Phela o ka Dula o Jabodiye le mo o na o Tsofele

1-2. Jehova o ba tseya byang bo ba gore baa tshepega ba gore fote ba tsofele? (Pisalema 92:12-14; lebelela le sethombhe sa ka tawong.)

BATHO lefaseng ka mokana ga lona ba yi tseya ka mokgwa wa go sa tshwane taba ya go tsofala. Mo re beyisa, nagana ka taba ke yowa: Ayitsano o sa gopola la mathomo mo go thunya mpu ho hlogong? Di ka makega gore o f’lo kwa nkare o ka yi tomola yi soko bane yi bona ke motho. Mara o di bonne gore mo o ka fo yi tomola, o nyoko napa o di baka. Phela taba yowa yi fo šupetsa gore batho ba go tlala a ba di nyake go tsofala.

² Mara Papa wa rune wa ku legedimong, o na le mokgwa wo a tseyang malata yage ya gore ma šele ma tsofele. (Diy. 16:31) O ba tshwanisa le mehlare ya go bafala. (Bala Pisalema 92:12-14.) Ke ntaba taba yone yi fo re kwatla? Mehlare ya gore ke botala yi le gona, ga go tlala yi bafele ka matla ka taba la gore yi fogafoga ka mabhlomu kela matlakala ya gore ma thithiye. Mohlare wo mongwana wa gore wo goga maahlo, ke wa go thunya mabhlomu ya go tlala wa gore wo krayega hala Japan le ga dinaga tse dingwana. Ye mengwana ga mehlare yone, yi na le mengwaga ya go teya ka ku ga sekiti fote ka mokgo yi bafeleng ka gona, o ka sa hlaye gore ke ya mong botala. Go fo tshwana le mehlare yowa ya botala, mo Jehova a lebelela bo ba go tshepega ba gore fote ba tsofele, o bona matlentle. Jehova o tseyela gedimo mekgwa ya go bafala yo bo ba gore ba šele ba tsofele ba tšibegang ka yona. Ba mmerekele mengwaga ya go tlala fote ba dula ba tshepega mo go le mothebenene le mo di boya.

3. Re beyisele ka mokgo Jehova a yyeng a berekisa bo ba gore ba šele ba tsofele gore a thogo segelela tso a di nyakang.

³ Phela tsa gore motho o šele a tsofele, a di rele gore Jehova o mo tseya go le setlakati.a Gabutšibutši, ga go tlala Jehova o berekisa bona bo ba gore ba šele ba tsofele gore a thogo segelela tso a di nyakang. Mo re beyisa, Sara ne a šele a tsofele mo Jehova a mmotsa gore o nyoko ba mmane wa setšhaba se segolo le gore ga leloko lage go nyoko tšwa Mesiya. (Gen. 17:15-19) Moše ne a tsofele mo Jehova a mmerekisa gore a yetetse Maisrayele gore ma tšwe Egepita. (Ek. 7:6, 7) Johane wa lepostola ne a šele a tsofele mo Jehova a mo hlohletsela gore a ngwale kapheta ya dipuku tsa Bhayibele.

4. Diyema 15:15 yi re king so se ka gelepang bo ba gore ba šele ba tsofele gore ba tiyisele ga dintshitshire tso ba ghulanang natso? (Lebelela le sethombhe.)

⁴ Bo ba gore ba tsofele ba ghulana le dintshitshire tsa go tlala mo mengwaga yi kene yi ya. Mogageru ye mongwana wa mosadi o hlayye nkare wa kgana mo a re, “Taba ya go tsofala a yi ya batho ba go nyenyela.” Mara Jehova a ka go gelepa gore o jaboleb le gore o thogo tikwisa ka lephelo le mo go thathafa. (Bala Diyema 15:15.) Ga hlogotaba yowa, re nyoko bolabola ka dilo tso bo ba gore ba tsofele ba ka di makang gore ba thogo ya mahlong ba jabodiye. Re nyoko boya re lebelela ka mokgo ba bangwana ba ka gelepang magageru ya gore ma šele ma tsofele ka diphutegong tsa bona. Tla re thomiseneng ka go petapeta ka gore ke ntaba go ka ba ntshitshire go dula re jabodiye mo re fo ya re kene re tsofala.

