ke boyela gaye, ke nyoko go neya motho wa mathomo ye a tšwang ntlong yaka gore a n’gahlanetse.’ Jehova o yye a theetsela thapelo ya Jafta a boya a mo gelepa gore a hlule ntwa yone.

Mo Jafta a boyela gaye, motho wa mathomo wa go tšwa gore a tle a mo gahlanetse ne go le morwediya wage, ngwanage a ntoši. Ne a bina a kene a teya moropa. Jafta ne a nyoko maka byang? O gopodiye tso a di tshepisiyeng Modimo ke mokane a re: ‘Yo nna yo, morwediya waka! O nkwisiye go baba. Ke tshepisiye Jehova. Gore ke make tso ke di tshepisiyeng, di nyaka ke go yise tabarenakeleng ku Šilo gore o ye o bereke gona.’ Morwediya wage a re: ‘Papa, mo nkare o tshepisiye Jehova, di nyaka o make tso o di tshepisiyeng. Ke kgopela gore ke fetse dikgwedi ka dipedi ke le dithabeng le banghana baka ba bannyana. Ke mokane nko yeng.’ Morwediya wa Jafta o yye a bereka ka go tshepega lephelo lage ka moka ku tabarenakeleng. Mongwaga wo mongwana le wo mongwana, banghana bage ne ba mo vakašela ku Šilo.