Jošuwa

22 Ke mokane Jošuwa a bitsa Marubeni, Maghada le sekopa sa leloko la Manase 2 a ba botsa gore: “Le makiye dilo ka mokana ga tsona tso Moše wa gore ke lelata la Jehova a le butsiyeng tsona,+ fote le ntheetsele ga dilo ka mokana ga tsona tso ke le butsiyeng tsona.+ 3 A le ya jikela bobhuti ba lune go segela le lekgono lowa;+ fote le theetsele tso le butsiyeng ke Jehova Modimo wa lune.+ 4 Byalo, Jehova Modimo wa lune o makiye gore bobhuti ba lune ba khutse go fo ya ka mokgo a ba tshepisiyeng.+ Le ka boyela matenteng ya lune ga naga yo Moše wa gore ke lelata la Jehova a le neyyeng yona gore go be ya lune ka nthoko* yela ye nngwana ya Jorodane.+ 5 Le bone gore le maka dilo tso di hlayang ke Molawo tsa gore Moše wa gore ke lelata la Jehova o le butsiye tsona,+ ka go nyaka Jehova Modimo wa lune ka matla,+ ka go sepela ka melawo yage ka mokana ga yona,+ ka go maka tso a le botsang tsona,+ ka go mo mamarela+ le ka go mmerekela+ ka dipelo tsa lune ka moka le maphelo* ya lune ka moka.”+

6 Jošuwa a ba rufa a re ba sepele, ke mokane ba ya matenteng ya bona. 7 Moše a neya sekopa sa leloko la Manase lefa ku Bhašane,+ Jošuwa a neya sekopa se sengwana sa leloko lone le bobhuti ba bona naga ya ka bodikela bya Jorodane.+ Mo Jošuwa a re ba sepele ba ye matenteng ya bona, o ba rufiye 8 a re ga bona: “Le tikrayele dilo tsa go tlala, merape ya go tlala, silva, gholdi, koporo, tshipi le dikobo tsa go tlala,+ tseyaneng dilo tsowa le boyele matenteng ya lune. Tseyaneng tso le di krayyeng ga manaba ya lune+ le ngathelane le bobhuti ba lune.”

9 Ka nthago ga mone, Marubeni, Maghada le sekopa sa leloko la Manase ba tloga ga Maisrayele ya mangwana, ba tlugiye Šilo ya nageng ya Kanana ke mokane ba boyela ga naga ya Ghiliyade,+ naga yo Jehova a ba neyyeng yona gore ba dule ga yona a berekisa Moše.+ 10 Mo ba segela dipolekeng tsa Jorodane nageng ya Kanana, Marubeni, Maghada le sekopa sa leloko la Manase ba yaga aletare ye kgolo ka matla gana hone thina le Jorodane. 11 Ka nthago, Maisrayele ya mangwana ma di kwelela+ ma re: “Bonaneng! Marubeni, Maghada le sekopa sa leloko la Manase ba yagiye aletare mo naga ya Kanana yi kgerang gona ga dipoleke tsa Jorodane ka nthoko ya gore ke ya Maisrayele.” 12 Mo Maisrayele ma di kwelela, mogoba wa Maisrayele ka mokana ga wona wa gahlana Šilo+ gore wo lwe nabo.

13 Ke mokane Maisrayele ma romela Finiyase+ morwayi wa Eliyazara wa gore ke moprista ga Marubeni, Maghada le sekopa sa leloko la Manase nageng ya Ghiliyade, 14 fote ke mo a na le dindhuna lesome la tsona, ndhuna ye nngwana le ye nngwana ke mo go le hlogo ya mutši wa leloko le lengwana le le lengwana, ke mo go le dihlogo tsa mitši ya bopapa ba bona ga Maisrayele ka mokana ga wona.+ 15 Mo ba segela ga Marubeni, Maghada le sekopa sa leloko la Manase ku nageng ya Ghiliyade, ba ba botsa gore:

16 “Tsowa ke tso di hlayang ke batho ba Jehova ka mokana ga bona: ‘Ke ntaba le sa tshepega+ ga Modimo wa Maisrayele? Lekgono le jikele Jehova la tiyagela aletare, fote le dhelela Jehova.+ 17 Anthe tso re di sinnyeng ku Pewore ke mo go le tse dinyana? Ayitsano le libele dilo tsa go sasamela tso di makegeleng batho ba Jehova? Le lekgono lowa re sa na re patela tso re di sinnyeng.+ 18 Le lekgono lowa le sa na le jikela Jehova! Mo le ka jikela Jehova lekgono, ka motshwana o nyoko kwatela batho ba Maisrayele ka mokana ga bona.+ 19 Mo nkare le makiye tsotsone ka gore naga ya lune a ya yela, tshilelaneng nageng ya Jehova+ ya gore go na le tabarenakele ya Jehova,+ le dule le rune, mara le sa mo jikele ga Jehova fote le sa tiyagele aletare go kene go na le aletare ye nngwana ya Jehova Modimo wa rune la maka gore le rune re mo dhelele.+ 20 Anthe nakwela Akane+ morwayi wa Zera a sinya ka go tseya dilo tsa gore ne go tshwanele go fele ka tsona, Modimo aa kwatela Maisrayele ka mokana ga wona?+ Phela le batho ba bangwana ba kgwele molato wage.’”+