SO SE KA MAKANG GORE GO THATHAFE GORE O DULE O JABODIYE MO O TSOFALA

5. King so se ka kgongwetsang ba bangwana ba gore ba šele ba tsofele?

⁵ King so se ka makang gore o kgongwele? Nakwenngwana o kgongwetsa ke taba ya gore a o sa kgona go maka tso ne o kgona go di maka. O ka fo kwa o gopola nakwela o sa le ye monyana fote o sa šihliye. (Mmo. 7:10) Mo re beyisa, mogageru ye mongwana wa mosadi wa gore ba re ke Ruby o re: “Le mong go yapara dikobo ke ntshitshire ka taba la go baba ho ke go kwang fote a ke sa kgona le go sepela gabutši. Go fo re ke yapare makowusu, ke mong letogo. Matsogo yaka ma kgwile bogašu, bolwele ba mašapo le byona ke byowa, wa tšiba di nšitisa le mong go maka dilo tse dinyananyana.” Harold wa gore o yye a bereka Bhethele o re: “Le nna beng a ke sa titšiba fote ka dinako tse dingwana ke yakgoswa ke tuba. Ne ke le sekakapa nakwela ke sa le ye monyana. Ne ke kwana le tsa mekgano. Ba bangwana ne ba fela ba re, ‘Neya Harold bholi, ka gore wa kora.’ Mara gana byalo, a ke tshepe gore nka di kgona le go boša bholi.”

6. (a) Ke dilo difeng tse dingwana tsa gore di ka kgongwetsa bo ba gore ba šele ba tsofele? (b) King so se ka gelepang bo ba gore ba šele ba tsofele gore ba bone gore ayitsano di sa maka gore ba dhrayive kela dho? (Lebelela hlogotaba ya gore “Ayitsano di Nyaka Gore ke Lisetse go Dhrayiva?”)

⁶ O ka kgongwetsa ke taba ya gore a o sa kgona go timakela selo. Ka matlamatla mo di nyaka gore o kraye wa go go lekelela kela di nyaka gore o thuthe o ye dula le ka wwoši ga bana bago. Nakwenngwana pelo yowa ya wopa ka taba la gore a o titsose kela a o sa kgona go ya felo ka gore a o sa bonanyana gabutši le tsa go dhrayiva a di sa maka. Phela tsotsone di kwisa go baba! Le mo tsa go tlala o sa sa kgona go di maka go tshwana le mathomisong, mara ye kokwane, di tšibe gore Jehova le ba bangwana ba go tseyela gedimo ka matla. Fote re ka napa re di tshepa tsa gore Jehova o kwisisa ka mokgo re tikwang ka gona. So yene a se lebeleleng ke so motho a leng sona ka ho tengteng—motho wa gore o nyakanana ka matla fote o leboga Modimo le bo a rapelang nabo.—1 Sam. 16:7.

7. King so se ka gelepang bo ba gore ba kgongwetsa ke taba ya gore di ya kgonega gore ba hlokofale go soko fela ka lefase lowa?

⁷ Di ka makega gore o kgongwetsa ke taba ya gore di ya kgonega gore o hlokofale go soko fela ka lefase lowa. Mo nkare o tikwa ka mokgonone, o ka gelepa king mara? Liketsa go gopola gore Jehova o di yemele a kene a lefisiye pelo gore a fetse ka lefase lowa la go befa. (Jes. 30:18) Mara a ka sa fo lefisa pelo mahala nje. O lefisiye pelo ka taba la gore o nyaka gore dimiliyoni tsa batho di thulegele ke lešuba la go mo tšiba le gore di thogo mmerekela. (2 Pet. 3:9) Byalo, mo o vakašela ke go kgongwela, o fo nagana ka mokgo taba ya gore Jehova o lefisiye pelo yi nyoko berekelang batho ba go tlala go soko bane go fela ka lefase lowa. Nje a o nagane gore ga batho bowa go kena le mašaga yago?

