Jošuwa

13 Byalo, Jošuwa ke mo a šele a tsofele fote a le thina le go kgwa.+ Jehova a re gage: “O tsofele fote o thina le go kgwa; mara go sa na le naga ye kgolo ya gore di nyaka le yi hlule. 2 Naga yowa ke yo yi šeleng:+ naga ka mokana ga yona ya Mafilisita le naga ka mokana ga yona ya Maghešuri+ 3 (go tlugisela mo nooka ya Nayile* yi yahluganang gona ka bohlabela* bya Egepita go segela mo Ekrone yi kgerang gona ka lebowa, ya gore ke mo go le poleke ya Makanana)+ gana hone go kena le naga ya kapheta ya marena ya Mafilisita+—Maghaza, Maašidodo,+ Maašikelone,+ Maghathe+ le Maekrone+ ya Maavimi+ 4 ya gore yi ka borwa; naga ka mokana ga yona ya Makanana; Mera ya gore ke ya Masidoni,+ go segela Apheke ya gore yi mo go kgerang naga ya Maamore; 5 naga ya Maghebhali+ le Lebhanoni ka mokana ga yona ka bohlabela, go tlugisela Bhaali-ghada hala go thomisang Thaba ya Heremoni go segela Lebho-hamathe;*+ 6 batho ka mokana ga bona ba dipolekeng tsa dithabeng go tlugisela Lebhanoni+ go segela Misirefothe-mayimi;+ le Masidoni+ ka mokana ga wona. Ke nyoko ba raka mahlong ga Maisrayele.+ Di fo nyaka gore o yi neye Maisrayele gore go be lefa la wona go fo ya ka mokgo ke go butsiyeng ka gona.+ 7 Byalo, di nyaka le kupe dipoleke tsa gore ke lefa la leloko le lengwana le le lengwana ga nkokwane yela le sekopa sa leloko la Manase.+

8 Sekopa se sengwana sa leloko la Manase, le Marubeni le Maghada ba krayye lefa la bona la gore Moše o ba neyye lona ka nthoko ya bohlabela bya Jorodane, go fo ya ka mokgo Moše wa gore ke lelata la Jehova a ba neyyeng lona:+ 9 go tlugisela Arore+ ya gore yi mo go thomisang Moyedi wa Aranoni,+ mutši wa gore wo segare ga Moyedi wa Aranoni le dipoleke ka mokana ga tsona tsa dithabeng tsa Medeba go segela Dibhoni; 10 le mitši ka mokana ga yona ya kgoši ya Maamore ye ba reng ke Sihone, wa gore ke mo a lawola a le Hešibhone go segela mo go kgerang poleke ya Maamoni;+ 11 le Ghiliyade le poleke ka mokana ga yona ya Maghešuri le Mamayakha+ le Thaba ya Heremoni ka mokana ga yona le Bhašane+ ka mokana ga yona go segela Salekha;+ 12 dipoleke ka mokana ga tsona tsa bogošing tsa Ogo ku Bhašane, wa gore ke mo a lawola a le Ašitarothe le Edreyi. (Ke mo go le ye mongwana wa ba mafelelo ga Marefayime.)+ Moše o ba hludiye a boya a ba raka.+ 13 Mara Maisrayele ma sa rake+ Maghešuri le Mamayakha, batho ba Ghešuri le ba Mayakha ba yye mahlong ba dula le Maisrayele go segela le lekgono lowa.

14 Ke mo go fo ba leloko la Malifi la gore aa le neya lefa.+ Lefa la wona ke mo go le dihlabelo tsa go makiwa ka mollo tsa Jehova Modimo wa Israyele,+ go fo ya ka mokgo a ba tshepisiyeng.+

15 Ke mokane Moše a neya leloko la Rubeni lefa go ya ka mitši ya bona, 16 poleke ya bona ke mo yi tlugisela ka Arore ya gore yi mo go thomisang Moyedi wa Aranoni, le mutši wa gore ne wo le segare ga Moyedi wa Aranoni le poleke ka mokana ga yona ya dithabeng hala Medeba; 17 Hešibhone le dipoleke ka mokana ga tsona+ tsa gore di dithabeng, Dibhoni, Bhamothe-bhaali, Bhethe-bhaali-miyone,+ 18 Jahazi,+ Kedemothe,+ Mefathe,+ 19 Kiriyathayimo, Sibhima+ le Zerethe-šahara thabeng ya moyeding, 20 Bhethe-piyore, methewo ya Pisigha,+ Bhethe-ješimothe,+ 21 mitši ka mokana ga yona ya gore yi dithabeng le dipoleke ka mokana ga tsona tsa bogošing tsa kgoši ya Maamore ye ba reng ke Sihone wa gore ke mo a lawola a le ku Hešibhone.+ Moše o hludiye yene+ le dindhuna tsa Mamidiyane ba gore ke Evi, Rekeme, Zure, Hure le Reba,+ magoši ya gore ne ma le ka tlase ga Sihone ya gore ne ma dula mone nageng. 22 Bhalamo+ morwayi wa Bhiyora wa gore ke mo a maka tsa masalamose,+ ke ye mongwana wa bala ba gore Maisrayele ma ba bolayye ka sabola. 23 Poleke ya Marubeni ke mo yi kgera ka Jorodane; fote poleke yowa ke mo go le lefa la Marubeni go ya ka mitši ya bona, ditoropo le dimitšane tsa yona.

24 Go tokegela gana hone, Moše a neya leloko la Ghada lefa go ya ka mitši ya lona, 25 ga poleke ya bona ke mo go kena Jazere,+ mitši ka mokana ga yona ya Ghiliyade le sekopa sa naga ya Maamoni+ go segela Arore ya gore yi libiye Rabha;+ 26 go tlugisela Hešibhone+ go segela Ramathe-mizipe le Bhetonimi, le go tlugisela Mahanayime+ go segela mo go kgerang Debhiri; 27 le moyeding, Bhethe-harane, Bhethe-nimra,+ Sukhothe+ le Zafoni, poleke ka mokana ga yona ya bogošing ya kgoši ya Hešibhone+ ye ba reng ke Sihone, poleke ya bona ke mo yi kgera ka nthoko ya bohlabela bya Jorodane go segela mo go felelang Lewatle la Khinerethe.*+ 28 Lowa ke mo go le lefa la Maghada go ya ka mitši ya wona, ditoropo le dimitšane tsa wona.

29 Go tokegela gana hone, Moše a neya sekopa sa leloko la Manase lefa go ya ka mitši ya lona.+ 30 Poleke ya bona ne yi tlugisela Mahanayime,+ gana hone go kena le Bhašane ka mokana ga yona, poleke ka mokana ga yona ya bogošing ya kgoši ya Bhašane ye ba reng ke Ogo le dimitšane ka mokana ga tsona tsa Jayiri+ ku Bhašane, ke mo go le 60 ya mitši. 31 Sekopa sa Ghiliyade, Ašitarothe, Edreyi,+ mitši ya bogošing ya kgoši ya Bhašane ye ba reng ke Ogo, ba di neyye barwayi ba Makhiri+ morwayi wa Manase, ba di neyye sekopa sa barwayi ba Makhiri go ya ka mitši ya bona.

32 Lowa ke lefa la gore Moše o ba neyye lona ga poleke ya kgwaakgwa ya Mowaba ka mosekola wa Jorodane, ka bohlabela bya Jerikho.+

33 Mara Moše aa neya leloko la Malifi lefa.+ Jehova Modimo wa Maisrayele ke lefa la bona go ya ka mokgo a ba tshepisiyeng.+