Jeremiya

25 Tsowa ke tso Modimo a di butsiyeng Jeremiya ka batho ka mokana ga bona ba Juda ka mongwaga wa kanne wa mo go lawola Jehoyakimi+ morwayi wa Josiya kgoši ya Juda, wa gore ne go le mongwaga wa mathomo wa mo go lawola Kgoši Nebhukhadhinezara* wa Bhabhilona. 2 Tsowa ke tso Jeremiya wa gore ke moporofeta a di hlayyeng ka batho ka mokana ga bona ba Juda le batho ka mokana ga bona bo ba dulang Jerusalema, o yitseri:

3 “Go tlugisela ka mongwaga wa bo 13 wa mo go lawola Josiya+ morwayi wa Amoni kgoši ya Juda go segela lekgono lowa, ka mengwaga yone 23 ya yona, Jehova o bolabodiye le nna ke mokane nna ka bolabola le lune gatleletlele, mara la sa ntheetsele.+ 4 Fote Jehova a romela malata yage ka mokana ga wona ya gore ke baporofeta mone ga lune gatleletlele, mara lune a le ya nyaka go theetsela.+ 5 Ne ba re, ‘Barena sokologaneng, ye mongwana le ye mongwana a lisetse go maka dilo tsa go befa le dilo tsa go sa loka;+ mo le ka maka ka mokgonone le nyoko ya mahlong le dula ho ga naga yowa nako ya go lefa, yona naga ya gore Jehova o le neyye yona go tlugisela ku botala, lune le bokokwane ba lune. 6 Le sa latelele medimo ye mengwana, la yi berekela kela la yi kgotamela, ka taba la gore dilo tsone le di makang di nyoko nkwatisa; ke mokane ka le leyela dilo tsa go sasamela.’

7 “Jehova o re, ‘Mara a le ya ntheetsela, le f’lo ya mahlong le nkwatisa ka dilo tso le di makang, tsotsone dya le leyela dilo tsa go sasamela.’+

8 “Byalo, tsowa ke tso di hlayang ke Jehova wa masole, o re, ‘“Ka taba la gore a le ya maka tso ke di hlayang, 9 ke bitsa mitši ka mokana ga yona ya ka lebowa,”+ go hlaya Jehova, “ke bitsa Kgoši Nebhukhadhinezara* wa Bhabhilona wa gore ke lelata laka,+ ke mokane ke nyoko maka gore a hlasele naga yowa+ le batho bo ba dulang ho ga yona le ditšhaba ka mokana ga tsona tsa ho thina.+ Ke nyoko maka gore go fele ka bona fote ke nyoko maka gore bo ba ba lebeleleng ba tšhoge, ba makale, ba šale ba teya le moludi fote ke nyoko maka gore naga yowa yi sinyege go ya go yye. 10 Go ka sa sa kwagala motho wa gore wa hlakela kela wa gore o jabodiye,+ le lentsu la monna wa gore wa šadha kela la mosadi wa gore le yene wa šadha,+ go ka sa sa kwagala modumo wa tšhilo fote malampa ma ka sa sa khanya. 11 Naga yowa ka mokana ga yona go nyoko fela ka yona fote batho ba nyoko yi lebelela, ba kwa ba hlagasela, ditšhaba tsowa di nyoko berekela kgoši ya Bhabhilona ka 70 ya mengwaga go le mabhantiti.”’+

12 “‘Mara mo go šele go fediye 70 ya mengwaga,+ ke nyoko wolola kgoši ya Bhabhilona le setšhaba sone ka taba la tso ba di sinnyeng,’+ go hlaya Jehova, ‘fote ke nyoko maka gore naga ya Makhaladiya go be mašupi go ya go yye.+ 13 Naga yowa ke nyoko yi leyela dilo ka mokana ga tsona tsa go sasamela tso ke di hlayyeng, tso di ngwadiwweng ga puku ya gore Jeremiya o porofitiye dilo tso di nyoko makegelang ditšhaba ka mokana ga tsona. 14 Ka gore ditšhaba tsa go tlala le magoši ya magolo+ ba nyoko maka gore go be mabhantiti,+ fote nna ke nyoko ba wolola ka taba la tso ba di makiyeng le ka taba la mmereko wa matsogo ya bona.’”+

