Maheberu 4:12—“Lentsu la Modimo le ya Phela Fote le na le Matšhika”

“Ka taba la gore lentsu la Modimo le ya phela fote le na le matšhika, le galefa go phala sabola ya gore yi sega ka ho le ka ho, le napa le ro kenelela ka ku tengteng le segela le yahluganya motho ka boyene mong le so a leng sona ka ku tengteng.”—Maheberu 4:12, Hlatollo ya Matewu go Segela ga Kutullo.

“Lentsu la Modimo le ya phela fote le ya gelepa, le galefa go phala sabola ya gore yi sega ka ho le ka ho le napa le ro thuletsa ka ku tengteng le segela le yahluganya motho ka boyene mong le so a leng sona ka ku tengteng.”—Maheberu 4:12, English Standard Version.

Hlatollo ya Maheberu 4:12

Molayetsa wa Modimo wa go tšwa ka ho Bhayibeleng wa gore wo ya ga batho, wo na le matšhika ya go yahluganya tso re di naganang le tso pelo yi nabelang go di maka. Molayetsa wone wo ka maka gore batho ba be le maphelelo ya gabutši.

“Lentsu la Modimo le ya phela.” Lentsu lowa la gore “lentsu la Modimo” le rela tso Modimo a di tshepisang kela tso a tikemiseleng go di maka, go ya ka mokgo Bhayibele yi hlayang.a Selo se segolo so se makang gore taba yowa re yi tseyele gedimo ke gore bo ba theetselang ba nyoko phela go ya go yye ho lefaseng ba kwana fote ba bebiye.—Genesi 1:28; Pisalema 37:29; Kutullo 21:3, 4.

Tso Modimo a tikemiseleng go di maka kela Lentsu lage la “phela,” ka mokgo mang? Ka gore le na le matšhika ya go segelela dipelo tsa bo ba le yamogelang le boya le ba neya tshepo ho lephelong. (Dotoronoma 30:14; 32:47) Tso Modimo a di tshepisiyeng ka lentsung lage le tsona dya “phela” ka taba la gore o tikemisele go maka tso a di tshepisiyeng. (Johane 5:17) Modimo aa tshwane le batho, a ka sa tshepise dilo a šitega go di maka kela go lebala. (Dipalo 23:19) Lentsu lage “le ka sa boyele gage le sa maka tso a di nyaka.”—Jesaya 55:10, 11.

“Lentsu la Modimo . . . le na le matšhika.” Lentsu lowa la gore “le na le matšhika” fote ba ka le hlatolla ka mokgo, “la phela,” “la gelepa” kela go segelela se sengwana le se sengwana so le nyakang go se maka. Byalo, dilo ka mokana ga tsona tso Jehovab Modimo a di hlayang kela tso a di tshepisang o nyoko di maka. (Pisalema 135:6, Jesaya 46:10) Gabutšibutši, Modimo o nyoko maka tso a di tshepisiyeng ka mokgwa wa gore ne re sa wo nagana.—Maefeso 3:20.c

Fote lentsu la Modimo “le na le matšhika” ya go gelepa bo ba gore ba tikemisele go tlubula mekgwa ya bona ya botala ke mokane ba phele lephelo la gabutši. Tso Modimo a di tšhutisang di ka ba hlohletsela ga tso ba di naganang, maphelelo ya bona le tso ba nyakang go di segelela. (Maroma 12:2; Maefeso 4:24) Ka mantsu ya mangwana, “lentsu la Modimo . . . le bereka ga bo ba dumelang” gore ke lentsu lage.—1 Mathesalonika 2:13.

“Lentsu la Modimo . . . le galefa go phala sabola ya gore yi sega ka ho le ka ho.” Mo re fo tshwanisela, lentsu la Modimo le galefa go phala sabola ya gore yi makiye ke motho ka gore lona le na le matšhika. Molayetsa wa Modimo wo ka segelela pelo wo napa wo ro kenelela ka ku tengteng ka mokgwa wa gore a go na motho ye a ka di kgonang go maka ka mokgonone. Tsotsone ke tso di latelang ka ho tlase ga lengwalo la Maheberu 4:12.

