Jesaya

20 Ka mongwaga wo Kgoši Sarighone wa Asiriya a romeleng Taratane* ku Ašidodo,+ o yye a hlasela Ašidodo ke mokane a yi hlula.+ 2 Ka nako yonone, Jehova a bolabola a berekisa Jesaya+ morwayi wa Amozi, a re: “Ariye, tlemolla masaka hone masekeng yago, fote o yapole dimphašane tsago.” A maka ka mokgonone, a šala a sa yapara dikobo tsa go felegelela fote a sepela ka mawoto.

3 Byalo Jehova a re: “Ka taba la gore Jesaya lelata laka o fetsiye kararo ya mengwaga a sa yapara dikobo tsa go felegelela, fote a sepela ka mawoto gore go be mošupetso+ le go pasopisa Egepita+ le Itopiya,+ 4 byalo kgoši ya Asiriya yi nyoko yetetsa mabhantiti ya Egepita+ le mabhantiti ya Itopiya, gana hone go kena bašomanyana le bakgalabye, ba yapere dikobo tsa go sa felegelela, ba sepela ka mawoto fote mašago ya bona ma šele tawong, tsotsone ke sepoyila ga Egepita. 5 Ba nyoko tšhoga le go tšebisa ke Itopiya ya gore ne ba tshepele ga yona le Egepita ya gore ne ba titeya sekguba ka yona. 6 Ka letšatši lone, bo ba go dula lerophong ba nyoko re, ‘Bonaneng tso di makegeleng mutši wo ne re tshepele ga wona, ga gore re tšhabele gona re nyaka thušo le gore ba re phonise ga kgoši ya Asiriya! Gana byalo re nyoko tšhabela kaye?’”