Dikoronika Tsa Mathomo

11 Mo nako yi kene yi ya, Maisrayele ka mokana ga wona ma kgobakana ga Dafita ku Hebhrone,+ ma re: “Bona! Ke rune mašaga yago ya madi.+ 2 Ku botala nakwela Sawulo go sa le kgoši, ke wene wa gore ne o yeta Maisrayele mahlong mo ma ya dintweng.+ Fote Jehova Modimo wago o yitseri gago: ‘Wene o nyoko pasopa batho baka ba Israyele, fote ke wene wa gore o nyoko ba yeta mahlong.’”+ 3 Byalo, banna ba bagolo ka mokana ga bona ba Israyele ba tla ga kgoši ku Hebhrone, fote kgoši Dafita a maka kwano nabo ku Hebhrone mahlong ga Jehova.+ Byalo, ba tlotsa Dafita gore go be kgoši ya Israyele ka mokgo Jehova a hlayyeng a berekisa Samuwele.+

4 Ka nthago, Dafita le Israyele ka mokana ga yona ba ya Jerusalema, ya gore ke Jebuse,+ ga gore Majebuse+ ke mo ma dula gona. 5 Bo ba dulang ku Jebuse ba kgwasolanya Dafita ba re: “O ka sa tsoge o kenne howa!”+ Mara Dafita a tseya poleke ya gore yi pasopegiye yo ba reng ke Siyoni,+ ya gore gana byalo ba re ke Mutši wa Dafita.+ 6 Byalo Dafita a re: “Motho wa mathomo ye a hlaselang Majebuse o nyoko ba ye mogolo wa masole. Ke mokane Jowabho+ morwayi wa Zeruya ke yene a thomisiyeng go ya, byalo a ba ndhuna.” 7 Byalo Dafita a dula mone polekeng ya go pasopega. Nka taba lo mutši wone ba yyeng ba re ke Mutši wa Dafita. 8 A thomisa go yagelela mutši wone le dintlo tse dingwana ka mapharo, go tlugisela Mmotong le dipoleke tsa go dukulugela Mmoto ke mokane Jowabho a yaga mutši wone ka mokana ga wona ka bonyuwane. 9 Dafita a fo ya a kene a ba le matšhika,+ fote Jehova wa masole ke mo a le naye.

10 Byalo, tsowa ke dindhuna tsa masole ya Dafita ya go ba le matšhika, ba gore ba yemme naye mo a kene a le kgoši, bona le Maisrayele ka mokana ga wona gore ba thogo maka gore go be kgoši go ya ka tso Jehova a di hlayyeng ka Israyele.+ 11 Lowa ke letheto la mabitso ya masole ya Dafita ya go ba le matšhika: Jašobheyamo+ wa gore ke morwayi wa Lehakhemoni, ye mogolo ga kararo ya masole ya go ba le matšhika.+ Wa gore o bolayye 300 ya batho ka lerumo lage.+ 12 Ke mo a latela ke Eliyazara+ morwayi wa Dodo wa Leahohi.+ Le yene ke ye mongwana wa masole yala kararo ya wona ya go ba le matšhika. 13 Ne a na le Dafita ku Pas-damimi,+ ga gore Mafilisita ke mo ma kgobakanne gore ma thogo lwa. Byalo ke mo go na le tšhomo ye nngwana yi tlele ka dithoro tsa mabele,* fote batho ba tšhabiye ka taba la Mafilisita. 14 Mara yene a yema hone gare ga tšhomo a yi lwela, a ya mahlong a bolaya Mafilisita go segela Jehova a maka gore a ma hlule.+

15 Kararo ya banna ba bagolo ga bala 30 ya bona, ba yye ga Dafita ku lekoring la Adulama+ ke mokane Mafilisita wona ke mo ma kampiye Moyeding wa Refayime.+ 16 Ka nako yonone, Dafita ke mo a le ga poleke yo ba tšhabelang ga yona, fote Mafilisita ke mo ma kampiye ku Bhetlelehema. 17 Ke mokane Dafita a re: “Mo nka kraya meetši ya go tšwa sedibeng sa thina le gheyiti ya Bhetlelehema nka jabola!”+ 18 Masole yala kararo ya wona ya go ba le matšhika ma gapeletsa go kena kampeng ya Mafilisita ma ga meetši mone sedibeng sa gore se thina le gheyiti ya Bhetlelehema ke mokane ba ma leya ga Dafita; mara Dafita a gana go ma nwa, a ma falatsela mone fase mahlong ga Jehova. 19 O yitseri: “Taba yowa nka sa yi make mahlong ga Modimo waka! Ayitsano nka nwa madi ya banna bowa ba gore ba beyye maphelo ya bona kotsing?+ Ka gore ba beyye maphelo ya bona kotsing gore ba mo neye wona.” Byalo a gana go ma nwa. Dilo tsowa ke tso di makiyeng ke kararo ya masole yage ya go ba le matšhika.