21 Mo ba reyane, Marubeni, Maghada le sekopa sa leloko la Manase ba fetola dihlogo tsa mitši ya Maisrayele ba re:+ 22 “Jehova Modimo wa gore o phala medimo ye mengwana ka moka!+ Jehova Modimo wa gore o phala medimo ye mengwana ka moka! Yene wa di tšiba, fote le Maisrayele ma nyoko di tšiba. Mo nkare ke mo re dhelela fote re sa tshepege ga Jehova, o fo napa o fetsa ka rune lekgono. 23 Mo re ka tiyagela aletare ra jikela Jehova, ra maka dihlabelo tsa go tšhubiwa, dihlabelo tsa mabele le dihlabelo tsa go hlekediwa mo ga yona, Jehova o nyoko nyakolla molato wone.+ 24 Awwa, re makiye ka mokgo ka taba la gore re tšhoga gore ku mahlong barwayi ba lune ba ka tla ba botsa barwayi ba rune gore: “Go ro maka byang lune le rapela Jehova Modimo wa Israyele? 25 Jehova o beyye Jorodane gare ga rune le lune, Marubeni le Maghada gore yi re kgerele. A le kene felo ga taba ya go rapela Jehova.” Fote barwayi ba lune ba nyoko maka gore barwayi ba rune ba sa kgone go rapela Jehova.

26 “Byalo ra re, ‘Tla re makeneng se sengwana, re yage aletare mara re sa yi yagele go makela dihlabelo tsa go tšhubiwa kela dihlabelo tse dingwana, 27 mara gore go be bohlatse gare ga lune le rune+ le ga ditlogolwane tsa rune, fote yi nyoko šupetsa gore re nyaka go rapela Jehova le go mo makela dihlabelo tsa go tšhubiwa, dihlabelo tsa go hlekediwa le dihlabelo tse dingwana+ gore ku mahlong barwayi ba lune ba sa botse barwayi ba rune gore: “A le kene felo ga taba ya go rapela Jehova.”’ 28 Byalo rune re yitseri, ‘Mo ba ka hlaya tsotsone ga rune le ditlogolwane tsa rune ku mahlong, rune re nyoko re: “Ke yowa aletare ya go tshwana le aletare ya Jehova ya gore bokokwane ba rune ba yi makiye ya gore a baa yi makela gore go makediwe dihlabelo tsa go tšhubiwa kela dihlabelo tse dingwana, mara ba yi makiye gore go be bohlatse gare ga lune le rune.”’ 29 Re ka sa nyake go dhelela Jehova kela ra jikela Jehova+ ka go yaga aletare ya go maka dihlabelo tsa go tšhubiwa, dihlabelo tsa mabele le dihlabelo tse dingwana go kene go na le aletare ye nngwana ya Jehova Modimo wa rune ya gore yi mahlong ga tabarenakele yage!”+

30 Mo Finiyase wa gore ke moprista, dindhuna tsa batho ba Maisrayele le bo ba go yeta mitši ya Maisrayele ka mokana ga yona mahlong ba gore ne ba le naye ba kwa tso ne di hlaya ke ditlogolwane tsa Rubeni, Ghada le Manase, ba kgotsofala.+ 31 Byalo, Finiyase morwayi wa Eliyazara wa gore ke moprista a re ga ditlogolwane tsa Rubeni, Ghada le Manase: “Lekgono re ya di tšiba gore Jehova o na le rune ka taba la gore a le ya sinyela Jehova. Le phonisiye Maisrayele ga Jehova.”

32 Ke mokane Finiyase morwayi wa Eliyazara wa gore ke moprista le dindhuna ba tloga ga Marubeni le Maghada ku nageng ya Ghiliyade ba ya nageng ya Kanana, ba botsa Maisrayele ya mangwana tso ba ba butsiyeng tsona. 33 Byalo Maisrayele ma kgotsofatsa ke tso ba ma butsiyeng. Ma thanaka Modimo, ma sa sa hlaya selo ka taba ya go ye lwa le Marubeni le Maghada gore ba sinyanye naga yo ne ba dula ga yona.

34 Byalo, Marubeni le Maghada ba reya aletare* lebitso ka gore ke mo ba re, “ke bohlatse segare ga rune gore Jehova ke Modimo wa mannete.”