8. Taba ya go tsofala yi ka yama bo ba gore ba šele ba gudiye ka mokgo mang?

⁸ Di sa yi ka gore re batho ba bagolo kela ba banyana, mo re sa titsose, di ka makega gore re fo phašuga kela ra maka dilo tsa gore re nyoko tla re tisolela tsona ka nthago. (Mmo. 7:7; Jak. 3:2) Mo re beyisa, nakwela monna wa go tshepega ye ba reng ke Jobo a lwala, o yye a ‘bolabola a sa nagana.’ (Jobo 6:1-3) Go tokegela gana hone, go lwala go ka maka gore bo ba gore ba šele ba tsofele ba make kela ba hlaye dilo tsa gore hala ba sa lwale ne ba ka sa tsoge ba di hlayye. Mara tsotsone a di rele gore bo ba gore a ba titsose kela ba gore ba šele ba gudiye, ba hlupe ka bomu kela go nyaka dilo ka tšhinghi. Fote mo nkare ke hlabiye ye mongwana ka mantsu, di nyaka ke yakgoswe ke kgopele tshwarelo.—Mat. 5:23, 24.

O KA MAKA BYANG GORE O DULE O JABODIYE?

9. Ke ntaba di nyaka o sa gane mo ba bangwana ba nyaka go go gelepa? (Lebelela le dithombhe.)

⁹ O sa gane mo ba bangwana ba go gelepa. (Magal. 6:2) O ka kraya di go thathafela mo di sa thoma. Mogageru ye mongwana wa mosadi wa gore ba re ke Gretl o re: “Ka dinako tse dingwana ke fo kwa di nthathafela gore ke yamogele gore ba bangwana ba n’gelepe ka taba la gore ke bona nkare ke nyoko ba yimetsa. Di ntsere nako gore ke tšhentšhe ka mokgo ke naganang ke boye ke yamogele gore nnete ke ya di nyaka gore ba n’gelepe.” Mo o yamogela gore ba bangwana ba go gelepe, tsotsone di nyoko maka gore le bona ba tikwise ka mojabolo wa go leya ke go neyana. (Meber. 20:35) Fote le wene o ko di boneng ka mokgo ba bangwana ba go nyakang le gore ba hlupega ka matla ka wene.

10. Ke ntaba di nyaka o sa lebale go hlaya gore danki? (Lebelela le dithombhe.)

¹⁰ Hlaya gore danki. (Makol. 3:15; 1 Mathes. 5:18) Mo ba bangwana ba re makela dilo tsa gabutši, re ya di leboga mara o kraya re lebala gore danki. Mara, mo re ka ngwalangwala ke mokane ra hlaya gore danki, tsotsone di nyoko maka gore banghana ba rune ba di bone gore re ba tseyela gedimo fote re ya ba leboga. Leah wa gore o lekelela bo ba gore ba tsofele Bhethele o re: “Mogageru ye mongwana wa mosadi wa gore ke ya mo lekelela o dula a nngwalela sephephane sa go fo re danki. Aa ngwale mantsu ya go lefa mara ma tikisa pelo. Ke di jabolela ka matla go bala melayetsa yone fote go fo tšiba gore wa leboga mo ke mo gelepa, tsotsone di ntikisa pelo.”

11. O ka gelepa ba bangwana byang? (Lebelela le dithombhe.)

¹¹ Karakara gore o gelepe ba bangwana. Mo o nagana ka ba bangwana o boya o liketsa ka matla gore o ba gelepe, o ka sa dulele go nagana ka mathatha yago. Re ka tshwanisa batho ba gore ba šele ba gudiye le dipuku tsa gore di tšhutisa ditaba tse dikgolo. Mara mo batho ba sa bale dipuku tsone, ba ka sa ro tšhuta selo. Byalo, le bo ba gore ba sa gola ba ka sa tšhuti ditaba tse dikgolo ga lune ba gore le šele le gudiye mo le ka fo re tsee, le sa ba botse tso le di tšibang. Le butsiseneng bo ba gore ba sa gola diputsiso ke mokane le ba theetsele. Ba tšhutiseneng gore a go na sa go phala go phela ka melawo ya Jehova fote tsotsone di nyoko maka gore ba jabole. A re kamake gore le wene o nyoko jabola mo o kgomoletsa le go tiyisa banghana bago ba gore ba sa gola.—Pis. 71:18.

