Dipalo
4 Byalo Jehova a bolabola le Moše le Aroni a re: 2 “Di nyaka le ngwadise barwayi ba Kohathe+ ba go tšwa ga leloko la Llifi go ya ka mitši ya bona le go ya ka leloko la bopapa ba bona, 3 o balele batho ka mokana ga bona go tlugisela ga 30+ go segela ga 50 ya mengwaga+ ba gore ba ga mogoba wa go bereka letenteng la mogahlano.+
4 “Wowa ke mmereko wo wo makang ke barwayi ba Kohathe ku ga letente la mogahlano.+ Ke selo sa go hlawolega ka matla: 5 Aroni le barwayi bage ba nyoko kena mo Maisrayele ma sepela ke mokane ba tseya legaredheni+ ba kogela areka+ ya go ba le Lesome la Melawo. 6 Ba nyoko yi kogela ka mokgopa wa kgooka, ba tokegela ka llapi la khala ye tala sebakabaka ke mokane ba tšhela dikwata tsa go yi rwala ka tsona.+
7 “Fote ba nyoko yatlala llapi la khala ye tala sebakabaka ga tafola yo ba beyang sekgwa sa go tshwanisela,+ fote mo gedimo ga lona ba nyoko beya ditša, dikomitši, ditša tsa motšiti le tso ba tšhelang ga tsona sehlabelo sa go nwiwa;+ fote sekgwa sa gore ba maka sehlabelo ka sona se dule se le gana mone tafoleng.+ 8 Ba nyoko yi kwala ka llapi le lekhubedu ke mokane ba yi kwala le ka mokgopa wa kgooka, ba boya ba tšhela dikwata tsa go yi rwala ka tsona.+ 9 Ke mokane ba nyoko tseya llapi la khala ye tala sebakabaka ba kogela setšhubampara+ le llampa la sona,+ selo sa go tima malampa ya sona, dipane tsa go rwala magala tsa sona+ le dilo ka mokana ga tsona tsa go tšhela makgura. 10 Ke mokane ba nyoko phutela yona le dilo tso di berekisiwang mo ga yona ba berekisa mokgopa wa kgooka ke mokane ba hlomela dikwata tsa go rwala ka tsona. 11 Fote ba nyoko yatlala llapi la khala ye tala sebakabaka gedimo ga aletare ya gholdi,+ ba kwala le ka mokgopa wa kgooka ke mokane ba hlomela dikwata tsa go yi rwala ka tsona.+ 12 Ba nyoko tseya dilo ka mokana ga tsona+ tsa gore ke mo ba di berekisa ga poleke ya go hlawolega fote ba nyoko di kogela ka llapi la khala ye tala sebakabaka, fote ba nyoko di kogela ka mokgopa wa kgooka ke mokane ba hlomela dikwata tsa go yi rwala ka tsona.
13 “Ba tshwanele gore ba tlose luta aletareng+ ke mokane ba yatlale llapi la khala ye phepholo la go makiwa ka wulu. 14 Ke mokane gedimo ga lona ba beye dilo ka mokana ga tsona tsa gore ke mo ba di berekisa mo ba bereka ku aletareng,+ dilo tsa gona ke dipane tsa go rwala magala, diforoko, difošolo, ditša tsa motšiti le dilo ka mokana ga tsona tsa aletare; di nyaka ba di kwale ka mokgopa wa kgooka, fote ba hlomele dikwata tsa go rwala ka tsona.+
15 “Di nyaka gore Aroni le barwayi bage ba fetse go kogela poleke ya go hlawolega+ le dilo ka mokana ga tsona tso di berekisiwang ga yona mo Maisrayele ma nyoko tloga. Ke mokane barwayi ba Kohathe ba nyoko tla ba di rwala,+ mara a baa tshwanela go tshwara poleke ya go hlawolega ka taba la gore ba nyoko kgwa.+ Tsowa ke dilo tso di tshwaneleng di make ke barwayi ba Kohathe letenteng la mogahlano.
16 “Eliyazara+ morwayi wa Aroni wa gore ke moprista di nyaka a wokamele makgura ya malampa,+ tsa go nkgela,+ sehlabelo sa mabele sa gore se makiwa thina le thina le makgura ya go tlotsa batho ka wona.+ Di nyaka a wokamele tabarenakele ka mokana ga yona le dilo tsa yona ka moka, gana hone go kena le poleke ya go hlawolega le dilo tsa yona ka mokana ga tsona.”