15 Ka gore tsowa ke tso Jehova Modimo wa Israyele a mpotsang tsona, o re: “Tseya komitši yowa ya wayini letsogong laka ya go šupetsa gore ke kwatiye, ke mokane o make gore ditšhaba ka mokana ga tsona tso ke go romelang ga tsona di nwe. 16 Ba nyoko nwa, ba tlayila ba boya ba maka dilo tsa go šupetsa nkare a di tseyi mo ke maka gore go be le dintwa mone ga bona.”+

17 Byalo ke tsere komitši yela letsogong la Jehova, ka maka gore ditšhaba ka mokana ga tsona tso Jehova a nrommeng ga tsona di nwe:+ 18 go thomisa ka Jerusalema le mitši ya Juda, le magoši ya Juda+ le dindhuna tsa yona, gore go fele ka bona le gore bo ba ba lebeleleng ba tšhoge fote ba šale ba teya le moludi ka taba la senyama so ba nang naso,+ ka mokgo di nyoko makegang lekgono; 19 le Faro kgoši ya Egepita le malata yage, dindhuna le batho bage ka mokana ga bona,+ 20 le batho ba bona ka mokana ga bona ba mehlobohlobo; magoši ka mokana ga wona ya nageng ya Uzi; magoši ka mokana ga wona ya nageng ya Filisita,+ Ašikelone,+ Ghaza, Ekrone le batho bo ba šeleng ba ku Ašidodo; 21 Edomo,+ Mowaba+ le Maamoni;+ 22 le magoši ka mokana ga wona ya Tira, magoši ka mokana ga wona ya Sidoni+ le magoši ya poleke ya go dukulugela ke meetši; 23 Dedani,+ Tema, Bhuze le batho ka mokana ga bona ba gore ba kupiye moriri wa bona mo phogong;+ 24 le magoši ka mokana ga wona ya Maarabha+ le magoši ka mokana ga wona ya batho ba mehlobohlobo ba go dula ku mašahleng; 25 magoši ka mokana ga wona ya Zimorayi, magoši ka mokana ga wona ya Elama+ le magoši ka mokana ga wona ya Mamede;+ 26 le magoši ka mokana ga wona ya ka lebowa ya gore ma thina le ya gore ma kgole, ma ko nwa ka go lategetsana, le memmušo ka mokana ga yona ya lefase yo yi leng gona; ke mokane kgoši ya Šešakhi+ ke yona yi nyoko nwang mafelelong.

27 “Ke mokane o re ga bona, ‘Tsowa ke tso di hlayang ke Jehova wa masole, yene Modimo wa Israyele, o re: “Nwanneng, le tlayile, le hlatse fote le we tsa gore a le kgone le go yemelela+ ka taba la ntwa yo ke nyoko yi leyang mone ga lune.”’ 28 Fote mo nkare ba gana go tseya komitši yone letsogong lago gore ba nwe, o ba botse gore, ‘Tsowa ke tso Jehova wa masole a di hlayang, o re: “Di nyaka le nwe! 29 Mo ke šinya ke thomisa ka go leyela mutši wa gore ba wo bitsa ka lebitso laka+ dilo tsa go sasamela, le nagana gore lune ke nyoko le lisetsa?”’+

“‘Nka sa le lisetsi, ka gore ke leya ntwa ga batho ka mokana ga bona ba lefaseng,’ go hlaya Jehova wa masole.

O nyoko bopa a rasa a yahlula bo ba leng ga poleke yage.

Yene mong o nyoko yahlula batho ka mokana ga bona.+

Ke mokane bo ba go maka tsa go befa o nyoko maka gore ba bolayiwe ka sabola,’ go hlaya Jehova.

32 Tsowa ke tso Jehova wa masole a di hlayang, o re:

33 “‘Batho bo ba ko bang ba bolayye ke Jehova ka letšatši lone ba ko ba ba tšwa lefaseng ka mokana ga lona. Go ka sa be le motho wa go ba llela, go ba kgobaketsa kela go ba boloka. Ba nyoko tshwana le manyoro ho fase.’

34 Lune ba go disa, gotlaneng le boye le gowelele!