“Lentsu la Modimo . . . le napa le ro kenelela ka ku tengteng.” Mo Bhayibele yi bolabola ka “moya” yi ka ba yi rela motho ka boyene mong, fote go gongwana “moya” yi ka ba yi rela so a leng sona ka ku tengteng. (Magalata 6:18) Mo re fo tshwanisela, “lentsu la Modimo” le ro napa le kenelela ka “ku tengteng,” ka mokgo re tikwang le tso re di naganang. Ka gore tso Jehova a re tšhutisang tsona di re hlohletsela gore re tšhentšhe so re leng sona ka ku teng, ga gore motho aa kgone go go bona. Fote tsotsone di jabodisa rune le ye a re Makiyeng.

“Lentsu la Modimo. . . le segela le yahluganya motho ka boyene mong le so a leng sona ka ku tengteng.” Tso motho a di makang mo a kwa lentsu la Modimo di ka šupetsa ka mokgo a tikwang ka gona tsa mannete, tso a tikemiseleng tsona le tso a nyakang go di maka, tsa gore di kutšetsela mekgwa yage le so a leng sona. Mo re beyisa, mo motho a yamogela lentsu la Modimo a boya a tšhentšha maphelelo yage, o šupetsa gore wa tinyanafatsa fote wa leboga. O nyaka go jabodisa ye a mo Makiyeng. Ka nthoko ye nngwana, mo a kraya gore o na le mekgwa ya gore a yi gabutši ya go tshwana le go ba le magetla le go tinaganela a ntoši o ghobolla mekgwa yone a berekisa lentsu la Modimo. Fote o maka so a ka se kgonang gore a kganele kgole le dilo tsa gore a di jabodise Modimo.—Jeremiya 17:9; Maroma 1:24-27.

Puku ye nngwana ya go nyakolla yi hlaya gore, lentsu la Modimo “le ka segelela ka ku tengteng ga rune.” A gona so se wutammeng ga Modimo so a ka sa kgoneng go se bona sa gore le lentsu lage le ka šitega go se wunyulla. Lengwalo la Maheberu 4:13 le re, “A go na selo sa gore se wutamme ho gage, mara dilo ka mokana ga tsona a di ya tšwara fote a di ya wutama mahlong ga ye a nyoko re yahlulang.”

Tso di leng ga Maheberu 4:12

Puku ya Maheberu yi hlohletsele ke Modimo, o berekisiye Pawulo wa lepostola gana ga hala ga 61 C.E. gore a ngwalele Majuda, Makreste ya gore ne ma le Jerusalema le Judiya.

Ga ditemanyana 3 le 4, Pawulo o šihlele ka mokgo mošupetso wa Maisrayele ya ku botala ne wo pasopisa Makreste. (Maheberu 3:8-12; 4:11) Jehova o tshepisiye Maisrayele gore o nyoko ma phonisa bobhantiting le go ba yisa ga naga ya gore ba nyoko “dula ba tšhireletsegiye.” (Dotoronoma 12:9, 10) Mara, ditlogolwane tsa Maisrayele tsa gore di tlugiye Egepita di šupetsiye gore di gayela tumelo ga tso Modimo a di tshepisiyeng ke mokane dya fo ya mahlong di sa theetsele melawo yage. Sa go kwisa go baba, ke gore a sanka ba “kena ba khutsa le Modimo” gore ba thogo jabolela senghana sa go beba naye. Mara ba yye ba kgwela mašahleng. Le mo ditlogolwane tsa bona di kenne ga Naga yo ne a ba Tshepisiye yona mara le tsona di yye dya fo thomisa go tiwomisa dihlogo dya sa theetsele Jehova. Tsotsone di makiye gore setšhaba se hlupege ka matla.—Nehemiya 9:29, 30; Pisalema 95:9-11; Luka 13:34, 35.

Pawulo o hlayye gore Makreste ma tshwanele ma tšhute ga mošupetso wa go sa loka wa Maisrayele ya go sa tshepega. Mara rune re ka kena ra khutsa le Modimo mo re ka theetsela lentsu lage le go ba le tumelo ya go felegelela ga tso a re tshepisiyeng tsona —Maheberu 4:1-3, 11.

Lebelela vidiyo yo ye kopana o bone tsa go go lekisa tsa puku ya Maheberu.