Dipalo

1 Ke mokane Jehova a bolabola le Moše ku mašahleng ya Sinayi+ letenteng la mogahlano,+ ka letšatši la mathomo la kgwedi ya mabedi, ka mongwaga wa mabedi wa mo ba tšwile Egepita.+ O yitseri: 2 “Balela batho+ ba Israyele ka mokana ga bona, go ya ka mitši ya bona le go ya ka maloko ya bopapa ba bona, go ya ka nombhoro ya mabitso ya banna ka mokana ga bona. 3 Wene le Aroni le ba ngwadiseneng go ya ka megoba ya bona ya masole, le ngwadise ba gore ba ka kgona go ba masole ya Israyele go tlugisela ga ba go ba le 20 ya mengwaga go ya gedimo.+

4 “Tseya monna ka wwoši ga leloko le lengwana le le lengwana; monna ye mongwana le ye mongwana ye o mo tsereng go nyoko ba hlogo ya leloko la gabo.+ 5 Mabitso ya banna bo ba nyoko go gelepang ke yawa: ga leloko la Rubeni go nyoko ba Elizuri+ morwayi wa Šedewure; 6 ga leloko la Simiyoni go nyoko ba Šelumiyele+ morwayi wa Zurišadhayi; 7 ga leloko la Juda go nyoko ba Našone+ morwayi wa Aminadaba; 8 ga leloko la Isakhara go nyoko ba Nethanele+ morwayi wa Zuwara; 9 ga leloko la Zebhuloni go nyoko ba Eliyabho+ morwayi wa Helone; 10 ga leloko la Eforayimi+ go nyoko ba Elišama morwayi wa Amihudi; ga leloko la Manase go nyoko ba Ghamaliyele morwayi wa Pedahizuri; Eforayimi le Manase ke barwayi ba Josefa. 11 Ga leloko la Bhenjamini go nyoko ba Abhidani+ morwayi wa Ghidiyone; 12 ga leloko la Dani go nyoko ba Ahiyezere+ morwayi wa Amišadhayi; 13 ga leloko la Aša go nyoko ba Pagiyele+ morwayi wa Okhrane; 14 ga leloko la Ghada go nyoko ba Eliyasafa+ morwayi wa Duwele; 15 ga leloko la Nafthali go nyoko ba Ahira+ morwayi wa Enane. 16 Bowa ke ba gore ba ba kgetiye ga batho ka mokana ga bona. Ke dindhuna+ tsa maloko ya bopapa ba bona, ye mongwana le ye mongwana ke mo a wokamela dikiti tsa maloko ya Israyele.”+

17 Byalo, Moše le Aroni ba tsere banna bowa ba gore ba hlawodiye ke Modimo. 18 Ba hlekeletsiye batho ka letšatši la mathomo la kgwedi ya mabedi gore ba thogo ngwadisa lebitso la ye mongwana le ye mongwana, gore o tšwa ga mutši wofeng le gore o tšwa ga leloko lefeng, go tlugisela ga ba go ba le 20 ya mengwaga go ya gedimo,+ 19 go ya ka mokgo Jehova a butsiyeng Moše. Byalo, a ba ngwadisa ku mašahleng ya Sinayi.+

20 Barwayi ba Rubeni ba gore ke ditlogolwane tsa letšibula la Israyele,+ ba ba ngwadisiye go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 21 batho bo ba ngwadisiyeng ba leloko la Rubeni ke mo go le 46 500.

22 Ba ngwadisa barwayi ba Simiyoni+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 23 batho bo ba ngwadisiwweng ba leloko la Simiyoni ke mo go le 59 300.

24 Ba ngwadisa barwayi ba Ghada+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 25 batho bo ba ngwadisiwweng ba leloko la Ghada ke mo go le 45 650.

26 Ba ngwadisa barwayi ba Juda+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 27 batho bo ba ngwadisiwweng ba leloko la Juda ke mo go le 74 600.

