Jeremiya
49 Tsowa ke tso Jehova a di hlayang ka Maamoni,+ o re:
“Anthe Israyele aa na barwayi?
Anthe aa na mojalefa?
Ke ntaba Malekhamo+ a tsere Ghada+ gore go be yage?
Fote ke ntaba batho bage ba dula mitšing ya Israyele?”
2 “‘Bona! nako ya tla,’ go hlaya Jehova,
‘Ya gore ke nyoko maka gore go be le modumo wa go šupetsa gore go nyoko ba le ntwa ya go hlasela Rabha+ ya Maamoni.+
Yi nyoko ba ndhundhuma ya dithila,
Fote mitši ya gore yi yi dukulugele yi nyoko tšhubiwa ka mollo.’
‘Fote Israyele yi nyoko kraya naga yo ne ba yi tseyele yona,’+ go hlaya Jehova.
3 ‘Gotla wene Hešibhone ka gore go fediye ka Ayi!
Yahlamelaneng lune mitši ya gore yi dukulugele Rabha.
Yaparaneng masaka.
Gotlaneng fote le sepelasepele hala ga gore go na le mašaka ya go makiwa ka matlapa,*
Ka gore Malekhamo o nyoko ya bobhantiting,
A na le maprista yage le dindhuna tsage.+
4 Ke ntaba o kganya ka meyedi,
Meyedi yago ya gore yi tsifiye, wene morwediya wa go sa tshepege,
Wa gore o tshepela ga dilo tsage tsa gore o di tseyela gedimo
Wa gore fote o re: “Ke mang wa gore a ka lwa le nna?”’”
5 “‘Ke nna yewa ke le leyela dilo tsa go sasamela,’ tsosone di hlaya ke Morena wa ku Malenghelengheng, Jehova wa masole,
‘Tsa go tšwa ga batho ka moka bo ba le dukulugeleng.
Ba nyoko le tlalaganya dipolekeng ka mokana ga tsona,
Fote a go na bo ba nyoko kgobaketsang bo ba gore ba nyoko ba ba tšhabiye.’”
6 “‘Mara ka nthago ga mone ke nyoko kgobaketsa mabhantiti ya Maamoni,’ go hlaya Jehova.”
7 Tsowa ke tso Jehova wa masole a di hlayang ka Edomo, o re:
“Anthe a go sa na batho ba go hlalefa ku Temani?+
Anthe bo ba gore baa kwisisa a ba sa yeletsana gabutši?
Anthe go hlalefa ga bona go fediye?
8 Tšhabaneng, sologaneng!
Ariyeneng le ye dula moyeding wa go yisa, lune ba go dula Dedani!+
Ka gore ke nyoko leyela Esewu tsa go sasamela
Mo nako ya gore ke mo wolole yi segela.
9 Hala bo ba go buna didhriva ba ka tla gago,
Ayitsano ne ba ka sa šiyi tse dingwana gore batho ba thogo hlokotša?
Mo bo ba go yetswa ba ka tla gago bošego,
Ne ba nyoko sinyanya ka mokgo ba nyakang.+
10 Mara ke nyoko maka gore Esewu a šale a sa tšwara.
Ke nyoko wunyulla dipoleke tsage tsa go wutama ga tsona,
Gore a sa kgone go wutama.
Bana bage, bobhuti bage le bayagelane bage ka mokana ga bona go nyoko fela ka bona,+
Fote le yene go nyoko fela ka yene.+
11 Lisetsaneng bana ba gore a ba na bopapa ba gore ba hone ga lune
Ke mokane ke nyoko maka gore ba ye mahlong ba phela,
Fote basadi ba gore ba kgwele ke banna ba gore ba hone ga lune ba nyoko tshepela gaka.”
