Jeremiya
16 Jehova o bolabodiye le nna fote a re: 2 “A wa tshwanela gore o tseye mosadi, fote a wa tshwanela gore o be le barwayi le barwediya ga poleke yowa. 3 Ka gore tsowa ke tso Jehova a di hlayang ka barwayi le barwediya ba gore ba belegiwwe ga poleke yowa le bommane ba bona ba gore ba ba belegiye le bopapa ba bona, ba gore ke bona ba makiyeng gore ba belegiwe ga poleke yowa: 4 ‘Ba nyoko fetsa ke malwele ya go bolaya,+ fote a go na motho wa gore o nyoko ba llela kela go ba boloka; ba nyoko tshwana le manyoro ho fase.+ Ba nyoko bolaya ke sabola le tlala,+ ditopo tsa bona go nyoko ba tsa go ja tsa dinonyane tsa ku magedimong le diphoolwane tsa ho lefaseng.’
5 Ka gore tsowa ke tso Jehova a di hlayang,
‘O sa kene ga ntlo ya gore batho ba gahlanne ga yona ba llisa ke tsa go baba
Fote o sa kene wa segela o lla kela go ba kgomoletsa.’+
‘Ka taba la gore nna ke makiye gore batho bowa ba sa bebe,’ go hlaya Jehova,
‘Fote a ke sa ba nyaka kela go ba kwela go baba.+
6 Ba bagolo le ba banyana ba nyoko kgwela ga naga yowa.
Ba ka sa bolokiwi,
A go na ye a nyoko ba llelang,
Kela wa gore o nyoko tikupanya kela go hluba moriri ka taba la bona.*
7 A go na ye a nyoko neyang bo ba gore baa lla tsa go ja,
A ba kgomoletsa ka taba la batho ba bona bo ba hlokofeleng;
Fote a go na ye a nyoko ba neyang komitši ya wayini gore a thogo ba kgomoletsa
Gore ba nwe mo papa wa bona kela mmane wa bona a hlokofele.
8 Fote o sa kene ga mutši wa gore go na le monyanya
O nyaka go ja nabo kela go nwa nabo.’
9 “Ka gore tsowa ke tso Jehova wa masole, yene Modimo wa Israyele a di hlayang, ‘Mo o kene o sa phela ga poleke yowa, ke nyoko maka gore o bone mo ke maka gore go sa sa kwagala batho ba gore ba jabodiye fote baa hlakela, ke boya ke maka gore go sa sa kwagala lentsu la mokgwenyane le la makoti.’+
10 “Mo o botsa batho bowa dilo tsowa ka mokana ga tsona, ba nyoko go butsisa gore, ‘Ke ntaba Jehova a hlayye dilo tsowa tsa go sasamela gore di re tlele? Anthe Jehova Modimo wa rune re mo sinyele ying se segolo?’+ 11 O ba fetole ka gore, ‘“Nka taba la gore bokokwane ba lune ba njikele,”+ go hlaya Jehova, “fote ba yye mahlong ba rapela medimo ye mengwana, ba yi berekela ba boya ba yi kgotamela.+ Mara nna ba fo njikela, fote ne ba se na taba le melawo yaka.+ 12 Fote le makiye dilo tsa go befa tsa go phala tsa bokokwane ba lune,+ fote ye mongwana le ye mongwana wa lune o tiwomisa hlogo a maka tsa go tšiba ke yene hala le tshwanele le make tso ke le botsang tsona.+ 13 Byalo ke nyoko le raka ga naga yowa ka le yisa ga naga ya gore lune le bokokwane ba lune a le yi tšibi le go yi tšiba,+ fote gana hone le nyoko berekela medimo ye mengwana bošego le motshegare,+ fote nka sa ro le kwela go baba.”’
14 “‘Mara go nyoko tla nako ya gore ba sa sa re: “Solanka Jehova a sa phela, yene wa gore o ntshiye batho ba Israyele ku nageng ya Egepita!”+ go hlaya Jehova. 15 Mara ba nyoko re: “Solanka Jehova a sa phela, yene wa gore o ntshiye batho ba Israyele nageng ya lebowa le ga dinaga ka mokana ga tsona tsa gore ke mo a ba tlalagannye ga tsona!” fote ke nyoko ba busetsa ga naga ya bona ya gore ke mo ke yi neyye bokokwane ba bona.’+
16 ‘Gana byalo ke bitsa batho ba go tlala ba go loba dihlapi,’ go hlaya Jehova,
‘Ba nyoko ba loba.
Ke mokane ka nthago ke nyoko bitsa batho ba go tsoma,
Ke mokane ba nyoko ba tsoma ga thaba ye nngwana le ye nngwana le ga mmoto wo mongwana le wo mongwana
Le ka teng ga makori.
17 Ka gore maahlo yaka ma lebelele se sengwana le se sengwana so ba se makang.
A baa wutama mahlong gaka,
Fote le dilo tso ba di makang tsa go befa ke ya di bona.
18 Ke nyoko thomisa ka go ba patedisa ka matla ka taba la tso ba kekemisiyeng ga tsona le tso ba di sinnyeng,+
Ka taba la gore ba psyirelannye naga yaka ka dilo tso tsa bona tsa go silikisa tsa medimo ya dithombhe tsa gore a di phele
Fote ba tlatsiye naga yaka ka dilo tsa bona tsa go silikisa.’”+
19 Barena Jehova, wene wa gore o nneya matšhika fote ke tisamele ka wene,
Wene wa gore ke tšhabela gago mo di nkgahleletsiye,+
Ditšhaba di nyoko tla gago di tšwa ga dipoleke ka mokana ga tsona tsa lefase,
Ke mokane di nyoko re: “Bokokwane ba rune ba f’lo ya mahlong le setšo sa go rapela medimo ya matsaka,
Dilo tsa go fo re tlo, tsa gore a di thuši ka selo.”+
20 Ayitsano motho a ka re o timakela medimo,
Hala go se yona?+
21 “Ba nyoko ntšiba gabutši,
Gana byalo ke nyoko maka gore ba tšibe matšhika yaka le tso ke kgonang go di segelela,
Fote ba nyoko šinya ba di tšiba gore nna lebitso laka ke nna Jehova.”