Jesaya
47 Tlang o dule fase leroleng,
Wene morwediya wa Bhabhilona+ wa gore ke wene kgareba.
Dula ho fase ga gore a go na setulo sa go lawola,+
Wene morwediya wa Makhaladiya,
Ka taba la gore batho ba ka sa sa re wa lelemela kela a o na matšhika.
2 Tseya lwala o šile folawa.
Tlosa llapi lo o tikwadiyeng ka lona ho maahlong.
Tšula sekheti, o phaye mawoto.
Tshila dinooka.
3 Batho ba nyoko di bona gore a wa tšwara.
Fote ba nyoko di bona gore ke ntaba o tšebiye.
Ke nyoko busetsa,+ fote a go na motho wa gore o nyoko nthibela.
4 “Ye wa go re phonisa
—Lebitso lage ke Jehova wa masole—
Yene Wa go Hlawolega wa Israyele.”+
5 Dula hala o tikgomolelele fote o dule letshwifing,
Wene morwediya wa Makhaladiya;+
Ba ka sa sa go bitsa Kgoši ya Mosadi ya Memmušo.+
6 Ka kwatela batho baka.+
Mara wene a wa ba kwela go baba.+
Fote le bo ba gore ba tsofele o ba rwesiye lejoko la go roba.+
7 Wene o yitseri: “Ke nyoko dula ke le Kgoši ya Mosadi go ya go yye.”+
A wa di tseyela hlogong dilo tsowa;
Fote a wa nagana gore taba yowa yi nyoko felela kaye.
8 Byalo theetsela, wene wa go kwana le go jabola,+
Wa gore o dula ga poleke ya go pasopega, fote o re ka ho pelong:
“Ke nna ke le ntoši, a go na ye mongwana.+
Nka sa be mosadi wa go kgwela ke monna.
Fote nka sa di tšibi gore go kgwela ke bana di byang.”+
9 Mara o nyoko kutulugela ke dilo tsowa ka dipedi ka letšatši ka lloši+
O nyoko hlokofalela ke bana le monna.
Di nyoko go babela+
Ka taba la gore o loya ka matla fote o teyye ba go tlala ka difolane tsa go baba.+
10 O tshepele ga dilo tsago tsa go sa loka.
Wene o yitseri: “A go na ye a mponang.”
Mahlalefelo yago le dilo tso o di tšibang ke tsona di go ntshiyeng pateng,
Fote wene ka ho pelong yago o re: “Ke nna ke le ntoši, a go na ye mongwana.”
11 Mara o nyoko tlela ke tsa go sasamela,
Le dilo tsago tsa boloyi di ka sa thibele dilo tsowa gore di sa makege.
Dilo tsa go sasamela di nyoko go tlela; fote o ka sa kgone go di tšhabelela.
Dilo tsowa di nyoko go kutulugela ka go yakgoswa, o ko kwa nkare wa lora.+
12 Ariye mahlong o maka boloyi byago le masalamose yago ya go tlala,+
Ya gore o ma makiye go tlugisela o sa le ye monyana.
Nakwenngwana ma ka go berekela;
Nakwenngwana o ka šiya batho ba makele.
13 A o na matšhika ka taba la batho ba go tlala bo ba go yeletsang.
Gana byalo ba kaye ba tle ba go phonise,
Ba gore ba rapela dilo tsa ku magedimong, ba go lebelela dinanedi,+
Ba gore mo go ba le ngwedi wa nyuwane ba hlaya tso ba di tšibang
Ka dilo tso di nyoko le makegelang.
14 Ba tshwana le mahlaka.
Ba nyoko swa ka mollo.
Ba ka sa kgone go tiphonisa ga mollo wone wa go dura ka matla.
Yawa a yi magala ya gore motho a ka ma worela gore a thogo belabela,
Fote a yi mollo wa gore motho a ka dula thina nawo.
15 Tsowa di nyoko makegela batho bago ba masalamose,
Ba gore ke mo o berekisana nabo go tlugisela o sa le ye monyana.
Ba nyoko hlahlata, ye mongwana le ye mongwana a tikela gage.
Go ka sa be le motho wa go go phonisa.+