Hezekiyele
30 Lentsu la Jehova la tla gaka fote, la re: 2 “Morwayi wa motho, porofeta o re, ‘Tsowa ke tso Jehova Morena wa ku Malenghelengheng a di hlayang:
“Gotlaneng le re, ‘Yo nna yoo, letšatši le ye tla!’
3 Ka gore letšatši le thina, eya, letšatši la Jehova le thina.+
Ka letšatši lone go nyoko ba le maru ya gore ma tlemme,+ go ko ba go le nako ya gore ditšhaba di yahludiwe.+
4 Egepita yi nyoko hlasediwa ka sabola, fote Itopiya yi nyoko tšhoga mo batho ba kgwa ku Egepita;
Tso yi ghannyeng ka tsona di nyoko tseyiwa fote go nyoko fela ka difandhiši tsa yona.+
5 Itopiya,+ Puti,+ Ludi le batho ka mokana ga bona ba go tšwa ga ditšhaba tse dingwana,
Le Khabho le barwayi ba naga ya gore ke makiye nayo kwano,*
Ka mokana ga bona ba nyoko bolayiwa ka sabola.”’
6 Tsowa ke tso di hlayang ke Jehova:
‘Bo ba yemang le Egepita le bona ba nyoko bolayiwa,
Fote matšhika ya Egepita yi kganyang ka wona go nyoko fela ka wona.’+
“‘Ba nyoko bolayiwa ka sabola mone nageng, go tlugisela Mighidoli+ go segela Sayine,’+ go hlaya Jehova Morena wa ku Malenghelengheng. 7 ‘Ke nyoko maka gore naga ya bona go be lešupi go phala dinaga tse dingwana, fote ke nyoko maka gore mitši ya bona go be mašupi go phala mitši ye mengwana.+ 8 Ba nyoko di tšiba gore ke nna Jehova mo ke tšhuba Egepita, fote go nyoko fela ka bo ba yemang nayo. 9 Ka letšatši lone ke nyoko roma batho ka dikepe gore ba make gore Itopiya ya gore ya titshepa yi hlagasele; ba nyoko tšhoga ka letšatši lo le tlelang Egepita, ka gore ka nnete le nyoko tla.’
10 “Tsowa ke tso Jehova Morena wa ku Malenghelengheng a di hlayang: ‘Ke nyoko fetsa ka megoba ya batho ba Egepita ka letsogo la Kgoši Nebhukhadhinezara* wa Bhabhilona.+ 11 Yene le masole yage ya go ba le lešidi go phala ya ditšhaba tse dingwana,+ ba nyoko tla ba tl’le fetsa ka naga yone. Ba nyoko ntsha disabola tsa bona ba lwa le Egepita fote ba nyoko bolaya batho ba go tlala mone nageng.+ 12 Ke nyoko maka gore mesela ya nooka ya Nayile+ yi wome fote naga yone ke nyoko yi rekisela batho ba go ba le dipelo tse diphifadu. Ke nyoko maka gore go fele ka naga yone le dilo ka mokana ga tsona tso di leng ga yona ke berekisa batho ba go tšwa ba sepela.+ Nna Jehova ke bolabodiye.’
13 “Tsowa ke tso Jehova Morena wa ku Malenghelengheng a di hlayang: ‘Ke nyoko fetsa ka medimo ya dithombhe ya go silikisa* ka boya ka fetsa ka medimo ya go sa re selo ya Nofe.*+ Go ka sa sa ba le ndhuna nageng ya Egepita, fote ke nyoko maka gore batho ba naga ya Egepita ba tšhoge.+ 14 Ke nyoko maka gore Patherose+ go be lešupi, ka tšhuba Zowane fote ka yahlula No.*+ 15 Ke nyoko kwatela Sini, ya gore ke poleke ya Egepita ya go tšhabela ga yona ya gore yi pasopegiye, ka boya ka fetsa ka batho ba No. 16 Ke nyoko tšhuba Egepita; Sini yi nyoko tšhoga, manaba ma nyoko hlasela naga ya No, fote Nofe* yi nyoko hlasediwa motshegare! 17 Masogana ya Oni* le Pibhesethe ma nyoko bolayiwa ka sabola, fote batho ba mitši yone ba nyoko yisiwa bobhantiting. 18 Letšatši le nyoko fifala ku Tehapanese mo ke roba majoko ya Egepita gana hone.+ Maru ma nyoko mo kogetsa, fote go nyoko fela ka matšhika yage ya ma makang gore a kakole magetla,+ batho ba dimitšaneng tsage ba nyoko yisiwa bobhantiting.+ 19 Ke nyoko yahlula Egepita, fote ba nyoko di tšiba gore ke nna Jehova.’”
20 Ka mongwaga wa bo 11, ka kgwedi ya mathomo, ka letšatši la kašupa la kgwedi yone, lentsu la Jehova la tla gaka la re: 21 “Morwayi wa motho, ke robiye letsogo la Faro kgoši ya Egepita; le ka sa tlemiwi gore le fole kela la bhandišiwa gore le tiyelele la gore le thogo tshwara sabola.”
22 “Byalo, tsowa ke tso Jehova Morena wa ku Malenghelengheng a di hlayang: ‘Ke nna yewa ke lwa le Faro kgoši ya Egepita fote ke nyoko roba matsogo yage,+ lo la go tiyelela le lo la gore le robegiye,+ ka boya ka maka gore sabola yi we letsogong lage.+ 23 Ke mokane ke nyoko tlalaganya Maegepita gare ga ditšhaba ka boya ka maka gore ma sabalale gare ga dinaga.+ 24 Ke nyoko tiyisa matsogo* ya kgoši ya Bhabhilona,+ ka yi tshwarisa sabola yaka,+ fote ke nyoko roba matsogo ya Faro, yene o nyoko gotla ka matla go tshwana le motho wa gore o kgwa mahlong ga yona.* 25 Ke nyoko tiyisa matsogo ya kgoši ya Bhabhilona, mara matsogo ya Faro ma nyoko lelemela; fote ba nyoko di tšiba gore ke nna Jehova mo ke tshwarisa kgoši ya Bhabhilona sabola yaka, fote yona yi nyoko yi berekisa ya lwa le naga ya Egepita.+ 26 Ke mokane ke nyoko tlalaganya Maegepita gare ga ditšhaba ka boya ka maka gore ma sabalale gare ga dinaga,+ fote ba nyoko di tšiba gore ke nna Jehova.’”