Ba Berekisa Tšheleta ya go Tlala ka Matla ka Taba la Ntwa—Gabutšibutši go Sinyegiye Ying?

Dilo tso di sinyegang ka taba la ntwa di tlele ka matla.

• “Mongwaga wa go fela lefaseng ka mokana ga lona ba mmušo ba berekisiye 41.7 ya dithriliyoni tsa diranta ga tsa ntwa, tšheleta yo ba yi berekisiyeng yi tlele ka matla go phala yo ba yi berekisiyeng ga mengwaga ye mengwana.”—The Washington Post, February 13, 2024.

Ga tso ba di berekisiyeng a go fo kena tšheleta fela. Mo re beyisa: Ntwa ya hala Ukraine.

• Masole. Go tlugisela go thomisiye ntwa mengwaga ka mebedi ya go feta, ba naganela gore gana hala ga 500 000 ya masole ma bolayiwwe kela go kwalela.

• Batho. Ba Ditšhaba Tsa go Mamarelana ba hlaya gore batho ba go teya ka ku ga 28 000 ba hlokofele kela go kwalela. Mara, ye mogolo ga bo ba Ditšhaba Tsa go Mamarelana o hlayye gore: “Re ka sa kgone go hlaya gore ntwa yowa yi yamme batho ka bakaye.”a

Batho ba goga go baba ka taba la mekurukuru le dintwa tsa gore di makega lefaseng ka mokana ga lona.

• 114 ya dimiliyoni. Yowa ke nombhoro ya batho ba gore ba gapeletsegiye gore ba tloge mo ne ba dula gona ka taba la dintwa le bokgohlane, tsa gore ne di makega lefaseng ka mokana ga lona go tlugisela ka September 2023.

• 783 ya dimiliyoni. Yowa ke nombhoro ya batho ba gore ba gayela tsa go ja. “Batho ba bolaya ke tlala ka taba la mekurukuru yo yi makegang fote 70 ya dipesente tsa batho ba gore ba bolaya ke tlala ba dula ga dipoleke tsa gore di na le dintwa le bokgohlane.”—World Food Programme.

Ayitsano go nyoko fela ka dintwa? Nje re ka tshepa gore go nyoko beba? Ayitsano go nyoko segela nako ya gore go ka sa sa ba le motho wa go hlupega fote ye mongwana le ye mongwana o ko ba a jabodisa ke tso di milang ho lefaseng a boya a ro kgura? King so Bhayibele yi se hlayang?

Nako ya dintwa

Bhayibele yi porofitiye gore go nyoko ba le dintwa lefaseng ka mokana ga lona, yi tshwanisela tsotsone le motho wa gore o kalamme pera.

• “Ke mokane gwa nyarela pera ye nngwana ya go ba le khala ya nkare ke mollo, ye a yi kalammeng ba mo dumelela gore a make gore go sa bebe ho lefaseng, gore ba make gore batho ba ye mahlong ba bolayana fote ba mo neya sabola ye kgolo ka matla.”—Kutullo 6:4.

Motho ye wa go tshwanisela wa go kalama pera o šele nthago ke ba bangwana ka babedi ba gore ba yemela go sabalala ga tlala le malikgu tsa gore di baka ke malwele le tse dingwana. (Kutullo 6:5-8) Gore o thogo tšhuta ka seporofeto sowa le gore ke ntaba re sa kamake gore se kene sa makega gana byalo, bala hlogotaba ya gore “Ke Bomang Banna Bowa ka Bane ba go Kalama Dipera?”

Go nyoko beba ku mahlong

Go se botala, go ka sa sa berekisiwa tso lefase le ghannyeng ka tsona gore go be le dintwa. Mara tsowa di ka sa makege ka taba la gore batho ba ko ba ba makiye se sengwana. Bhayibele yi re:

• Modimo o nyoko “fetsa ka dintwa lefaseng ka mokana ga lona.”—Pisalema 46:9.

• Modimo o nyoko lukisa tso di sinnyeng ke dintwa. “O nyoko sula dinepedi ka moka maahlong ya bona, malikgu ma ko ba ma sa sa le šiyo, le go lla kela go gotla kela go kwa go baba. Dilo tsa botala di ko ba di fitiye.”—Kutullo 21:4.

• Modimo o nyoko maka gore go bebe. “Batho baka ba nyoko dula ga gore go bebiye, ga gore go pasopegiye.”—Jesaya 32:18.

Seporofeto sa Bhayibele se re, dintwa le tse dingwana tso di makegang gana byalo di fo šupetsa gore go nyoko beba go se botala.

Modimo o nyoko maka byang gore go bebe ku mahlong? Tsotsone o nyoko di maka a berekisa Mmušo wage wa ku legedimong. (Matewu 6:10) Gore o thogo tšhuta ka Mmušo wowa le gore wo ka go berekela byang, lebelela vidiyo yowa ye kopana ya gore Mmušo wa Modimo ba ra Ying?