Jeremiya
26 Nakwela go thomisa go lawola Jehoyakimi+ morwayi wa Josiya kgoši ya Juda, tsowa ke tso Jehova a di hlayyeng, o yitseri: 2 “Tsowa ke tso Jehova a di hlayang: ‘Yema ka lapeng la ntlo ya Jehova o bolabole le batho ka moka ba mitšing ya Juda ba gore ba tla ba tl’le rapela mo ntlong ya Jehova. O ba botse dilo ka mokana ga tsona tso ke go botsang tsona; o sa šiyi le selo ka ssoši. 3 Nakwenngwana ba ka theetsela, ye mongwana le ye mongwana a lisetsa go maka dilo tsa go kekema, ke mokane nna ke nyoko ba kwela go baba ka sa sa ba leyela dilo tsa go sasamela tso ne ke nyoko di leya ka taba la dilo tsa go befa tso ba di makiyeng.+ 4 O ba botse gore: “Tsowa ke tso Jehova a di hlayang: ‘Mo nkare a le nyake go ntheetsela ka go latelela molawo wo ke le neyyeng wona, 5 ka go theetsela malata yaka ya gore ke baporofeta ya gore ke ma romele ga lune gatleletlele, ya gore fote a le ya ma theetsela,+ 6 byalo nna ke nyoko maka mutši wowa tso ke di makiyeng Šilo,+ ke mokane ke nyoko fetsa ka mutši wowa fote ditšhaba ka mokana ga tsona tsa lefaseng di nyoko bona ka bona gore mo ba re motho o na le senyama ba ra ying.’”’”+
7 Ke mokane maprista, baporofeta le batho ka mokana ga bona ba kwile Jeremiya mo a bolabola mantsu yawa ntlong ya Jehova.+ 8 Byalo, mo Jeremiya a fetsa go bolabola dilo ka mokana ga tsona tso Jehova a mmutsiyeng gore a di botse batho ka mokana ga bona, maprista le baporofeta le batho ka mokana ga bona ba mo tshwara ke mokane ba re: “Wene o nyoko kgwa. 9 Ke ntaba o porofitiye ka lebitso la Jehova wa re, ‘Mutši wowa wo nyoko makegela ke tso di makegeleng Šilo fote go nyoko fela ka wona gwa šala go se na motho’?” Batho ka mokana ga bona ba dukulugela Jeremiya ka ku ntlong ya Jehova.
10 Mo dindhuna tsa Juda di kwa ditaba tsone, dya tšwa ku ntlong ya kgoši ke mokane dya ya ntlong ya Jehova, dya segela di dula mo go keniwang gona ga gheyiti ya nyuwane ya ntlo ya Jehova.+ 11 Ke mokane maprista le baporofeta ba botsa dindhuna le batho ka mokana ga bona gore: “Motho yewa o tshwanele ke go kgwa,+ ka taba la gore o porofitiye dilo tsa go sasamela tsa gore di nyoko tlela mutši wowa, le lune le tikwele.”+
12 Ke mokane Jeremiya a botsa dindhuna ka mokana ga tsona le batho ka mokana ga bona gore: “Ke Jehova ye a nrommeng gore ke porofete dilo tsa go sasamela ka mutši wowa le dilo ka mokana ga tsona tso le di kwileng ka mutši wowa.+ 13 Byalo, tšhentšhaneng mekgwa ya lune le tso le di makang ke mokane le theetsele Jehova Modimo wa lune, ke mokane Jehova o nyoko tšhentšha monagano wage ka dilo tsa go sasamela tso a hlayyeng gore o nyoko le leyela tsona.+ 14 Mara nna ke di šiyela lune. Mmakeneng so le bonang se lukiye. 15 Mara le di tšibe gore mo le ka mpolaya, lune, mutši wowa le batho ba mutši wowa le nyoko ba le na le molato wa madi, ka gore ka nnete Jehova o nromme ho ga lune gore ke le botse dilo tsowa ka mokana ga tsona.”
16 Byalo, dindhuna le batho ka mokana ga bona ba botsa maprista le baporofeta ba re: “Morenewa aa tshwanela ke go kgwa, ka taba la gore o bolabodiye le rune ka lebitso la Jehova Modimo wa rune.”
17 Go tokegela gana hone, banna ba bangwana ba bagolo ba mone nageng ba tlogamela ba bolabola le mogoba ka mokana ga wona ba re: 18 “Mmika+ wa Morešethe ne a porofeta ka dinako tsa Kgoši Hezekiya+ wa Juda, byalo o butsiye batho ka mokana ga bona ba Juda a re, ‘Tsowa ke tso Jehova wa masole a di hlayang:
“Siyoni yi nyoko limiwa go tshwana le tšhomo,
Jerusalema yi nyoko ba ndhundhuma ya dithila,+
Fote thaba ya Ntlo yi nyoko tshwana le dipoleke tsa kgakala tsa gore di mašahleng.”’+
19 “Ayitsano Kgoši Hezekiya wa Juda le batho ka mokana ga bona ba Juda ba mmolayye? Anthe kgoši ne yi sa tšhabe Jehova, ya šinya yi kgopela Jehova gore a yi kwele go baba, tsotsone dya maka gore Jehova a tšhentšhe monagano ka dilo tsa go sasamela tso ne a nyoko ba leyela tsona?+ Byalo ke ntaba re nyoko maka selo sa gore se nyoko re leyela tsa go sasamela?
20 “Byalo ke mo go na le morene mongwana ye ba reng ke Urija morwayi wa Šemaya wa go tšwa Kiriyathe-jeyarimo,+ wa gore ne a porofeta ka lebitso la Jehova, wa gore le yene o porofitiye go tshwana le Jeremiya gore mutši wowa le naga yowa di nyoko tlela ke tsa go sasamela. 21 Kgoši Jehoyakimi+ le banna bo ne ba le gana hone ba matšhika ka mokana ga bona le dindhuna ka mokana ga tsona ba kwile tso a di hlayyeng, ke mokane kgoši ya polana go mmolaya.+ Mo Urija a di kwelela, a tšhoga, a napa a tšhabela Egepita. 22 Byalo Kgoši Jehoyakimi a romela Elinathane+ morwayi wa Akhibhoro le banna ba bangwana gore ba ye naye ku Egepita. 23 Byalo ba boya le Urija ba tšwa naye Egepita, ba mo yisa ga Kgoši Jehoyakimi ke mokane yene a mmolaya ka sabola+ ke mokane a tseya setopo sage a se lahlela lebitleng la batho ba gore ke mo ba sa ba tseyele gedimo.”
24 Mara Ahikamo+ morwayi wa Šafane+ o yemme le Jeremiya gore ba sa mo yisi ga batho gore ba thogo mmolaya.+