Hezekiyele
31 Ka mongwaga wa bo 11, ka kgwedi ya kararo, ka letšatši la mathomo la kgwedi yone, lentsu la Jehova la tla gaka fote, la re: 2 “Morwayi wa motho, botsa Faro kgoši ya Egepita le megoba yo a sepelang nayo+ gore,
‘Ke mang ye mogolo go tshwana nago?
3 Ke mo go na le Leasiriya, mosidara ku Lebhanoni,
Wa go ba le makala ya go bafala go tshwana le lešahla la go ba le morithi, wa gore wo lefiye ka matla;
Ka ho kgakala ga wona ke mo wo segela ku marung.
4 Meetši ma makiye gore wo gole, meetši ya go tšwa didibeng tsa go yisa ma makiye gore wo lefe.
Ke mo wo dukulugele ke didiba mo wo gašiwweng gona;
Mesela ya tsona ke mo yi tšheletsa mehlare ka mokana ga yona ya tšhomong.
5 Ke tsona tso di makiyeng gore wo lefe go phala mehlare ka mokana ga yona ya tšhomong.
Makala ya gona ma yeketsegiye, fote ma gola ma lefa
Ka taba la meetši ya go tlala ya go tšwa didibeng tsa wona.
6 Dinonyane ka mokana ga tsona tsa magedimong di makiye dihlagela makaleng ya wona,
Diphoolwane ka mokana ga tsona tsa hlaga ke mo di tswala ka tlase ga makala ya wona,
Fote ditšhaba ka mokana ga tsona tse dikgolo ke mo di dula ka tlase ga morithi wa wona.
7 Wo yye wa bafala ka matla fote wa ba le makala ya go lefa,
Ka gore midu ya wona ke mo yi ya tlase ga gore go na le meetši ya go tlala.
8 Ke mo go se na mosidara wa go tshwana nawo ku tšhomong ya Modimo.+
Ke mo go se na mohlare wa mojunipha* wa go ba le makala ya go tshwana nawo,
Fote ke mo go se na mehlare ya mophleyini* ya go ba le makala ya go tshwana nawo.
Ku tšhomong ya Modimo ke mo go se na mohlare wa go le beya ga wona ka go bafala.
9 Ke wo makiye gore wo bafale, wo be le matlakala ya go tlala,
Fote ke mo wo nabela ke mehlare ye mengwana ka mokana ga yona ya Edeni, tšhomo ya Modimo wa mannete.’
10 “Byalo, tsowa ke tso Jehova Morena wa ku Malenghelengheng a di hlayang: ‘Ka taba la gore wo* yye wa lefa, wa segela ku marung, wa ba le magetla ka taba la go lefa ga wona, 11 ke nyoko wo neya ye wa go lawola ditšhaba wa go ba le matšhika.+ Yene o nyoko wo wolola, fote nka sa wo yamogele ka taba la tsa go befa tso wo di makang. 12 Batho ba go tšwa ba sepela, ba go ba le lešidi ka matla mo ditšhabeng ba nyoko wo kupa, ba wo šiya ku dithabeng fote matlakala ya wona ma nyoko wela meyeding, makala ya wona ma nyoko ba ma robegiye ka teng ga dinooka tsa mone nageng.+ Batho ba lefaseng ka mokana ga bona ba nyoko tloga morithing wa wona ba wo šiya gana hone. 13 Dinonyane ka mokana ga tsona tsa sebakabakeng di nyoko dula ga kutu ya wona, diphoolwane tsa hlaga ka mokana ga tsona di nyoko dula makaleng ya wona.+ 14 Byalo, go ka sa sa tsoga go na le mohlare wa gore wo thina le meetši wa gore wa lefa kela wa gore wa gola go segela ku marung le gore go sa be le mohlare wa gore wo tšheletsiwa gabutši wa gore wa gola go segela marung. Ka gore mehlare ka mokana ga yona yi nyoko kgwa, yi nyoko fatediwa mo fase go tshwana le batho ba gore baa kgwa, batho ba gore ba yisiwa mokoting.’*
15 “Tsowa ke tso Jehova Morena wa ku Malenghelengheng a di hlayang: ‘Ka letšatši lo wo yang Lebitleng,* ke nyoko maka gore go lliwe. Byalo, ke nyoko kogetsa meetši ya gore maa yisa, ka maka gore dinooka tsa yona di sa sa yela gore meetši ya go tlala ma yeme. Ke nyoko maka gore Lebhanoni yi fifale ka taba la wona, fote ka maka gore mehlare ka mokana ga yona ya mašomong yi pune. 16 Ke nyoko maka gore mo wo wa, modumo wa gona wo make gore ditšhaba di hlagasele mo ke wo yisa Lebitleng* ga batho ka mokana ga bona ba gore ba hlokofele le mehlare ka mokana ga yona ya Edeni,+ mehlare ya gore yi tseyediwa gedimo ya Lebhanoni, yona ya gore yi tšheletsiwa gabutši, di nyoko kgomoletsiwa ka tlase ga mobu. 17 Di nyoko ya Lebitleng* naye ga bo ba gore ba ba bolayye ka sabola,+ le ba gore ne ba yema naye ba gore ne ba phela ka tlase ga morithi wage ku ditšhabeng.’+
18 “‘Ke wofeng mohlare wa Edeni wa gore ke mo wo gadima fote wo le wo mogolo go tshwana nago?+ Mara ka nnete wene o nyoko wisediwa ka tlase ga mobu le mehlare ya Edeni. O nyoko ba gare ga bo ba gore a baa bollwa, bo ba gore ba bolayiwwe ka sabola. Tsowa di nyoko makegela Faro le masole yage ka mokana ga wona,’ go hlaya Jehova Morena wa ku Malenghelengheng.”