Diyema 16:3—“Se Sengwana le se Sengwana so o se Makang o se Thegeletse ka MORENA”

“Se sengwana le se sengwana so o se makang o se thegeletse ka Jehova, o ko bona dilo tsago di nyoko phomelela.”—Diyema 16:3, New World Translation.

“Se sengwana le se sengwana so o se makang o se thegeletse ka MORENA, o nyoko maka gore dilo tsago di go sepelele gabutši.”—Diyema 16:3, New International Version.

Hlatollo ya Diyema 16:3

Tema yo ya diyema yi tshepisa bo ba rapelang Modimo wa mannete gore tso ba di makang di nyoko phomelela, mo ba ya mahlong ba tikokotlele ka yene le go latela ditšhiko tsage tsa go re yetetsa.

“Se sengwana le se sengwana so o se makang o se thegeletse ka Jehova.” Bo ba rapelang Jehovaa ba tinyanafatsa gore a ba yetetse mo ba soko bane ba segelela dipheto. (Jakobo 1:5) Ke ntaba? Se sengwana ke gore, batho a ba tšibi dilo ka moka fote a ba kgone go lawola tso di nyoko ba makegelang mo ba kene ba phela. (Mmolabodi 9:11; Jakobo 4:13-15) Go tokegela gana hone, ba gayela tsa go ba hlalefisa gore tso ba di makang di thogo ya mahlong di phomelela. Ka taba la tsotsone, batho ba go tlala ba gore ba hlalefiye ba kgopela Modimo gore a ba yetetse ga tso ba nyoko di makang. Ba maka tsotsone ka go rapela ba kgopela gore a ba yetetse, ba kene ba phela ka go dumelelana le tso yene a di nyakang tso di leng ka ho Lentsung lage Bhayibele.—Diyema 3:5, 6; 2 Thimothi 3:16, 17.

Taba yowa ya gore “se sengwana le se sengwana so o se makang o se thegeletse ka MORENAb” gabutšibutši yi rela go “lahlela morwalo wago ga MORENA.” Go ya ka hlatollo ye nngwana, taba yone ba yi tshwanisiye le “Monna wa gore o pepudiye morwalo wa go roba ke mokane o wo rolela wa gore o na le matšhika ya go kgona go wo rwala.” Bo ba gore ba tinyanafatsa ba tisamela ka Modimo a ba kamake gore o nyoko ba gelepa fote o nyoko ba pasopa.—Pisalema 37:5; 55:22.

Taba yowa ya gore “se sengwana le se sengwana so o se makang” a yi rele gore Modimo o fo dumela dilo ka moka kela go rufa se sengwana le se sengwana so batho ba se makang. Mo re nyaka Jehova a re rufa, di nyaka gore tso re di makang di sa tšhayisane le ditšhiko tsage le tso yene a di nyakang. (Pisalema 127:1; 1 Johane 5:14) Modimo aa rufi batho ba go sa theetsele. Fote “o maka bo ba dipelo tse diphifadu gore ba sa phomelele.” (Pisalema 146:9) Mara o thega bo ba mo theetselang le go hlompa ditšhiko tso a ba neyyeng tsona ka ho Bhayibeleng.—Pisalema 37:23.

“O ko bona dilo tsago di nyoko phomelela.” Dihlatollo tse dingwana mo dihlatolla taba yowa di yi beyye ka mokgo “o nyoko maka gore dilo tsago di go sepelele gabutši.” Ga Mangwalo ya Seheberu ya ma tšibegang go le Testamente ya Botala, lentsu lo “gabutši” mo ba le hlatolla ka sekgowa le rela go thomisa fandhiši fote ga go tlala le rela matšhika ya Modimo a ma berekisiyeng mo a maka dilo. (Diyema 3:19; Jeremiya 10:12) Modimo o nyoko maka gore bo ba makang dilo tsa go loka ba phomelele, o nyoko ba gelepa gore ba dule ba pasopegiye, ba sa thogathoge fote ba jabolele lephelo.—Pisalema 20:4; Diyema 12:3.

Hlogotaba ya Diyema 16:3

Puku yo ya diyema yi ngwadiye ke Kgoši Solomoni, o ngwadiye mangwalo ya go tlala ya Diyema. Ne a kgona go bolabola dikete tsa diyema ka taba la gore Modimo wage ne a mo hlalefisiye.—1 Magoši 4:29, 32; 10:23, 24.

Ga tema 16, Solomoni o thanakiye go hlalefa ga Modimo fote a boya a šupetsa gore Modimo o nyenya batho ba go ba le magetla. (Diyema 16:1-5) Tema yowa yi gelepa bo ba balang gore ba thogo kwisisa nnete yo yi leng ga puku ya Diyema: Gore batho ba ka hlalefa tsa mannete ba boya ba phomelela mo ba tinyanafatsiye ba dumela Modimo gore a ba yetetse. (Diyema 16:3, 6-8, 18-23) Taba yowa go fo ba mong nnete ka gore yi fo dula yi boyelela ka ho Bhayibeleng.—Pisalema 1:1-3; Jesaya 26:3; Jeremiya 17:7, 8; 1 Johane 3:22.

Lebelela Vidiyo yo ye kopana o bone tsa go fo go lekisa tsa puku ya Diyema.