12 Ka gore tsowa ke tso Jehova a di hlayang: “Mo nkare bo ba gore a baa yahlulediwa gore ba nwe ka komitši ba nwa, ayitsano wene di nyaka ba go lisetse o sa wolodiwi? Wene ba ka sa go lisetsi ba sa go wolola ka taba la gore di nyaka o nwe ga yona.”+
13 “Ka gore nna ke tshepisiye,” go hlaya Jehova, “gore Bhozara go nyoko ba poleke ya gore mo batho ba yi bona ba nyoko tšhoga,+ ba nyoko yi kwera, gwa ba lešupi le sepoyila; fote mitši ya yona ka mokana ga yona go nyoko napa go fela ka yona.”+
14 Ke kwile tso di tšwang ga Jehova,
O romme lelata lage ditšhabeng a re:
“Gahlananeng le be selo ka ssoši fote le mo hlasele;
Tilukiseleleneng ntwa.”+
15 “Bona! Ke makiye gore o sa be selo gare ga ditšhaba,
Gore batho ba go hloye.+
16 Ka mokgo batho ba go tšhabang ka gona di ya go lahletsa,
Ka gore o kakodiye magetla,
Wene wa go dula dipolekeng tsa gore di wutamme tsa matlapeng,
Wene wa gore o dula thabeng ya go lefa ka matla.
Le mo nkare o yagiye sehlagela ku malenghelengheng go tshwana le kgwenyepi,*
Nna ke nyoko go pholosa gana hone o leng gona,” go hlaya Jehova.
17 “Fote di nyaka Edomo go be poleke ya gore mo batho ba yi bona ba fo tšhoga.+ Ye mongwana le ye mongwana ye a fetang ga yona o nyoko yi lebelela ke mokane a tšhoga a boya a teya moludi ka taba la dilo ka mokana ga tsona tsa go sasamela tso di ko bang di yi wele. 18 Go fo tshwana le mo go fediye ka Sodoma le Ghomora le mitši yo yi leng thina natso,”+ Jehova o re, “a go na ye a nyoko dulang hone, fote a go na ye a nyoko yagang hone.+
19 “Bonaneng! Ye mongwana o nyoko hlasela dipoleke tso ba diselang ga tsona tsa gore di pasopegiye go tshwana le tawu+ ya gore yi tšwa lešahleng la gore le tlemme thina le Jorodane, mara ke nyoko maka gore a tšhabe hone gage ka go yakgoswa. Fote ke nyoko maka gore go be le ye a mo yetang mahlong wa gore ke mo hlawodiye. Ka gore ke mang ye a tshwanang le nna, fote ke mang ye a nyoko phigisanang le nna? Ke mang wa go disa wa gore a ka yema mahlong gaka?+ 20 Byalo lune batho, theetselaneng tso Jehova a di segeleleng ka Edomo le tso a di naganneng ka batho ba gore ba dula Temani:+
Ka nnetennete bo ba banyana mo morapeng ba nyoko ba gogoyisa.
Yene o nyoko maka gore mo ba dulang gona go šale go le lešupi ka taba la bona.+
21 Lefase le tekatekiye mo go kwagala modumo wa mo ba wa.
Go na le modumo wa batho ba lla ba rasa!
Modumo wa gona wo kwagele go segela Lewatleng le Lekhubedu.+
22 Bonaneng! Yene o nyoko yinuga a boya a ya tlase ka go yakgoswa go tshwana le kgwenyepi,*+
Fote o nyoko phurullela mafafela yage gedimo ga Bhozara.+
Ka letšatši lolone, dipelo tsa masole ya Edomo di nyoko hlagasela
Go tshwana le pelo ya mosadi wa gore wa belega.”
23 Molayetsa wa go ya Damasekhase:+
“Hamathe+ le Arapadi ba di poyidiye,
Ka gore di kwile ka pego ya gore a yi gabutši.
Di tšhugiye ka matla.
Batho ba tshwana le lewatle la gore a le kgomoletsege.
24 Batho ba Damasekhase a ba sa na lešiši.
Ba nyaka go tšhaba, mara ba hlakahlakanne.
Ba kgahleletsegiye fote ba kwa go baba,
Go tshwana le mosadi wa gore wa belega.