12. Jesaya 46:4 yi re Jehova o ba tshepisa ying bo ba gore ba šele ba tsofele? (Lebelela le dithombhe.)

¹² Rapela Jehova gore a go neye matšhika. Ke nnete gore o ka tikwa o sa sa na matšhika kela o kgongwele, mara Jehova “aa tinwi kela go lelemela.” (Jes. 40:28) Jehova o ma berekisa byang matšhika yage ya gore a ma kgere? Mokgwa wo mongwana ke wa go tiyisa bo ba gore baa tshepega ba gore fote ba tsofele. (Jes. 40:29-31) Gabutšibutši, o ba tshepisa gore o nyoko ba gelepa. (Bala Jesaya 46:4.) Fote Jehova o dula a maka tso a re tshepisang tsona. (Još. 23:14; Jes. 55:10, 11) Mo o rapela o boya o di bona tsa gore Jehova o go nyaka ka matla fote wa go thega, o nyoko šitega go titshwara ka go jabola.

13. Makorente wa Mabedi 4:16-18 yi re re sa lebale ying? (Lebelela le dithombhe.)

¹³ O sa lebale gore seyemo sago go fo ba sa senakonyana. Phela di lula go tiyisela seyemo sa gore se ya thathafa mo o di tšiba tsa gore go se botala se nyoko tšhipa. Bhayibele yi re tshepisa le gore go tsofala le go lwala ke tsa senakonyana. (Jobo 33:25; Jes. 33:24) Byalo, o ka jabola ka taba la gore wa di tšiba gore ku mahlong o ko ba o philegiye gabutši, o tiyelele fote o bafele tsa nkare di ro go hlolela. (Bala 2 Makorente 4:16-18.) Mara ba bangwana ba ka maka ying gore ba thogo gelepa?

KA MOKGO BA BANGWANA BA KA GELEPANG

14. Ke ntaba di nyakega ka matla go vakašela le go fowunela bo ba gore ba tsofele?

¹⁴ Dula o vakašela le go fowunela magageru ya gore ma tsofele. (Maheb. 13:16) Bo ba gore ba tsofele ba ka tikwa nkare ba fo ba ntoši. Mogageru ye mongwana wa gore aa kgone go tšwa ka gaye ye ba reng ke Camille o re: “Di nyaka ke dule ntlong motshegare le bošego. Byalo, ke bhorega la go sa hlayisege. Ka dinako tse dingwana, ke kwa nkare ke nna tawu ya go tsofala ya gore ba yi kwalele ka ditshipi. Ke fela ke šekela ke boya ke tinega.” Mo re vakašela bo ba gore ba tsofele, re ba re ba šupetsa gore re ba tseyela gedimo fote re ba nyaka ka matla. Di ka makega gore go yye gwa ba le dinako tsa gore o tiputsiye gore o nyoko fowunela kela o nyoko vakašela ye mongwana wa ka ho phutegong wa gore o šele a tsofele mara a sanka wa di maka. Ka mokana ga rune re dula re tshwaraganne. Byalo, king so se ka re gelepang gore re “thogo tšiba tso di tshwaneleng go yeta mahlong,” tsa go tshwana le go vakašela bo ba gore ba tsofele? (Mafil. 1:10) Di ka go berekela gore o make gore fowunu yago yi go gopotse gore o romele molayetsa ga bo ba gore ba tsofele ba gore ba ka phutegong yago kela o ba fowunele. O ka boya o tipeyela le nako ya go ba vakašela; o sa fo yi beya molatša.