28 Ba ngwadisa barwayi ba Isakhara+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 29 batho bo ba ngwadisiwweng ba leloko la Isakhara ke mo go le 54 400.

30 Ba ngwadisa barwayi ba Zebhuloni+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 31 batho bo ba ngwadisiwweng ba leloko la Zebhuloni ke mo go le 57 400.

32 Barwayi ba Josefa ba go tšwa ga leloko la Eforayimi+ ba ba ngwadisiye go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 33 batho bo ba ngwadisiwweng ba leloko la Eforayimi ke mo go le 40 500.

34 Ba ngwadisa barwayi ba Manase+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 35 batho bo ba ngwadisiwweng ba leloko la Manase ke mo go le 32 200.

36 Ba ngwadisa barwayi ba Bhenjamini+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 37 batho bo ba ngwadisiwweng ba leloko la Bhenjamini ke mo go le 35 400.

38 Ba ngwadisa barwayi ba Dani+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 39 batho bo ba ngwadisiwweng ba leloko la Dani ke mo go le 62 700.

40 Ba ngwadisa barwayi ba Aša+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 41 batho bo ba ngwadisiwweng ba leloko la Aša ke mo go le 41 500.

42 Ba ngwadisa barwayi ba Nafthali+ go ya ka mutši wo ba tšwang ga wona le ga leloko lo ba tšwang ga lona. Ba balela banna ka mokana ga bona ba gore ne ba ka kgona go bereka bosoleng, go tlugisela ga ba go ba le 20 ya mengwaga go ya gedimo, 43 batho bo ba ngwadisiwweng ba leloko la Nafthali ke mo go le 53 400.

44 Bowa ba ngwadisiye ke Moše a na le Aroni le 12 ya dindhuna tsa Israyele tsa gore di yemela leloko la gabo tsona. 45 Batho ka mokana ga bona ba Israyele go tlugisela ga ba go ba le 20 ya mengwaga go ya gedimo ba gore ke mo ba kgona go ya ntweng ku Israyele, ba ba ngwadisiye go ya ka maloko ya bona, 46 batho bo ba ngwadisiyeng ke mo go le 603 550.+

47 Mara gana hone ke mo ba sa ngwadisa Malifi+ go ya ka leloko la bopapa ba bona.+ 48 Byalo Jehova a botsa Moše a re: 49 “Leloko la Llifi ke lona le le ntoši la gore a wa tshwanela go le ngwadisa, fote nombhoro ya bona o sa yi tšhele ga nombhoro ya Maisrayele ya mangwana.+ 50 Di nyaka o kgete Malifi gore ma wokamele tabarenakele ya gore yi na le areka ya go kwanisanya+ le dilo tso ba di berekisang mone ga yona le dilo tsa yona ka mokana ga tsona.+ Ba nyoko kakola tabarenakele yone le dilo tsa yona ka mokana ga tsona+ ke mokane ba berekela ga yona,+ fote ba nyoko kampa ba dukulugela tabarenakele yone.+ 51 Mo go ba nako ya gore tabarenakele yi tlusiwe, di nyaka yi hlahlamolle ke Malifi;+ fote mo go ba nako ya gore tabarenakele yi hlomegetsiwe, di nyaka yi hlomegetse ke Malifi; fote mo motho wa gore a yi Lelifi a ka šutela thina ga yona di nyaka a bolayiwe.+

52 “Di nyaka Leisrayele le lengwana le le lengwana le hlome letente la lona kampeng ya lona, monna ye mongwana le ye mongwana a yage mo ba beyyeng kararo ya maloko yage,+ ye mongwana le ye mongwana a be le mogoba wage. 53 Fote Malifi ma kampe go dukuluga tabarenakele ya gore yi na le areka ya go kwanisanya, gore ke sa kwatele Maisrayele;+ fote Malifi ma pasope tabarenakele ya gore yi na le areka ya go kwanisanya.”+

54 Batho ba Israyele ba makiye dilo ka mokana ga tsona tso Jehova a di butsiyeng Moše. Ba f’lo maka ka mokgonone.