25 Go ro re beng mutši wa gore wa thanakiwa ba soko wo lahla,
Mutši wa gore batho ba wona ke mo ba jabodiye?
26 Ka gore masogana ya wona ma nyoko wa hala dipolekeng tsa gore batho ba gahlana ga tsona,
Fote masole ya wona ka mokana ga wona go nyoko fela ka wona ka letšatši lone,” go hlaya Jehova wa masole.
27 “Ke nyoko tšhubanya lepharo la Damasekhase,
Fote mollo wone wo nyoko tšhubanya diwokamelo tsa go pasopega tsa Bhene-hadadi.”+
28 Wowa ke molayetsa wa go ya ga Kedara+ le memmušo ya Hazore, tsa gore Kgoši Nebhukhadhinezara* wa Bhabhilona o di psyitlannye, tsowa ke tso Jehova a di hlayang:
“Tlogamelaneng, ariyeneng Kedara,
Ke mokane le fetse ka bo ba gore ba dula Bohlabela.
29 Ba nyoko tseya matente ya bona le merape ya bona,
Ba boya ba tseya malapi ya go maka matente le dilo tsa bona ka mokana ga tsona.
Ba nyoko tseya dikamela tsa bona,
Fote ba nyoko ba llela ba re, ‘Batho ba tšhugiye go gongwana le go gongwana’”
30 “Tšhabaneng, ariyeneng kgole!
Sepelaneng le ye dula meyeding ya go yisa, lune ba go dula Hazore,” go hlaya Jehova.
“Ka gore Kgoši Nebhukhadhinezara wa Bhabhilona o le polanele dilo tsa go sa loka
Fote o polanne go le leyela dilo tsa go sasamela.”
31 “Tlogamelaneng, ariyeneng le ye lwa le setšhaba sa gore se bebiye,
Sa gore se pasopegiye!” go hlaya Jehova.
“A se na dikwalo kela ditshipi; se fo dula se ntoši.
32 Le nyoko tseya dikamela tsa bona,
Fote la tseya le merape ya bona ya gore yi tlele.
Ke nyoko ba tlalaganya mathoko ka moka
Bo ba gore ba hluba meriri ya bona mo phogong,+
Fote ke nyoko ba leyela tsa go sasamela di tšwa mathoko ka mokana ga wona,” go hlaya Jehova.
33 “Fote Hazore go nyoko ba mokoti wa dijakalase,
Go nyoko fo ya mahlong go sa duli motho.
A go na ye a nyoko dulang hone,
Fote a go na ye a nyoko yagang hone.”
34 Lowa ke lentsu la Jehova la go bolabola ka Elama+ la gore le tlele Jeremiya wa go porofeta mo Kgoši Zedekiya+ wa Juda a thomisa go lawola: 35 “Tsowa ke tso Jehova wa masole a di hlayang, ‘Ke nna yewa ke roba mosefo wa Elama,+ wa gore wo maka gore ba be le matšhika. 36 Ke nyoko leyela Elama kanne ya memoya ya go tšwa ga kanne ya dikhona tsa magedimong, fote ke nyoko ba tlalaganya ga memoya yone ka mokana ga yona. A go na setšhaba sa gore bo ba gore ba tlalaganne ba Elama ba ka sa yi ga sona.’”
37 “Ke nyoko maka gore Maelama ma tšhoge mahlong ga manaba ya wona le mahlong ga bo ba gore ba nyaka go ba bolaya; fote ke nyoko ba leyela tsa go sasamela ka taba la gore ke fufulele,” go hlaya Jehova. “Fote ke nyoko ba romela sabola go segela ke fetsa ka bona.”
38 “Ke nyoko beya setulo saka sa go lawola ku Elama,+ fote mo ke le gana hone ke nyoko fetsa ka kgoši le dindhuna,” go hlaya Jehova.
39 “Mara ka sekopa sa mafelelo sa matšatši ya mafelelo ke nyoko kgobaketsa mabhantiti ya Elama,” go hlaya Jehova.