Jeremiya
47 Tsowa ke tso Jehova a di butsiyeng Jeremiya wa go porofeta ka Mafilisita,+ mo Faro a soko bane a hlasela Ghaza. 2 Tsowa ke tso Jehova a di hlayang:
“Go nyoko tla meetši ya go tlala ya go tšwa lebowa.
Go nyoko ba mogogola.
Fote ma nyoko gogola naga le dilo ka mokana ga tsona mone ga yona,
Le mutši le batho bo ba dulang ga wona.
Banna ba nyoko gotla,
Motho ye mongwana le ye mongwana ye a dulang mone nageng o nyoko lla.
3 Go nyoko kwagala modumo wa dipera tsage mo di taboga,
Le modumo wa dikotšikara tsage tsa ntwa
Le modumo wa mabilo ya dikotšikara tsone mo di kene di sepela,
Le mong bopapa ba ka sa jiki gore ba gelepe barwayi ba bona,
Ka gore matsogo ya bona ma ko ba ma lelemela,
4 Ka taba la gore ka letšatši lone o nyoko fetsa ka Mafilisita ka mokana ga wona;+
O nyoko fetsa ka bo ba go gelepa Mafilisita ba go tšwa Tira+ le Sidoni+ ba gore ne ba šele.
Ka gore Jehova o nyoko fetsa ka Mafilisita,
Ya gore ma ga poleke ya gore yi dukulugele ke meetši ya Khafotore.*+
5 Ghaza yi nyoko ba le lefahla.*
Ašikelone a yi sa na molomo.+
Lune bo le šeleng ba moyeding wa bona,
Anthe le nyoko tiseganya go segela neng?+
6 Wene sabola ya Jehova!+
Anthe o nyoko kgomolela neng?
Boyela sekhwameng sago.
Khutsa o boye o kgomolele o re tsee.
7 Yi nyoko kgomolela byang
Yi kene yi romme ke Jehova?
O yi romme gore yi hlasele Ašikelone le bo ba go dula lerophong la lewatle,+
Gana hone ke mo a yi rommeng gona.”