Jesaya
19 Tsowa ke tsa go sasamela tsa gore di nyoko makegela Egepita:+
Bonaneng! Jehova o kalamme liru la go taboga ka matla, o tla Egepita.
Medimonyana ya Egepita ya go sa re selo yi nyoko hlagasela mahlong gage,+
Fote dipelo tsa batho ba Egepita di nyoko tšhoga.
2 “Ke nyoko maka gore go tupe lerole Egepita,
Bona beng ba nyoko lwisana,
Ye mongwana le ye mongwana o nyoko lwa le bhuti wage le moyagelane wage,
Mutši wo nyoko lwa le mutši wo mongwana, mmušo wo nyoko lwa le mmušo wo mongwana.
3 Batho bo ba leng Egepita ba nyoko hlakahlakana,
Fote ba ka sa be le dipolane.+
Ba nyoko tšhabela ga medimo ya bona ya go sa re selo,
Le ga ba go maka dilo tsa boloyi, ba masalamose le ba go bona tsa ku mahlong.+
4 Ke nyoko maka gore Egepita yi lawole ke motho wa lešidi,
Ba nyoko lawola ke kgoši ya go ba le lešidi,”+ tsowa di hlaya ke Morena wa mannete, yene Jehova wa masole.
5 Meetši ya lewatleng ma nyoko womelela,
Le nooka yi nyoko womelela ya boya ya ro tšharoga.+
6 Dinooka di nyoko nkga;
Mesela ya meetši ya nooka ya Nayile ya ku Egepita yi nyoko pomega ya boya ya pshya.
Mahlaka le mabyang di nyoko bola.+
7 Dimilane tsa mo go kgerang Nooka ya Nayile, mo go felelang Nayile,
Le go gongwana le go gongwana ga gore ba gašiye pewu thina le Nayile+ go nyoko šala go khwašiye.+
Di nyoko tseya ke moya, dya sa sa ba gona.
8 Ke mokane bo ba go loba dihlapi ba nyoko lla,
Le bo ba go bošela dilo tsa go loba dihlapi ka nookeng ya Nayile ba nyoko lla,
Fote bo ba go bošela matabane ya bona hone meetšing ya Nayile ba nyoko pomega.
9 Bo ba go maka llapi ka linene+
Le bo ba go berekisa sebhongholwane sa go loga ka sona gore ba make llapi le le tšhwewu ba nyoko tšeba.
10 Go nyoko fela ka batho bage ba go loga;
Ka mokana ga bona bo a ba hiriyeng ba nyoko lla.
11 Dindhuna tsa Zowane+ ke diphokophoko.
Bo ba go yeletsa Faro ba mo yeletsa ka dilo tsa gore a yi tsona.+
O ka hlaya byang ga Faro wa re:
“Ke nna setlogolwane sa batho ba go hlalefa,
Setlogolwane sa magoši ya ku botala”?
12 Byalo, ba kaye banna bala ba go hlalefa?+
Ba go botse mo nkare ba tšiba tso Jehova wa masole a hlayyeng gore di nyoko makegela Egepita.
13 Dindhuna tsa Zowane di makiye dilo tsa bophokophoko;
Dindhuna tsa Nofe*+ ba di makiye diphokophoko;
Dindhuna tsa maloko ya Egepita di makiye gore setšhaba se sa titšibi gore se yemme kaye.
14 Jehova o makiye gore Maegepita ma hlakahlakane;+
Fote bo ba go yeta mahlong ba Egepita ba makiye gore Maegepita ma keketlele ga selo se sengwana le se sengwana so ma se makang,
Go tshwana le motho wa go tlayila mo a thelela mahlatseng yage.
15 Fote hlogo ya Egepita le mosila wa yona, lekala la yona mo le sa re le ya thunya le lehlaka la yona,
Di ka sa ro yi makela selo.
16 Ka letšatši lone batho ba Egepita ba nyoko tshwana le mosadi, ba nyoko hlagasela le go tšhoga ka taba la gore Jehova wa masole o nyoko ba wolola ka letsogo lage.+ 17 Ke mokane naga ya Juda yi nyoko tshosanya naga ya Egepita. Maegepita ma nyoko hlagasela mo ma kwa ka yona ka taba la sepheto so Jehova wa masole a se segeleleng ka bona.+
18 Ka letšatši lone go nyoko ba le kapheta ya mitši ye megolo polekeng ya Egepita ya gore ga yona ba bolabola mmolabolo wa Kanana+ ya gore yi nyoko tshepisa gore yi nyoko tshepega ga Jehova wa masole. Mutši wo mongwana gana hone ba nyoko re ke Mutši wa go Wisanya.
19 Ka letšatši lone, go nyoko ba le aletare ya Jehova gare ga naga ya Egepita fote mo naga ya Egepita yi felelang gona go nyoko ba le kholomo ya Jehova. 20 Go nyoko ba le mošupetso le bohlatse bya gore Jehova wa masole o gona mone nageng ya Egepita; ba nyoko llela Jehova ka taba la batho ba gore baa ba kgahleletsa, ke mokane yene o nyoko ba romela motho wa go ba phonisa wa go ba le matšhika. 21 Ka mokgonone Jehova o nyoko tšibega ga Maegepita ke mokane Maegepita ma nyoko tšiba Jehova ka letšatši lone, ba nyoko mo makela dihlabelo, ba mo neya dilo, ba boya ba maka so ba se tshepisiyeng Jehova. 22 Jehova o nyoko wolola Egepita,+ o nyoko yalafa batho ba gona; ke mokane bona ba nyoko boyela ga Jehova, yene o nyoko ba theetsela mo ba mo llela ke mokane a ba yalafa.
23 Ka letšatši lone, go nyoko ba le pata ye kgolo+ ya go tloga Egepita yi ya Asiriya. Maasiriya ma nyoko tla Egepita ke mokane Maegepita ma ya Asiriya, fote Maegepita ma nyoko berekela Modimo ma gahlanne le Maasiriya. 24 Ka letšatši lone, Maisrayele ma nyoko tla ma gahlana le Maegepita le Maasiriya+ go le mogoba wa kararo, tsotsone dya maka gore lefase le rufege, 25 ka gore Jehova wa masole o ko ba a rufiye Maisrayele, ka go hlaya gore: “Ke rufa batho baka ba Egepita, le bo ke ba makiyeng ka matsogo yaka ba Asiriya, le ba gore ke lefa laka ba Israyele.”+