Jeremiya
1 Yawa ke mantsu ya Jeremiya* morwayi wa Hilikiya, wa gore ke ye mongwana wa maprista ku Anathothe+ nageng ya Bhenjamini. 2 Jehova a bolabola le Jeremiya ka dinako tsa Josiya+ morwayi wa Amoni+ wa gore ke kgoši ya Juda, ka mongwaga wa bo 13 wa mo a lawola. 3 Fote Modimo o yye mahlong a bolabola le Jeremiya ka dinako tsa Jehoyakimi+ morwayi wa Josiya wa gore ke kgoši ya Juda, go segela mo Zedekiya+ morwayi wa Josiya wa gore ke kgoši ya Juda a fetsa go lawola ka mongwaga wa bo 11, go segela mo Jerusalema yi ya bobhantiting ka kgwedi ya kapheta.+
4 Jehova o bolabodiye le nna a re:
5 “Ke go tšibiye ke soko go maka ka teng ga popelo ya mmane wago,+
Le mo o soko belegiwa ne ke šele ke go hlawodiye+
Ke makiye gore o be moporofeta wa ditšhaba.”
6 Mara nna ka re: “Šii barena wene Jehova Morena wa Malenghelengheng!
Nna tsa go bolabola a ke di tšibi,+ ka taba la gore ke fo ba sešomanyana.”+
7 Ke mokane Jehova a re gaka:
“O sa re, ‘Ke sa le sešomanyana.’
Ka gore di nyaka o ye ga batho ka mokana ga bona bo ke go romang ga bona,
Fote di nyaka o ba botse dilo ka mokana ga tsona tso ke go botsang tsona.+
9 Jehova a wolola letsogo lage a tikisa molomo waka.+ Ke mokane Jehova a re gaka: “Ke tšhediye mantsu yaka molomong wago.+ 10 Akere wa di bona, go tlugisela lekgono ke go neyye matšhika ya gore o wokamele ditšhaba le memmušo, gore o tomolanye fote o thewose, o sinyanye fote o wisanye, o yage o boye o gaše.”+
11 Jehova a bolabola le nna fote a re: “Jeremiya, o bona ying?” Byalo nna ka re: “Ke bona lekala la mohlare wa dimaka tsa alimondi.”
12 Jehova a re gaka: “O bonne gabutši, ke ntshiye maahlo dikwakweng gore mmereko waka wo thogo ya mahlong le gore ke thogo maka tso ke di hlayang.”
13 Jehova a bolabola le nna fote la mabedi a re: “O bona ying?” Byalo nna ka re: “Ke bona poto ya go bila, fote molomo wa yona wo furalele lebowa.” 14 Ke mokane Jehova a re gaka:
“Dilo tsa go sasamela di nyoko tla di tšwa lebowa
Di nyoko tlela batho ka mokana ga bona ba nageng.+
15 Ka gore ‘ke hlekeletsa mitši ka mokana ga yona ya go tšwa ga memmušo ya ka lebowa,’ go hlaya Jehova,+
‘Fote mutši wo mongwana le wo mongwana wo nyoko tla; kgoši ye nngwana le ye nngwana yi nyoko beya setulo sa yona sa go lawola
Digheyiting tsa Jerusalema mo ba kenang gona,+
Ba nyoko hlasela mapharo yage ka mokana ga wona
Ba boya ba hlasela le mitši yage ka mokana ga yona ya Juda.+
16 Fote ke nyoko ba yahlula ka taba la dilo ka mokana ga tsona tsa go befa tso ba di makiyeng,
Ka gore ba njikele,+
Fote ba tupisa muši wa dihlabelo ba makela medimo ye mengwana+
Ba boya ba kgotamela medimo yo ba yi makiyeng.’+
17 Mara wene tilukiselele gore o make se sengwana,
Fote o tlogamele o ba botse dilo ka moka tso ke go butsiyeng tsona.
Ba sa go tshose,+
Gore le nna ke sa nape ke go lisetsa o tšhoga.
18 Ka gore lekgono ke makiye gore o tshwane le mutši wa gore wo pasopegiye,
Kholomo ya tshipi le mapharo ya koporo gore o thogo tipasopa ga naga ka mokana ga yona,+
Ga magoši ya Juda, dindhuna tsa yona,
Maprista ya yona le ga batho ba hone nageng.+
19 Fote ba nyoko lwa nago,
Mara ba ka sa go hlule,
Ka gore ‘ke nago gore ke go phonise,’+ go hlaya Jehova.”