Jeremiya

27 Mo Jehoyakimi morwayi wa Josiya kgoši ya Juda a thomisa go lawola, Jehova o yye a bolabola le Jeremiya. 2 Ke mokane Jeremiya o yitseri: “Tsowa ke tso Jehova a mputsiyeng tsona, ‘Timakele dithapo tsa go tlema lejoko, o di beye mo molaleng wago. 3 Ke mokane o di romele ga kgoši ya Edomo,+ kgoši ya Mowaba,+ kgoši ya Maamoni,+ kgoši ya Tira+ le kgoši ya Sidoni,+ o di neyetse bo ba gore ba ba romme ba gore ba tlile Jerusalema ga Kgoši Zedekiya wa Juda. 4 Ba botse tsowa gore ba ye ba botse beng ba bona:

“‘“Tsowa ke tso Jehova wa masole a di hlayang, yene Modimo wa Israyele, o re; tsowa ke tso le tshwaneleng go botsa beng ba lune le re, 5 ‘Ke nna ye a makiyeng lefase, batho le diphoolwane tso di leng mo lefaseng ke berekisa matšhika yaka ya magolo le letsogo laka la go ba le matšhika; fote dilo tsone ka moka ke di neyye ye ke nyakang go mo neya tsona.+ 6 Gana byalo dilo tsowa ka mokana ga tsona ke di neyye lelata laka Kgoši Nebhukhadhinezara+ wa Bhabhilona; ke mo neyye le diphoolwane tsa go tshosa tsa hlaga gore a di lawole. 7 Ditšhaba ka mokana ga tsona di nyoko berekela yene, morwayi wage le setlogolwane sage go segela go tla nako ya gore go fele ka mmušo wage,+ le go segela mo ditšhaba tsa go tlala le magoši ya magolo di maka gore go be lebhantiti la tsona.’+

8 “‘“‘Mo nkare go na le setšhaba kela mmušo wa gore wo gana go berekela Kgoši Nebhukhadhinezara wa Bhabhilona wa boya wa gana go rwala lejoko la kgoši ya Bhabhilona, ke nyoko wolola setšhaba sone ka sabola,+ tlala le malwele ya go bolaya,’ go hlaya Jehova, ‘go segela ke fetsa ka bona ke berekisa yene.’

9 “‘“‘Byalo le sa theetsele baporofeta, ba go bona tsa ku mahlong, bo ba go lora, ba go maka tsa masalamose le baloyi ba gore ba le botsa gore: “Le ka sa yi berekele kgoši ya Bhabhilona.” 10 Ka gore ba le porofetela matsaka gore le thogo tlusiwa nageng ya lune le yisiwe ga ya kgole, fote nna ke nyoko le tlalaganya gore go fele ka lune.

11 “‘“‘Mara setšhaba sa gore se rwala lejoko la kgoši ya Bhabhilona sa boya sa yi berekela, ke nyoko maka gore se šale nageng ya sona gore se thogo yi lima le go dula ga yona,’ go hlaya Jehova.’”’”

12 Le Kgoši Zedekiya+ wa Juda ke mmutsiye tsotsone, ke yitseri: “Rwalaneng lejoko la kgoši ya Bhabhilona ka melala ya lune, le be malata yage le batho bage, tsotsone di nyoko maka gore le dule le phela.+ 13 Anthe ke ntaba wene le batho bago le tshwanele le kgwe ka sabola,+ tlala+ le malwele,+ ka mokgo Jehova a hlayyeng gore tsotsone di nyoko makegela setšhaba sa go sa nyake go berekela kgoši ya Bhabhilona? 14 Le sa theetsele tso baporofeta ba le botsang tsona tsa gore, ‘Le ka sa yi berekele kgoši ya Bhabhilona,’+ ka taba la gore ba porofeta matsaka.+

15 “Jehova o re: ‘Ka gore a baa roma ke nna, mara ba porofeta matsaka ka lebitso laka, ka gore ba tšiba gore nna ke nyoko le tlalaganya fote go nyoko fela ka lune le baporofeta bo ba le porofetelang.’”+

16 Fote tsowa ke tso ke butsiyeng maprista le batho ka moka, ka re: “Tsowa ke tso di hlayang ke Jehova, o re, ‘Le sa theetsele tso di hlayang ke baporofeta bo ba le porofetelang: “Bonaneng! Go se botala dilo tso di berekisiwang ntlong ya Jehova ba nyoko di leya di tšwa Bhabhilona!”+ ka gore diporofeto tso ba le botsang tsona ke matsaka.+ 17 Le sa ba theetsele. Berekelaneng kgoši ya Bhabhilona fote le nyoko dula le phela.+ Ka gore mo le ka sa make tsotsone, mutši wowa wo nyoko ba lešupi. 18 Mo nkare ke baporofeta fote tso ba di bolabolang di tšwa ga Jehova, ba kgopele Jehova wa masole gore dilo tso di berekisiwang ntlong ya Jehova, tso di leng ntlong ya kgoši ya Juda le Jerusalema ba sa di yisi Bhabhilona.’

19 “Ka gore tsowa ke tso di hlayang ke Jehova wa masole ka dikholomo,+ Ledhamo la koporo,+ dikotšikara+ le dilo tso di berekisiwang tso di šeleng ho mutšing, 20 tsa gore Kgoši Nebhukhadhinezara wa Bhabhilona aa di tseya nakwela a tseya Jekoniya morwayi wa Jehoyakimi wa gore ke kgoši ya Juda a mo yisa bobhantiting go tloga Jerusalema ba ya Bhabhilona, le batho ba go tseyediwa gedimo ba Juda le ba Jerusalema;+ 21 tsowa ke tso Jehova wa masole, yene Modimo wa Israyele a di hlayang ka dilo tso di berekisiwang tsa gore di šele ntlong ya Jehova, ntlong ya kgoši ya Juda le ku Jerusalema, o re: 22 ‘“Ba nyoko yisiwa Bhabhilona,+ fote ba nyoko dula gona go segela nna ke ba kwela go baba,” go hlaya Jehova. Ke mokane ke nyoko ba buyisa ba dula ga poleke yowa fote.”’”+