17 Jehova o butsiye Moše le Aroni gore: 18 “Le sa lisetsi Makohathe+ ya gore ma tšwa ga leloko la Llifi ma bolayiwa. 19 Mara le ma makele tsowa gore ma thogo phela fote ma sa kgwe ka taba la go šutela thina le dilo tsa go hlawolega ka matla.+ Aroni le barwayi bage ba nyoko kena ke mokane ba neya ye mongwana le ye mongwana mmereko wo di nyakang ba wo maka, ba ba botsa le gore ba kakole ying. 20 Ba sa kene ba bona dilo tsa go hlawolega, ka taba la gore le mo ba ka di bona ka gonyana ba nyoko kgwa.”+
21 Ke mokane Jehova a re ga Moše: 22 “Di nyaka le ngwadise barwayi ba Ghešone+ go ya ka mitši ya bona le ka leloko la bopapa ba bona. 23 O balele batho ka mokana ga bona go tlugisela ga 30 go segela ga 50 ya mengwaga ba gore ba ga mogoba wa go bereka letenteng la mogahlano. 24 Tsowa ke dilo tso ba leloko la Ghešone di nyakang ba di pasope le go di kakola:+ 25 Ba nyoko kakola malapi ya tabarenakele,+ letente la mogahlano, tsa go le kogela, mokgopa wa kgooka wa go le kogetsa ka ho gedimo,+ legaredheni la mo go keniwang gona letenteng la mogahlano,+ 26 magaredheni ya lapa,+ legaredheni la mo go keniwang gona lapeng+ la gore le dukulugela tabarenakele le aletare, dithapo tsa letente le dilo ka mokana ga tsona tso di berekisiwang. Wowa ke mmereko wa bona. 27 Di nyaka gore mmereko ka mokana ga wona wo wo makang ke ba leloko la Ghešone+ wo wokamele ke Aroni le barwayi bage; le ba neye mmereko wone go be wa bona. 28 Wowa ke mmereko wa gore ba leloko la Ghešone ba tshwanele ba wo make ku ga letente la mogahlano,+ fote Ithama+ morwayi wa Aroni wa gore ke moprista di nyaka a wokamele mmereko wo ba wo makang.
29 “Di nyaka le ngwadise barwayi ba Merari+ ka mitši ya bona le ka leloko la bopapa ba bona. 30 O balele batho ka mokana ga bona go tlugisela ga 30 go segela ga 50 ya mengwaga ba gore ba ga mogoba wa batho ba go bereka letenteng la mogahlano. 31 Tsowa ke tso ba tshwaneleng ba di kakole+ mo ba bereka mmereko wa bona ga letente la mogahlano: mabalelo ya diforemo+ tsa tabarenakele, diforemo tsa yona,+ dikholomo tsa yona+ le dilo tsa go beyelela dikholomo tsa yona;+ 32 dikholomo+ tsa go dukulugela lapa, dilo tsa go beyelela dikholomo tsone,+ dipikiri tsa letente,+ dithapo tsa letente le dilo ka mokana ga tsona tso ba di berekisang le mmereko ka mokana ga wona wa go sipidisana natso. O nyoko botsa ye mongwana le ye mongwana gore a kakole ying. 33 Wowa ke mmereko wa gore ba leloko la Merari+ di nyaka ba wo make ku ga letente la mogahlano, fote Ithama morwayi wa Aroni wa gore ke moprista+ di nyaka a wokamele mmereko wo ba wo makang.”
34 Ke mokane Moše le Aroni le dindhuna+ tsa bona ba ngwadisa barwayi ba Kohathe+ go ya ka mitši ya bona le go ya ka leloko la bopapa ba bona, 35 ba ngwadisiye batho ka mokana ga bona ba go tlugisela ga 30 go segela ga 50 ya mengwaga ba gore ba ga mogoba wa go bereka letenteng la mogahlano.+ 36 Batho ka mokana ga bona bo ba ngwadisiwweng go ya ka mitši ya bona ne go le 2 750.+ 37 Bowa ke bo ba ba ngwadisiyeng ga mitši ya Kohathe, ka mokana ga bona ke mo ba bereka ga letente la mogahlano. Moše le Aroni ba ba ngwadisiye ba botsa ke Jehova a berekisa Moše.+
38 Ba ngwadisa barwayi ba Ghešone+ go ya ka mitši ya bona le go ya ka maloko ya bopapa ba bona, 39 ka mokana ga bona go tlugisela ga 30 go segela ga 50 ya mengwaga ba gore ne ba le ga mogoba wa go bereka letenteng la mogahlano. 40 Nombhoro ya bo ba ngwadisiwweng go ya ka mitši ya bona le go ya ka leloko la bopapa ba bona ne go le 2 630.+ 41 Bowa ke bo ba ba ngwadisiyeng ga mitši ya barwayi ba Ghešone, ka mokana ga bona ke mo ba bereka ga letente la mogahlano. Moše le Aroni ba ba ngwadisiye ba botsa ke Jehova.+
42 Ba ngwadisa barwayi ba Merari go ya ka mitši ya bona le go ya ka leloko la bopapa ba bona, 43 ka mokana ga bona go tlugisela ga 30 go segela ga 50 ya mengwaga ba gore ne ba le ga mogoba wa go bereka letenteng la mogahlano.+ 44 Nombhoro ya bo ba ngwadisiwweng go ya ka mitši ya bona ke mo go le 3 200.+ 45 Bowa ke bo ba ba ngwadisiyeng ga mitši ya barwayi ba Merari, Moše le Aroni ba ba ngwadisiye ba botsa ke Jehova a berekisa Moše.+
46 Byalo, Moše le Aroni le dindhuna tsa Israyele ba ngwadisiye Malifi yawa ka mokana ga wona go ya ka mitši ya wona le go ya ka maloko ya bopapa ba bona; 47 ke mo ba na le mengwaga ya go tlugisela ga 30 go segela ga 50, fote ka mokana ga bona ne ba ba neyye mmereko wa go bereka letenteng la mogahlano le go rwala dilo tsa go sipidisana le letente la mogahlano.+ 48 Nombhoro ya batho ka mokana ga bona bo ba ngwadisiwweng ne go le 8 580.+ 49 Ba ba ngwadisiye go ya ka mokgo Jehova a hlayyeng a berekisa Moše, ye mongwana le ye mongwana go ya ka mmereko wo ba mo neyyeng wona; ne ba ngwadisiwwe ka mokgo Jehova a butsiyeng Moše.