Jeremiya
48 Tsowa ke tso di nyoko makegelang Mowaba+ tsa gore di hlaya ke Jehova wa masole, yene Modimo wa Israyele:
“Nebho+ yi ko tikweleng, ka taba la gore go fediye ka yona!
Kiriyathayimo+ ba yi hludiye, ba fetsa ba yi poyila.
Dipoleke tsa go pasopega ba di poyidiye fote ba di wisannye.+
2 Mowaba a ba sa yi thanaka.
Ku Hešibhone+ ba polana go yi wisa:
‘Tlanneng re fetse ka yona re le setšhaba.’
Le lune ba Madamene di nyaka le kgomolele,
Ka taba la gore sabola ya le latelela.
3 Go kwagala ba go lla hala Horonayimi,+
Le modumo wa mo mutši wone ba wo psyitlanya fote wo wa.
4 Mowaba yi wile.
Dibananyana tsa yona di ya lla.
5 Ba yinuga ba kene ba lla hala mmotong wa Luhithe.
Mo ba thewoga Horonayimi ba kwa batho ba gotla ka taba la tso di makegeleng mutši wone.+
6 Tšhabaneng gore le thogo phonisa maphelo ya lune!
Di nyaka le tshwane le mohlare wa mojunipha hala mašahleng.
7 Ka taba la gore wene o tshepele ga tso o di makiyeng le tso o ghannyeng ka tsona,
Le wene o nyoko hludiwa.
Fote Khemoši+ yi nyoko yisiwa bobhantiting,
Le maprista ya yona le dindhuna tsa yona.
8 Ye wa go hlasela o nyoko tla ga mutši wo mongwana le wo mongwana,
Fote a go na mutši wa gore wo nyoko phona.+
Go ka sa sa ba le moyedi,
Fote poleke ya gore ke lekgwayi go nyoko fela ka yona, go ya ka mokgo Jehova a hlayyeng.
9 Beya sa go mereka ku Mowaba,
Ka taba la gore o nyoko tšhaba mo ba mo hlasela,
Fote mo batho ba lebelela mitši yage ba nyoko tšhoga,
Go ka sa be le motho wa go dula gana hone.+
10 Ye a makang mmereko wo a wo neyyeng ke Jehova mara a sa wo make ka pelo ka moka a wele ke senyama!
Ye a tshwarang sabola yage gore a sa falatse madi a wele ke senyama!
11 Mamowaba a maa hlupa ke motho go tlugisela go sa le ba banyana,
Go fo tshwana le wayini ya gore ba yi lisetsiye gore yi kgibe.
A sanka ba ntshiwa ga pitsa ye nngwana ke mokane ba tšhediwa ga ye nngwana,
Fote a sanka ba ya bobhantiting.
Nka taba lo mo o re wa ba liketsa gore ba kwagala byang, ba sa fo ba ka mokgonola,
Le monkgo wa bona go sa na go le wonola.
12 “‘Byalo bona! go tla nako,’ go hlaya Jehova, ‘ya gore ke romele batho gore ba ba dhunghanye. Ba nyoko ba dhunghanya go tshwana le wayini fote ba nyoko maka gore dipitsa tsa bona di šale di se na selo, ba boya ba pshyayanya boleka bya bona gwa šala go le ditlopotlopo. 13 Mamowaba ma nyoko tšeba ka taba la Khemoši, go fo tshwana le ntlo ya Israyele mo yi tšebisa ke Bhethele ya gore ne yi tithegiye ka yona.+
14 Anthe ke ntaba o re: “Ke rune masole ya go ba le matšhika, fote re tikemisele ntwa”?’+
15 ‘Mowaba go fediye ka yona,
Mitši ya yona ba yi hlasele,+
Fote masogana ya bona ya gore ma ba phala ka moka ba ma bolayye,’+
Go hlaya Kgoši, ya gore lebitso la yona ke Jehova wa masole.+
16 Go se botala Mowaba yi nyoko tlela ke dilo tsa go sasamela,
Fote go nyoko fela ka yona ka go yakgoswa.+
17 Batho ka mokana ga bona bo ba nang nabo ba nyoko kwa di ba tšhofa gore ba ba kwele go baba,
Batho ka mokana ga bona bo ba ba tšibang.
Ba botse gore: ‘Thoka ya go ba le matšhika ba yi robiye, yona thoka ya go bafala!’
18 Tloga mone ga go gadimela,
O tle o dule howa o wonngwe, wene morwediya wa go dula Dibhoni,+
Ka gore ye a fetsang ka Mowaba o tlile gago,
Fote o nyoko fetsa ka dipoleke tsago tsa gore di pasopegiye.+
19 Yema thina le pata, o lebelele, wene wa go dula Arore.+
O butsise banna le basadi bo ba tšhabang gore, ‘Go makegiye ying?’
20 Mowaba ba yi tšebisiye fote yi tšhugiye ka matla.
Gotlaneng fote le lle le rasa.
Sabalatsaneng taba yowa ku Aranoni,+ ya gore Mowaba go fediye ka yona.
21 “Ba yahlula poleke ya sepsyatla,+ Holone, Jahazi+ le Mefathe;+ 22 le Dibhoni,+ Nebho+ le Bhethe-dibhlathayimi; 23 le Kiriyathayimo,+ Bhethe-ghamuli le Bhethe-miyone;+ 24 le Keriyothe+ le Bhozara; le mitši ka mokana ga yona ya nageng ya Mowaba, ya gore yi kgole le ya gore yi thina.
25 ‘Mowaba ba yi tapiye matšhika;
Letsogo la yona ba le robiye,’ go hlaya Jehova.
