Lefaseng ka Moka go Fisa la go sa Hlayisege, re ka Šinya re Kwalela—Bhayibele yi re King?

Ka July 2022, ke mo go ro ba mong la mathomo dinombhoro di segela mo di segeleng gona, tsa go šupetsa gore go fisa ka matla ho lefaseng:

• “Ke la bobedi ba bagolo mmušong ba hala China ba pasopisa batho gore gana hala ga 70 ya dipoleke di nyoko fisa ka matla la go sa hlayisege.”—July 25, 2022, CNN Wire Service.

• “A di ya tlwayelega ka mokgo go šeleng go fisa ka gona hala Yuropo, byalo mašahla maa fela ka taba la gore go fo tsoganya mollo wa hlaga gatleletlele.”—July 17, 2022, The Guardian.

• “Ka Lesonto, ke mo go ro ba mong la mathomo go fisa ka matla ga dipoleke tsa go tlala tsa United States, go tlugisela Lerophong la ka Bohlabela go ya Borwa le go yela Bodikela.”—July 24, 2022, The New York Times.

Tsowa ka moka di ra gore king? Ayitsano di nyoko šinya di segela le ga gore a go sa kgonega go phela gedimo ga lefase lowa? Bhayibele yi re king?

Ayitsano Bhayibele yi hlayye botala gore go nyoko fisa ka matla?

Eya. Taba ya gore go fisa ka matla yi fo napa yi yedisa tso Bhayibele yi di hlayyeng botala tsa gore go nyoko makega ying ka dinako tso tsa rune. Mo re beyisa, Jeso o hlayye gore re “nyoko bona dilo tsa go tshosa,” kela “dilo tsa gore a di ya tlwayelega le mong tsa go re hlagasedisa.” (Luka 21:11; Good News Translation) Taba yo ya gore go fisa ka matla ho lefaseng yi makiye gore ba bangwana ba tseye nkare tso batho ba di makang di nyoko šinya di maka gore lefase lo le sa sa dulega.

Ayitsano di nyoko makega tsa gore ho lefaseng go sa sa ba le dilo tsa go phela?

Awwa. Modimo o makele batho lefase lowa gore ba dule ga lona go ya go yye. (Pisalema 115:16; Mmolabodi 1:4) A ka sa fo lisetsa batho ba le sinyanya, mara o tshepisiye gore o nyoko “fetsa ka bo ba go sinya lefase.”—Kutullo 11:18.

Tla re petapeteneng ka diporofeto ka dipedi fela tsa go šupetsa tse dingwana tso Modimo a di tshepisiyeng:

• “Hala mašahleng le ga poleke ya kgwaakgwa go nyoko ba le go jabola, fote poleke ya lekgwaying ya gore yi f’lo re khwaša yi nyoko jabola gwa boya gwa ro bafala nkare ke mabhlomu ya disaforone.” (Jesaya 35:1) Modimo a ka sa make gore lefase le tshwane le poleke ya kgwaakgwa ya gore a yi dulegi, mara o nyoko lukisa ga gore le sinyegiye.

• “Wene o pasopa lefase, o boya o maka gore le yengwe ka matla fote le be le dilo tsa go tlala.” (Pisalema 65:9) Modimo o nyoko rufa lefase gore go be pharadeyisi.

Mo o nyaka go tšhuta tsa go tlala tsa go šupetsa ka mokgo go tšhentšhatšhentšha ga lefase go makang tso di hlayyeng ke Bhayibele, bala hlogotaba ya gore “Bhayibele yi re go Nyoko Makega Ying ka Rune ga Lefase lo la go fo Fisanya Kela go Batanya.”

Mo o nyaka go tšhuta tsa go tlala ga tso Bhayibele yi di tshepisang tsa gore lefase le nyoko lukisega, bala hlogotaba ya gore “Lefase Lowa le Nyoko Phonisa ke Mang?”