Jeremiya
18 Tsowa ke tso Jehova a di butsiyeng Jeremiya, o yitseri: 2 “Tlogamela o ye ntlong ya motho wa go bereka ka botsopa,+ ke mokane gana hone ke nyoko maka gore o kwe mantsu yaka.”
3 Byalo, ke yye mone ntlong ya motho wa go bereka ka botsopa ke mokane ka kraya a maka ditša tsa botsopa. 4 Mara sitša sone sa gore motho yene ne a se maka ka botsopa sa sinyega a kene a se maka. Byalo a maka sitša se sengwana a berekisa botsopa byone, a se maka ka mokgo ne a nyaka se ba ka gona.
5 Ke mokane Jehova a bolabola le nna a re: 6 “‘Lune ba ntlo ya Israyele, ayitsano di ka nšita go le maka tso ye wa go bereka ka botsopa a di makiyeng?’ go hlaya Jehova. ‘Go fo tshwana le mo botsopa bo le matsogong ya motho wa go bereka ka botsopa, le lune le ka mokgonone matsogong yaka, lune ba ntlo ya Israyele.+ 7 Nako ye nngwana le ye nngwana mo ke bolabola ka go tomolanya, go wisanya le go sinyanya setšhaba kela mmušo,+ 8 ke mokane setšhaba sone sa lisetsa go maka dilo tsa go sa loka tso ke bolabodiyeng ka tsona, le nna ke nyoko tšhentšha monagano* ga dilo tsa go sasamela tso ne ke nyoko se leyela tsona.+ 9 Mara nako ye nngwana le ye nngwana mo ke bolabola ka go yaga kela go gaša setšhaba kela mmušo, 10 ke mokane sa maka dilo tsa go befa mahlong gaka sa boya sa sa theetsele lentsu laka, ke nyoko tšhentšha monagano waka* ga dilo tsa gabutši tso ne ke nyoko se makela tsona.’
11 “Gana byalo ke kgopela o botse banna ba Juda le batho bo ba dulang Jerusalema o re, ‘Tsowa ke tso Jehova a di hlayang: “Ke nna yewa ke lukiselela go le leyela tsa go sasamela le go polana gore ke nyoko le wolola ka mokgo mang. Sokologaneng barena ga dilo tsa go befa tso le di makang, tšhentšhaneng maphelelo ya lune le ka mokgo le makang dilo.”’”+
12 Mara ba yitseri: “Go fo tshwana!+ Ka gore re nyoko fo maka tso re di naganneng, fote ye mongwana le ye mongwana wa rune o nyoko fo maka so pelo yage yi se nyakang.”+
13 Byalo tsowa ke tso di hlayang ke Jehova o re:
“Ke kgopela le butsiseneng ditšhaba tse dingwana gore,
Ke mang ye a kwileng selo sa go tshwana le sowa?
Kgareba ya Israyele yi makiye selo sa go tshosa ka matla.+
14 Ayitsano kapoko ya dithabeng tsa Lebhanoni yi tologa matlapeng ya yona?
Nje meetši ya gore ma yela ma tšwa kgole ma nyoko pshya?
15 Mara batho baka ba nlibele.+
Ka gore ba makela selo sa go sa re selo dihlabelo,+
Fote ba maka gore batho ba bangwana ba phiriketsege, ba boya ba maka gore ba keketlele kgole le pata ya botala,+
Ba sepele ka dipata tsa go bhukulela tsa gore a di sepelege,
16 Gore ke thogo maka gore ye a lebelelang naga ya bona a tšhoge+
Ye mongwana le ye mongwana ye a fetang mone o nyoko lebelela a kene a tšhugiye fote a šikinya le hlogo.+
17 Ke nyoko ba tlalaganya mahlong ga lenaba la bona go fo tshwana le moya wa ka bohlabela.
Fote ka letšatši la mo ba tlela ke tsa go sasamela ke nyoko ba furalela, ba nyoko bona mokolo waka, ba ka sa boni sefahlego saka.”+
18 Ke mokane bona ba re: “Tlanneng, re makeneng polane ya go jikela Jeremiya,+ ka taba la gore maprista ya rune ke wona ya gore ma nyoko ya mahlong ma re botsa ka molawo, fote bo ba go hlalefa ke bona ba gore ba nyoko ya mahlong ba re botsa tso re tshwaneleng go di maka ke mokane baporofeta bona ba nyoko ya mahlong ba re botsa lentsu la Modimo. Byalo tla re bolaboleneng dilo tsa go sa loka ka yene fote tso a di bolabolang re sa di theetsele.”
19 Ntheetsele barena Jehova,
Fote theetsela tso manaba yaka ma di hlayang.
20 Ayitsano maphomela ya dilo tsa gabutši go tshwanele go be dilo tsa go befa?
Ba n’yepele mokoti gore ba thogo mpolaya.+
O sa libale ka mokgo ke yyeng ka yema mahlong gago ke bolabola tsa gabutši ka bona,
Ke nyaka go maka gore o sa sa ba kwatela.
21 Byalo maka gore barwayi ba bona ba bolaye ke tlala,
Fote ba bolayiwe ka sabola.+
Fote maka gore basadi ba bona ba sa sa belega bana fote ba kgwele ke banna.+
Fote o make gore banna ba bona ba kgwe ka malwele ya gore maa bolaya,
Le gore masogana ya bona ma bolayiwe ka sabola mo ma le ntweng.+
22 Maka gore ba kwagale mo ba lla ku mitšing ya bona
Mo o leya masole gore ma ba hlasele ka go yakgoswa.
Ka gore ba yepiye mokoti gore ba thogo ntshwara
Fote go gongwana le go gongwana mo ke sepelang gona ba mpeyele molabo.+
23 Mara wene Jehova,
O tšiba dilo ka moka tso ba mpolaneleng tsona gore ba thogo mpolaya.+
O sa ba tshwarele ga tso ba di sinnyeng,
Fote tso ba di sinnyeng mahlong gago o sa di takisi maahlo.