26 ‘Maka gore yi tlayile,+ ka taba la gore yi tithanakiye mara ya sa thanake Jehova.+
Mowaba o wele mahlatseng yage,
Fote o fetogiye sepoyila.
27 Anthe Israyele ne go se sepoyila gago?+
Ayitsano ba mo krayye gare ga ba go yetswa,
La gore o šinya o šikinya hlogo wa boya o bolabola tsa go sa loka ka yene?
28 Lune ba go dula Mowaba, tloganeng mone mitšing le ye dula letlapeng,
Fote le tshwane le liba la go dula sehlageleng sa thina le moyeding.’”
29 “Re di kwelele tsa gore Mowaba yi na le magetla—yi kganya la go sa hlayisege—
Ya nyemulana, yi na le magetla, ya kganya fote yi tiputsiye ka ho pelong.”+
30 “‘Ke ya tšiba gore o kwatiye,’ go hlaya Jehova,
‘Mara tso a di bolabolang tsa go sa kwagale di ka sa phomelele.
Fote di ka sa ro pasa.
31 Nka taba lo ke nyoko gotlang ka taba la Mowaba,
Ke nyoko llela Mowaba ke rasa
Fote ke nyoko llela banna ba Kire-herese.+
Makala yago ya go hluhlutela ma tshidiye lewatle.
Ma segele lewatle le Jazere.
Ye wa go sinyanya o thewogiye a tla
Ga diyengwa tsago tsa selemo le ga didhriva tsago tsa gore baa di buna.+
33 Hala mašomong a go sa natefa, a go sa jabodisa
Le hala nageng ya Mowaba.+
Nka sa sa maka gore go be le wayini hala ba makelang wayini gona.
A go na ye a nyoko yahlamelang a jabodiye.
Ka mokgo ba yahlamelang go ka sa tshwane.’”+
34 “‘Go kwagala batho ba go lla ku Hešibhone+ go segela ku Eliyela.+
Ba lla ba rasa ba kwagala le ku Jahazi,+
Go tlugisela Zowara go segela Horonayimi+ le Eghlatha-šelišiya.
Le mong meetši ya Nimirimi ma nyoko pshya.+
35 Ye wa gore o maka dihlabelo polekeng ya kgakala
Le ye wa gore o makela modimo wage dihlabelo
Ke nyoko maka gore ba sa sa ba gona ku Mowaba,’ go hlaya Jehova.
36 ‘Nka taba lo pelo yaka yi nyoko llelang Mowaba go tshwana le flutu,*+
Fote pelo yaka yi nyoko llela batho ba Kire-herese go tshwana le flutu.*
Ka taba la gore dilo tsa majabajaba tso ba nang natso go nyoko fela ka tsona.
37 Ka taba la gore hlogo ye nngwana le ye nngwana yi na le lefahla,+
Fote makgakga ka moka ma kupiwwe.
Matsogo ya bona ka moka ma segegiye.+
Ba tlemme lesaka ho masekeng ya bona!’”+
38 “‘Gedimo ga dintlo ka moka tsa Mowaba
Le dipolekeng ka moka tsa gore batho ba gahlanela gona,
Go fo kwagala go gotla.
Ka taba la gore ke robannye Mowaba
Go tshwana le pitsa ya gore ba yi lahliye,’ go hlaya Jehova.
39 ‘Yi tšhugiye mong go tšhoga! Gotlaneng!
Nnete Mowaba yi sologiye yi tšebiye!
Mowaba ba thomisiye go yi poyila,
Tso di yi makegeleng di tshosannye le batho ka mokana ga bona bo ba leng thina nayo.’”
40 “Ka gore tsowa ke tso Jehova a di hlayang:
‘Bona! Go fo tshwana le mo kgwenyepi yi fofela tlase,+
Le yene o nyoko phurulla mafafela yage gedimo ga Mowaba.+
41 Mitši yage yi nyoko tseyiwa,
Fote ba nyoko mo yamoga le mitši yage ya gore ba yi tiyisiye.
Ka letšaši lolone, dipelo tsa masole ya go ba le matšhika ya Mowaba
Di nyoko tshwana le pelo ya mosadi wa go belega.’”
42 “‘Fote setšhaba sa Mowaba go nyoko fela ka sona,+
Ka taba la gore se kakodiye magetla se maka nkare sona se phala Jehova.+
43 O nyoko dula o tšhugiye fote mokoti le molabo di mahlong gago,
Wene motho wa go dula Mowaba,’ go hlaya Jehova.
44 ‘Ye mongwana le ye mongwana ye a tšhabang dilo tsa go tshosa tso di mo tlelang o nyoko wela mokoting,
Fote ye mongwana le ye mongwana ye a tšwang ka mokoting o nyoko wela molabong.’
‘Ka gore Mowaba ke nyoko yi wolola ka mongwaga wo ke wo kgetiyeng,’ go hlaya Jehova.
45 ‘Bo ba tšhabelang morithing wa Hešibhone a ba na matšhika.
Ka gore go nyoko ba le mollo wa gore wo tšwa Hešibhone
Le hlase ya go tšwa Sihone.+
Wo nyoko gagara mopo wa Mowaba
Le bokakara bya barwayi ba go kwana le go lwa.’+
46 ‘O ko tikweleng, wene Mowaba!
Go fediye ka batho ba Khemoši.+
Ka gore barwayi bago ba makiye gore go be mabhantiti,
Fote barwediya bago ba ba yisiye bobhantiting.+
47 Ke nyoko kgobaketsa mabhantiti ya Mowaba ka sekopa sa mafelelo sa matšatši ya mafelelo,’ go hlaya Jehova.
‘Molayetsa wa go yahlula Mowaba wo felela howa.’”+