15. King sa gore bo ba gore ba sa gola le bo ba gore ba šele ba tsofele ba ka se makang ggoši?

¹⁵ Mo nkare o wela ga bo ba gore ba sa gola, o ka kraya o hlupa ke taba ya gore a o tšibi gore o nyoko bolabola ying kela wa maka ying le bo ba gore ba šele ba tsofele. Mara a di nyake di go hlupa tsone. O fo ba monghana wa gabutši. (Diy. 17:17) Bolabola le bo ba gore ba tsofele mo mogahlano wo soko thomisa kela ka nthago ga wona. Nakwenngwana o ka ba butsisa lengwalo lo ba kwanang nalo ka matla kela ka tso di makegiyeng mo ba sa gola tsa gore di ya tshegisa. O ka ba mema gore ba tle ba lebelele nago Setiši sa JW. O ka boya o ba makela tse dingwana tsa gore a ba kgone go timakela tsona. Mo re beyisa, o ka ba gelepa ka go lebelela gore difowunu kela dithebholete tsa bona di bereka gabutši le gore di na le dikgatiso tsa nyuwane kela dho. Mogageru ye mongwana wa mosadi wa gore ba re ke Carol o re: “Kgopela go maka dilo tsa gore o kwana natso le bo ba gore ba tsofele. Le mo ke gudiye ke yitsa, ke sa na ke nyaka go tikwisa ka lephelo. Ke kwana le go ya ditolo, go tšwa ke ye ja le banghana le go hlwayela ke moya ke ye bona hlago.” Mogageru ye mongwana wa mosadi ye ba reng ke Maira o re: “Monghanaka ye mongwana o na le 90 ya mengwaga. O nšiya ka 57 ya mengwaga. Mara ga go tlala ke ya di lebala gore ke nna sengwananyana ho gage fote o kraya re tshega ggoši re boya re lebelela le dimuvi. Fote mo re gahlana le mathatha, re ya yeletsana.”

16. Ke ntaba di le gabutši go felegetsa bo ba gore ba tsofele ga togotela?

¹⁶ Ba felegetse mo ba ya ga togotela. Go tokegela ga taba ya go ba felegetsa, o ka dula nabo gore o thogo di bona gore bo togotela kela dinese ba ba tshwara gabutši fote baa ba gelepa. (Jes. 1:17) O ka gelepa ye wa gore o šele a gudiye ka go ngwala fase tso togotela yi di hlayyeng tsa gore di ko mo gelepa. Mogageru wa mosadi ye ba reng ke Ruth wa gore o šele a gudiye, o re: “Ga go tlala, mo ke ya ke le ntoši ga togotela, aa ntseyele hlogong. Ditogotela di na le go hlaya gore, ‘Wene kokwane a o lwale, wa timakisanya.’ Mara mo ye mongwana a mfelegetsiye, bo togotela ba tšhentšha ka mokgo ba ntshwarang. Ke ma leboga ka matla magageru ya gore ma tineya nako ya gore ma mfelegetse.”

17. O ka berekisa mekgwa yifeng ya go tšhomayela mo o na le bo ba gore ba šele ba tsofele?

¹⁷ Tšhomayela nabo. Ba bangwana ga bo ba gore ba šele ba gudiye, o ka kraya yi pala gore ba ye tšhomayela mutši ka mutši. Ke ntaba o sa meme mogageru wa mosadi wa gore o šele a gudiye gore le ye tšhomayela ka sekoloyyane? Nakwenngwana o ka mo tlela le setulo gore a thogo dula thina le sekoloyyane. Kela o ka ya le mogageru wa gore o šele a gudiye ga ye o tšhutang naye Bhayibele nakwenngwana la tshwarela setšhuto gaye ga mogageru yene. Bagolo ba ka maka dipolane tsa gore ba tshwarele mogahlano wa tšhomo gaye ga ye mongwana wa bo ba gore ba šele ba tsofele gore le bona ba tšhele letsogo ga taba ya go ye tšhomayeleng. Jehova di mo jabodisa ka matla mo re maka so re ka se kgonang gore re šupetse bo ba gore ba šele ba gudiye gore re ba nyaka ka matla fote re ya ba hlompa.—Diy. 3:27; Marom. 12:10.

18. Re nyoko petapeta ka ying ga hlogotaba ya go latela?

¹⁸ Hlogotaba yowa yi re gopotsiye gore Jehova o ba nyaka ka matla bo ba gore ba šele ba tsofele fote o ba tseyela gedimo. Phela le rune ka ho phutegong, re fo tikwa ka mokgonone ka bona! Lune bokokwane, le mo le na le mathatha ya go tlala, Jehova o nyoko le gelepa gore le dule le jabodiye. (Pis. 37:25) A yi go tiyisa ga tsona go fo tšiba gore ku mahlong go sa nyoko natefa, tso tsa gana byalo di maka ka gonyana! Byalo, re re king ka rune ba gore re lekelela bo ba gore ba šele ba gudiye ka ho gaye, ngwana kela monghana? Re ka maka byang gore re dule re jabodiye? Re nyoko petapeta ka phetolo ya putsiso yone ga hlogotaba ya go latela.