Hezekiyele

10 Mo nkene ke lebelele, ka kgakala ga sebakabaka sa gore ne se le ka gedimo ga dihlogo tsa makerubi ka bona selo sa go tshwana le letlapa la safaya se nyarela ka kgakala ga wona, mo o se lebelele ne nkare ke setulo sa go lawola.+ 2 Ke mokane a botsa monna yela wa gore ke mo a yapere dikobo tsa linene+ gore: “Kena gare ga mabilo,+ ka tlase ga makerubi, o tlatse matsogo yago ka magala ya go fisa+ ya gore ma tšwa gare ga makerubi ke mokane o ma tšitlanye ho mutšing.”+ Byalo a kena nkene ke lebelele.

3 Makerubi yane ke mo ma yemme ka letsogong la go ja la tempele mo monna yene a kena, liru la tlatsa lapa la ka teng. 4 Go gadima ga Jehova+ gwa yinuga go tloga ku ga makerubi gwa ya monyako wa tempele, liru lone la fo ya le tlala ka ho tempeleng,+ lapa lone ke mo le khannye ka matla le khanyisiye ke go gadima ga Jehova. 5 Modumo wa mafafela ya makerubi yane ke mo wo kwagala ka ku lapeng la ka tawong, fote ke mo wo tshwana le lentsu la Modimo wa Matšhika ka Moka mo a bolabola.+

6 Ke mokane a botsa monna yela wa gore ke mo a yapere dikobo tsa linene gore: “Tseya mollo hala gare ga mabilo, gare ga makerubi,” ke mokane a kena a yema thina le lebilo. 7 Ke mokane lekerubi le lengwana la wololela letsogo la lona hala mollong wa gore ke mo wo le gare ga makerubi.+ La tseya mollo la wo beya matsogong ya ye wa gore ke mo a yapere dikobo tsa linene,+ yene a wo tseya a sepela. 8 Ka tlase ga mafafela ya makerubi yane ke mo go na le dilo tsa nkare ke matsogo ya batho.+

9 Mo nkene ke lebelele, ka bona kanne ya mabilo thina le makerubi, thina le lekerubi le lengwana le le lengwana ke mo go na le lebilo, fote mabilo yane ke mo ma šupa ma gadimela go tshwana le letlapa la khrisolayiti.+ 10 Mo o ma lebelele ma le kanne ke mo ma tshwana, ke mo di šupa nkare lebilo le lengwana le ka teng ga le lengwana. 11 Mo ma sepela, ke mo ma kgona go ya ka nthoko ye nngwana le ye nngwana ma sa jiki, ka taba la gore ke mo ma ya mo hlogo ya lekerubi yi libiyeng gona ma sa jiki. 12 Mmele wa makerubi, mekolo ya wona, matsogo ya wona le mafafela ya wona ke mo ma na le maahlo go ma dukulugela, thina le makerubi yane ke mo go na le mabilo ya gore ma na le maahlo go ma dukulugela.+ 13 Ka kwa lentsu le yahlamela le bolabola le mabilo yala le re, “Mabilo, sepelaneng!”

14 Lekerubi le lengwana le le lengwana ke mo le na le kanne ya difahlego. Sefahlego sa mathomo ke mo go le sa lekerubi, sa mabedi ke mo go le sa motho, sa kararo ke mo go le sa tawu ke mokane sa kanne ke mo go le sa kgwenyepi.*+

15 Makerubi yane ke mo ma yinuga⁠—ke mo go le mangeloyi yala ke ma bonneng nookeng ya Khebhara+⁠— 16 mo makerubi yane ma sepela, mabilo yane ke mo ma sepela nthoko ga wona; fote mo makerubi yane ma phurrwa gore ma be kgakala ga lefase, mabilo yane ke mo ma sa jiki kela go tloga nthoko ga wona.+ 17 Mo makerubi yane ma yema ma sa thogathoge, mabilo yane ke mo ma fo re tsii; mo ma tloga, mabilo yane ke mo ma tloga nawo, ka gore moya wo ne wo bereka ga mangeloyi yane ke mo wo le ga mabilo yane.

18 Ke mokane go gadima ga Jehova+ gwa tloga hala go keniwang gona tempeleng, gwa yema go sa thogathoge ka kgakala ga makerubi.+ 19 Byalo, makerubi ma yemisa mafafela ya wona, ma tloga lefaseng nkene ke lebelele. Mabilo yane ke mo ma le ka nthoko ga mangeloyi yane mo ma tloga. Ma yema mo go keniwang gona gheyiting ya ka nthoko ya bohlabela ya tempele ya Jehova, fote go gadima ga Modimo wa Israyele ke mo go le ka kgakala ga wona.+

20 Yawa ke mo go le mangeloyi ya ke ma bonneng ma le ka tlase ga Modimo wa Israyele hala nookeng ya Khebhara,+ ka napa ke di tšiba gore ke makerubi. 21 Ka mokana ga wona, kanne ya wona ke mo ma na le kanne ya difahlego, kanne ya mafafela fote ka tlase ga mafafela ya wona ke mo go na le dilo tsa nkare ke matsogo ya batho.+ 22 Fote difahlego tsa wona ne di tshwana le difahlego tso ke di bonneng nookeng ya Khebhara.+ Ka mokana ga wona ke mo ma fo sepela ma yitseri thwi ma ya mo ma libiyeng gona.+