20 Abhišayi+ bhuti wa Jowabho+ a ba ye mogolo ga ba bangwana kararo ya bona; o bolayye 300 ya batho ka lerumo lage, le yene ke mo a tumme go tshwana le bala kararo ya bona.+ 21 Le mo nkare ke yene ye ne a tumme ka matla ga bala ba bangwana kararo ya bona fote go le ndhuna ya bona, ke mo a sa nape a tshwana le bala kararo ya bona ba mathomo.

22 Bhenaya+ morwayi wa Jehoyada ke mo go le monna wa go ba le lešiši, wa gore o makiye dilo tse dikgolo ku Kabhoziyele.+ O bolayye barwayi ka babedi ba Ariyele wa go tšwa Mowaba, fote o kenne ka teng ga mokoti wa meetši ka letšatši la mo go wa kapoko fote a bolaya tawu.+ 23 A bolaya le monna ye mongwana wa Leegepita wa gore ke mo go le ye mogolo ka mokgwa wa go sa tlwayelega⁠—ke mo a lefiye ka kapheta ya dikhyubhiti.*+ Leegepita lone ke mo le tshwere lerumo la go tshwana le sebhongholwane sa gore batho ba loga ka sona,+ mara yene a fo ya ga lona a tshwere thoka, a segela a kgufula lerumo lela letsogong la Leegepita lela, a le bolaya ka lerumo la lona beng.+ 24 Bhenaya morwayi wa Jehoyada o makiye dilo tsowa, fote ke mo a tumme go tshwana le masole yala kararo ya wona ya go ba le matšhika. 25 Le mo nkare ke mo a tumme go phala bala 30 ya bona, ke mo a sa nape a tshwana le bala kararo ya bona.+ Mara Dafita a mo hlawola gore go be ye mongwana wa bomatšinghelane bage.

26 Masole ya go ba le matšhika ke mo go le Asahele+ bhuti wa Jowabho, Elhanano morwayi wa Dodo wa Bhetlelehema,+ 27 Šamothe wa Leharode, Heleze wa Lepeloni, 28 Ira+ morwayi wa Ikeše wa Letekowa, Abhiyazara+ wa Leanathothe, 29 Sibhekayi+ wa Lehuša, Ilayi wa Leahohi, 30 Maharayi+ wa Lenetofa, Helede+ morwayi wa Bhaana wa Lenetofa, 31 Ithayi morwayi wa Ribhayi wa go tšwa ga Ghibheya wa Lebhenjamini,+ Bhenaya wa Lepirathone, 32 Hurayi wa go tšwa ga nooka ya Ghaše,+ Abhiyele wa Lebhethe-arabha, 33 Azimavethe wa Lebhahurimi, Eliyabha wa Lešalabhimo, 34 barwayi ba Hašeme wa Leghizo, Jonathane morwayi wa Šage wa Lehara, 35 Ahiyamo morwayi wa Sakara wa Lehara, Elifala morwayi wa Uri, 36 Hefere wa Lemekherathe, Ahija wa Lepeloni, 37 Hezoro wa Lekharamele, Narayi morwayi wa Ezibhayi, 38 Juwele bhuti wa Nathane, Mibhara morwayi wa Haghri, 39 Zeleke wa Leamoni, Naharayi wa gore ke Lebherothe wa gore o tshwara tsa go lwa ka tsona tsa Jowabho morwayi wa Zeruya; 40 Ira wa Leithiri, Gharebhe wa Leithiri, 41 Uriya+ wa Lehethe, Zabhadi morwayi wa Alayi, 42 Adina morwayi wa go tšwa Šiza wa Lerubeni, wa gore ke hlogo ya Marubeni le banna 30 ya bona ba gore ba naye; 43 Hanane morwayi wa Mayakha, Jošafate wa Lemithi, 44 Uzaya ke Leašitarothe, Šama le Jeyiyele ba gore ke barwayi ba Hothama wa Learowere; 45 Jedayiyele morwayi wa Šimorayi le bhuti wage Joha wa Letizi; 46 Eliyele wa Lemahavi, Jeribhayi le Jošaviya ba gore ke barwayi ba Elinama, le Ithima wa Lemowaba; 47 Eliyele, Obete le Jasiyele wa Lemezobha.