Jobo
18 Bhildadi+ wa Lešuwa mo a fetola a re:
2 “O nyoko bolabola dilo tsa mošaga wone go segela neng?
Liketsa go kwisisa gore re thogo bolabola.
3 Ke ntaba o re tseya nkare ke rune diphoolwane+
Fote o tseya nkare ke rune diphokophoko?
4 Le mo o ka titlopolanya ka taba la go kwata gago,
Ayitsano lefase le nyoko šala le se na motho ka taba lago,
Kela matlapa ma nyoko tloga mo ma leng gona ka taba lago?
5 Llampa la ye wa pelo ye phifadu le nyoko tima,
Fote mollo wage wo ka sa sa dura.+
6 Llampa lo le leng letenteng lage le ka sa sa khanya,
Fote llampa lo le lekalekang letenteng lage le nyoko tima.
7 A ka sa sa ba le matšhika ya go sepela,
Fote dilo tso a di polanang di mo leyela tsa go sasamela.+
8 Ka gore mawoto yage ma mo yisa letabaneng,
Fote o nyoko kena ga lona.
9 Molabo wo nyoko mo tshwara ka serethe;
Sifu se nyoko mo tanya.+
10 Ba mo wutetsele thapo mo fase,
Fote mo a sepelang gona go na le molabo.
11 Go gongwana le go gongwana mo a yang go na le tsa go mo tshosa+
Fote di mo lelekisa di le thina le mawoto yage.
12 Aa sa na matšhika,
Fote tsa go baba+ di nyoko maka gore a tshetshe.
13 Letlalo lage le ya jega;
Bolwele bya go bolaya bo ja matsogo le mawoto yage.
14 Di mo tlosa letenteng lage ga gore o pasopegiye+
Dya maka gore a ye a kgwe likgu la go tshosa.
16 Go fo tshwana le mohlare, midu yage yi nyoko woma,
Fote makala yage ma nyoko puna.
17 Ba ka sa sa mo gopola mo lefaseng,
A go na ye a nyoko gopolang lebitso lage mo dipateng.
18 Ba nyoko mo raka ga gore go khannye ba mo yisa letshwifing
Ba mo raka le mo lefaseng.
19 A ka sa be le bana le ditlogolwane ga batho ba gabo,
Fote go ka sa phone motho ga poleke yo a dulang ga yona.
20 Mo letšatši lage le segela, batho ba ka Bodikela ba nyoko tšhoga ka matla
Fote batho ba ka Bohlabela ba nyoko hlagasela.
21 Tsowa ke tso di makegang ga matente ya motho wa go sinya
Le ga poleke ya motho wa gore aa tšibi Modimo.”