Go Tekateka ga Lefase ga go Tshosa ka Matla go Teyye Hala Turkey le Syria—Bhayibele yi re King?

TSA NYUWANE TSA: February 10, 2023

Ka Labone la di 9 tsa February 2023, nombhoro ya bo ba hlokofeleng mo go tekatela lefase ka Mosopologo hala Turkey le Syria yi šele yi teya ka ku ga 20 000. Ba masome ya dikete ba kwalele fote ba makgolo ya dikete ba f’lo šala ba sa sa na ga go dula.

Dikomiti ka dipedi tsa go gelepa ka go Yimulla mo go Mekegiye Dikotsi tsa Hlago, tsa Dihlatse Tsa Jehova di ya mahlong di gelepa ga mmereko wa go nyakela le go phonisa bo ba makegeleng ke kotsi. (Magalata 6:10) Ba ba go yemela ofisi ya lekala la hone polekeng ba yakgoswiye ba segela go soko bane go feta 24 ya diawara go makegiye kotsi yone, le mo yi le gore ne go bata ka matla fote dipata di sa sepelege mara ba yye ba kgona go ba kgomoletsa le go ba tiyisa ka tso tsa Modimo. (1 Petro 5:2) Dipego tsa nyuwane tsa mmereko wa rune wa go yimulla re ko di kraya ga Ditaba tso di leng ga jw.org.

Mangwalo ma re tshepisa gore “Jehovaa o thina le ba gore dipelo tsa bona di kwile go baba; o phonisa bo ba gore ba kgongwele.” (Pisalema 34:18) O nyoko kraya mangwalo ya ka ho Bhayibeleng ya go go kgomoletsa mo o lebeletsanne le seyemo sa go go kgahleletsa.

Bona vidiyo ya gore Tsa go Tiyisa bo ba go Hlokofalediwa yi na le tso di ka gelepang bo ba gore ba hlokofalediwwe.
Bala hlogotaba ya gore “Gelepa Bana Bago Gore ba Thogo Tseya Ditaba Tsa go Tshosa Gabutši” yi na le ditšhiko tsa ka Bhayibeleng tso di ka gelepang bana bago gore ba sa hlagasedisi ke ditaba tsa go tshosa tso ba di kwang.

Ka Mosopologo wa di 06 tsa February 2023, go tekateka ga lefase ga go tshosa ka matla go teyye hala Turkey le Syria.

“Ka Mosopologo, go tekateka ga lefase go bolayye batho ba go teya ka ku ga 3 700 ga poleke ye kgolo ya hala Turkey lebowa bodikela bya Syria, go bata ga go segela lešapong go makiye gore batho ba go tlala bo ba kwaleleng le bo ba sinyegeleng ke dintlo tsa bona ba nape ba goga go baba, go tokegela gana hone, phefo yone yi makiye gore go thathafe go nyakana le bo ba phoneng go tekateka ga lefase.”—Reuters, February 6, 2023.

Re ro fogafoga dinepedi mo re bala ka tso di makegiyeng tsa go baba. Ga seyemo sa mošaga wowa, re ka tisamela ka Jehova wa gore ke “Modimo wa go kgomoletsana.” (2 Makorente 1:3) O re neya ‘tso re di krayang ka ho Mangwalong tsa gore dya re kgomoletsa.’—Maroma 15:4.

Ka ho Bhayibeleng re tšhuta tsa gore:

King tso di hlayiwweng ka go tekateka ga lefase.
Mo re ka krayang tshepo kela go kgomoletsiwa.
Modimo a nyoko fetsa ka mehlupego.

Mo o nyaka go tšhuta tsa go tlala ka tso Bhayibele yi di hlayang ka taba yowa, bala dihlogotaba tsowa:

““King so Bhayibele yi se Porofitiyeng—Ka go Tekateka ga Lefase?””
““Mara Nka yi Kraya Kaye Tshepo?””
““Go se Botala Modimo o Nyoko Fetsa ka Mehlupego ka Moka”

a Jehova ke lebitso la Modimo.—Pisalema 83:18.