Ayitsano ka Nnete Mokgano wa Bholo wa Batho ba Mafase ka Moka wo ka Maka Gore Batho ba Mamarelane?—Bhayibele yi re King?

Batho ba go teya gana hala ga 5 ya dibhiliyoni ba ko ba ba lebelele mokgano wo mogolo wa FIFA World Cup go tlugisela ka di 20 tsa November go segela ka di 18 December 2022. Batho ba go tlala ba nagana gore mokgano wowa wo ka maka selo se segolo sa go feta go fo gahlanisa batho.

•  Nelson Mandela wa gore ne go le phresidente ya Afrikha Borwa o hlayye gore “Bholo yi ka kgona go tšhentšha lefase. Yi na le matšhika ya go hlohletsela. Yi kgona go maka gore batho ba mamarelane ka mekgwa ya go sa tshwane.”

•  Gianni Infantino wa gore ke phresidente ya FIFA o re “Mokgano wa bholo ya mawoto. . . wo maka gore batho ba be le tshepo, ba jabole, ba be le matšato, ba kwane le ba bangwana fote go na le so ba tshwanang ka sona.”a

Ayitsano mokgano wa Bholo ya Mawoto kela mekgano ye mengwana yi na le dilo tse dikgolo tso yi di segelelang? Ayitsano go na le tshepo ya gore go nyoko beba kela ra mamarelana?

Ayitsano mekgano yowa yi maka gore re mamarelane?

Mokgano wa Bholo wa lenyaga, wa go gahlanisa batho ba Mafase ka moka wo makiye gore batho ba sa fo nagana ka bholo ya mawoto fela. Mekgano yowa yi makiye gore batho ba go tlala ba bolabole ka tsa dipolotiki, tsa go yelana le go yemelela batho, go hlawolana le mathatha ya tsa ditšheleta.

Le mo go le ka mokgonone, batho ba go tlala baa di jabolela tsa go lebelela Mekgano yowa ya go natefa, ya gore yi gahlanisa batho ba Mafase ka moka. Mara tsotsone di ka sa make gore batho ba mamarelane go ya go yye le mo ba jabolela mekgano yowa ggoši. Le mo go le ka mokgonone, Bhayibele yi di beya lekgwaying tso di nyoko makegang ga dinako tso ba reng ke “dinako tsa mafelelo.”—2 Thimothi 3:1-5.

Tshepo ya nnete ya gore re nyoko ba selo ka ssoši lefaseng ka moka

Bhayibele yi re botsa ka tshepo ya mannete ya gore re nyoko ba selo ka ssoši lefaseng ka mokana ga lona. Yi re tshepisa gore batho ka moka ba nyoko mamarelana lefaseng ka mokana ga lona mo go šele go lawola mmušo wa magedimong go leng “Mmušo wa Modimo.”—Luka 4:43; Matewu 6:10.

Kgoši ya Mmušo wone Jeso Kreste, o nyoko maka gore go bebe lefaseng ka mokana ga lona. Bhayibele yi hlaya gore:

•  “Ba go loka ba nyoko gadimela, fote go nyoko beba go ya go yye.”—Pisalema 72:7.

•  “O nyoko phonisa bo ba go tihlupegela ba gore baa mo llela gore a ba gelepe . . . Mo ba kgahleletsega le mo ba hlupegisiwa o nyoko ba phonisa.”—Pisalema 72:12, 14.

Le lekgono, tso Jeso a di tšhutisiyeng di makiye gore dimiliyoni tsa batho di mamarelane ga dinaga tsa go teya ka ku ga 239. Ba lisetsiye go hloya batho ba gore a yi ba mohlobo wa bona. Mo o nyaka go tšhuta tsa go tlala, bala dihlogotaba tsa go lategetsana ga hlogotaba ya gore “Lisetsa Mokgwa wa go Hloyana.”