Jesaya
34 Lune ditšhaba, šutelaneng le thogo theetsela,
Le theetsele lune batho.
Lefase le theetsele le dilo ka mokana ga tsona tso di leng hone ga lona,
Le lefase le dilo ka mokana ga tsona tso di phelang ga lona.
2 Ka gore Jehova o kwatele ditšhaba ka mokana ga tsona,+
O kwatele masole ya bona ka mokana ga wona.+
O nyoko fetsa ka wona;
O nyoko ba lisetsa ba ba bolaya.+
3 Batho ba nyoko lahla ditopo tsa bo ba ba bolayyeng,
Ditopo tsa bona di nyoko nkga;+
Dithaba di nyoko nyuga madi ya bona.+
4 Masole ka mokana ga wona ya magedimong ma nyoko bola,
Ke mokane magedimo ma nyoko phutiwa tsa nkare ke lengwalo la go phutiwa.
Masole ka mokana ga wona ma nyoko foforega,
Go tshwana le letlakala la go puna mo le wa modhriveng
Le lego la go khwaša mo le wa mogong.
5 Sabola yaka yi nyoko tšwa ku magedimong yi thotha madi.+
Ke nyoko yahlula Edomo ka yona,+
Le batho ba gore ke fetsiye le pelo gore go fele ka bona.
6 Jehova o na le sabola; fote yi nyoko tlala ka madi.
Yi nyoko tlala ka makgura,+
Yi nyoko tlala ka madi ya dinku tsa phoolo le dipudi,
Le makgura ya dipshyiyo tsa dinku tsa phoolo.
Ka taba la gore Jehova o na le sehlabelo sa gore o nyoko se maka ku Bhozara,
Ke nyoko maka gore ku Edomo go falale madi ya go tlala.+
7 Le dikgomu tsa hlaga tsa phoolo di nyoko tshwana natso,
Gana hone go kena le dinamane tsa phoolo le tso tsa gore di na le matšhika.
Naga ya bona yi nyoko tlala ka madi,
Fote mobu wa bona wo nyoko nyuga makgura.”
8 Ka gore Jehova o na le letšatši la gore o nyoko busetsa ka lona,+
Mongwaga wa gore o wolola batho ba gore ba sinyele Siyoni.+
9 Dinookana tsa mutši wone go nyoko ba sekontiri,
Le lerole la wona go nyoko ba letlapa la go dura,
Ke mokane gana mone ga poleke yone go nyoko ba nkare ke sekontiri sa go dura.
10 Yi nyoko swa bošego le motshegare, ba ka sa yi timi;
Muši wa yona wo nyoko tupa go ya go yye.
Le mo go ka feta mengwaga ya go tlala yi nyoko fo dula yi kgongwele;
Go ka sa sa ba le motho wa go feta mone ga yona go ya go yye.+
11 Go nyoko dula leyakaboswane le nooko mone ga yona,
Fote go nyoko dula le mašibiri ya ditsebe le megogorwane.
Modimo o nyoko meta naga yowa ka lešika la go meta le ka thapo ya go pombhola gore a gwa kekema go šupetsa gore o nyoko fetsa ka yona, gwa šala go yitsa
Go šupetsa gore go ka sa sa dula batho ga yona fote yi nyoko sinyega.
12 Ga banna bage ba go tseyediwa gedimo a go na le ka wwoši wa gore ba nyoko maka gore a be kgoši,
Le dindhuna tsage ka mokana ga tsona di ka sa sa ba gona.
13 Go nyoko mila mutlwa ga diwokamelo tsa yona tsa gore di pasopegiye,
Dipoleke tsa yona tsa go tšhabela ga tsona di nyoko mila mutlwa le ngwere.
14 Diphoolwane tsa gore di dula ga naga ya gore ke kgwaakgwa di nyoko gahlana le diphoolwane tsa gore di ya lla,
Le pudi ya hlaga* yi nyoko bitsa banghana ba yona,
Nonyane ya bošego* yi nyoko dulisega ya kraya poleke ya go khutsa.
15 Gana hone noga yi nyoko dula gona ya beyela makata,
Ke mokane yi nyoko ma phaphašisa ya fetsa ya pasopa dinogane tsone tsa yona.
Dipekwa di nyoko gahlana gana hone, ye nngwana le ye nngwana le monghana wa yona.
16 Nyakelaneng puku ya Jehova le yi balele gedimo:
A go na le ka yyoši ya gore yi nyoko lahlega;
Ka mokana ga tsona di nyoko ba le banghana,
Ka taba la gore ke Jehova ye a di hlayang,
Fote ke moya wa Modimo wo wo di hlekeletsang.
17 Ka gore ke yene a kgetiyeng gore phoolwane ye nngwana le ye nngwana yi kraya ying,
Fote letsogo lage ke lona le metang poleke ya gore phoolwane ye nngwana le ye nngwana yi nyoko dula ga yona.
Di nyoko dula mone ga yona go ya go yye;
Maloko ma nyoko tla maa boya maa feta di kene di dula gana mone.