Jeremiya

28 Ka mongwaga wonone mo Kgoši Zedekiya+ wa Juda a thomisa go lawola, ka mongwaga wa kanne, ka kgwedi ya kapheta, Hananiya wa gore ke moporofeta, wa gore ke morwayi wa Azuri wa go tšwa Ghibhiyoni+ o mputsiye mantsu yawa nakwela ke le ntlong ya Jehova go na le maprista le batho ka mokana ga bona, a re: 2 “Tsowa ke tso Jehova wa masole, yene Modimo wa Israyele a di hlayang, ‘Ke nyoko robanya lejoko la kgoši ya Bhabhilona.+ 3 Mo mongwaga wa mabedi wo soko fela, ke nyoko buyisa dilo ka mokana ga tsona tso di berekisiwang ntlong ya Jehova ga poleke yowa, tsa gore Kgoši Nebhukhadhinezara wa Bhabhilona o di tsere a di yisa Bhabhilona.’”+ 4 “‘Fote ke nyoko maka gore Jekoniya+ morwayi wa Jehoyakimi+ kgoši ya Juda a boye ga poleke yowa le batho ka mokana ga bona ba Juda ba gore ba yye bobhantiting ku Bhabhilona, ka taba la gore ke nyoko robanya lejoko la kgoši ya Bhabhilona,’+ go hlaya Jehova.”

5 Ke mokane Jeremiya wa go porofeta a bolabola le Hananiya wa go porofeta mahlong ga maprista le batho ka mokana ga bona bo ne ba yemme mahlong ga ntlo ya Jehova. 6 Jeremiya wa go porofeta a re: “Amene! Nkare Jehova a ka di maka tsotsone! Nkare Jehova a ka maka gore tso o di porofitiyeng di makege ka go maka gore dilo tso di berekisiwang ntlong ya Jehova le batho ka mokana ga bona bo ba yyeng bobhantiting Bhabhilona di boye! 7 Barena ke ro go fawa, theetsela tso ke di bolabolang tsa gore di kwa ke wene le batho ka mokana ga bona. 8 Ku botala, mo nna le wene re soko bane re ba gona, baporofeta ne ba porofeta ka dinaga tsa go tlala, memmušo ya go ba le matšhika, dintwa, dilo tsa go sasamela le malwele. 9 Mo nkare moporofeta o porofeta gore go nyoko beba fote gwa ba ka mokgonone, di ra gore ka nnete moporofeta yene o romme ke Jehova.”

10 Hananiya wa go porofeta a napa a tseya lejoko molaleng wa Jeremiya wa go porofeta a le robanya.+ 11 Ke mokane Hananiya a bolabola mahlong ga batho ka mokana ga bona a re: “Tsowa ke tso Jehova a di hlayang: ‘Ke nyoko maka ka mokgo mo ke roba lejoko la Kgoši Nebhukhadhinezara wa Bhabhilona melaleng ya batho ka mokana ga bona ba ditšhaba ka mengwaga ka mmedi.’”+ Ke mokane Jeremiya wa gore ke moporofeta a sepela.

12 Ka nthago ga gore Hananiya wa go porofeta a robe lejoko molaleng wa Jeremiya wa go porofeta, Jehova a botsa Jeremiya molayetsa wowa a re: 13 “Ariye o segele o botse Hananiya gore, ‘Tsowa ke tso Jehova a di hlayang: “Wene o robiye lejoko la mapolanka,+ mara o nyoko maka lejoko la tshipi.” 14 Ka gore tsowa ke tso Jehova wa masole, yene Modimo wa Israyele a di hlayang, o re: “Ke nyoko beya lejoko la tshipi molaleng wa ditšhaba tsowa ka mokana ga tsona gore di berekele Kgoši Nebhukhadhinezara wa Bhabhilona, fote di nyoko mmerekela.+ Le mong phoolwane ya go tshosa ya hlaga ke nyoko mo neya yona.”’”+

15 Ke mokane Jeremiya wa go porofeta a re ga Hananiya+ wa go porofeta: “Hananiya barena, ke kgopela o ntheetsele! Jehova aa go roma, mara wene o makiye gore batho bowa ba tshepe matsaka.+ 16 Byalo, tsowa ke tso Jehova a di hlayang: ‘Bona! Ke nyoko fetsa ka wene. Lenyaga o nyoko kgwa, ka taba la gore o hlohletsele batho gore ba jikele Jehova.’”+

17 Byalo, Hananiya wa go porofeta o napiye a kgwa ka mongwaga wonone ka kgwedi ya kašupa.