Hezekiyele

14 Fote banna ba bangwana ba bagolo ba Israyele ba tla ba dula mahlong gaka.+ 2 Ke mokane lentsu la Jehova la tla gaka, la re: 3 “Morwayi wa motho, banna bowa ba tikemisele go latelela medimo ya bona ya dithombhe ya go silikisa,* fote ba makiye sa go phiriketsa batho gore ba sinye. Ayitsano di nyaka ke ba fetola mo ba butsisa?+ 4 Byalo, bolabola nabo o ba botse gore, ‘Tsowa ke tso Jehova Morena wa ku Malenghelengheng a di hlayang: “Mo nkare Leisrayele le tikemisele go latelela medimo ya lona ya go silikisa fote la maka sa go phiriketsa batho gore ba sinye ke mokane la tla le tl’le butsisa moporofeta, nna Jehova ke nyoko le fetola ka mokgo di le tshwaneleng go ya ka gore medimo ya lona ya go silikisa yi tlele go segela kaye. 5 Ka gore ke nyoko maka gore batho ba ntlo ya Israyele ba tšhoge ka taba la gore ba njikele ba latelela medimo ya bona ya dithombhe ya go silikisa.”’+

6 “Byalo, botsa batho ba ntlo ya Israyele gore, ‘Tsowa ke tso Jehova Morena wa ku Malenghelengheng a di hlayang: “Boyaneng, lisetsaneng medimo ya lune ya dithombhe ya go silikisa fote le sa sa maka dilo tso ne le di maka tsa go silikisa.+ 7 Ka gore mo Leisrayele kela motho wa go tšwa a sepela wa gore o dula Israyele a ka njikela, a tikemisela go latelela medimo yage ya dithombhe ya go silikisa fote a maka sa go phiriketsa batho gore ba sinye ke mokane a tla a tl’le butsisa moporofeta waka,+ nna Jehova ke nyoko mo fetola. 8 Ke nyoko ba lenaba la motho yene, ke nyoko maka gore tso ke mo makang tsona go be mošupetso ga ba bangwana fote ke nyoko maka gore ba bangwana ba mo kwere, ke nyoko mo tlosa ho bathong baka;+ fote le nyoko di tšiba gore ke nna Jehova.”’

9 “‘Mara mo moporofeta yene di ka mo tlonya a fetola, o ko ba a makiye ke nna Jehova gore di mo tlonye.+ Ke nyoko wolola letsogo laka ka fetsa ka yene mo bathong baka ba Israyele. 10 Di nyoko nyaka ba yemele maphomela ya tso ba di sinnyeng; molato wa ye wa go butsisa wo nyoko fo tshwana le wa moporofeta yene, 11 gore ba ntlo ya Israyele ba lisetse go keketlela kgole le nna fote ba lisetse go tithilafatsa ka dilo ka mokana ga tsona tso ba sa di makeng gabutši. Ba nyoko ba batho baka, fote ke nyoko ba Modimo wa bona,’+ go hlaya Jehova Morena wa ku Malenghelengheng.”

12 Lentsu la Jehova la tla gaka fote la re: 13 “Morwayi wa motho, mo batho ba nageng ba ka sa tshepege gaka, ba nsinyela, ke nyoko wolola letsogo laka ka lwa nabo, ka maka gore ba sa sa ba le tsa go ja,+ go be le tlala,+ fote ka maka gore go sa sa ba le batho le diphoolwane mone ga yona.”+ 14 “‘Le mo banna bowa kararo ya bona⁠—Nnowa,+ Daniyele+ le Jobo+⁠—ne ba ka ba ba le ga yona, ne ba nyoko fo tiphonisa bona beng ba ntoši ka taba la gore ba lukiye,’+ go hlaya Jehova Morena wa ku Malenghelengheng.”

15 “‘Kela tla re fo re ke maka gore diphoolwane tsa hlaga tsa go tshosa di fete hone nageng, di bolaye batho ba go tlala hone ga yona fote di make gore yi šale go le lešupi, go sa sa feta motho ka taba la diphoolwane tsa hlaga.+ 16 Solanka ke sa phela,’ go hlaya Jehova Morena wa Malenghelengheng, ‘le mo banna bowa kararo ya bona ba ka ba ba le hone nageng, ba ka sa di kgone go phonisa le mong barwayi ba bona kela barwediya ba bona; ne ba nyoko fo kgona go tiphonisa, fote naga yone go nyoko ba lešupi.’”

17 “‘Kela tla re fo re ke leyela naga yone sabola,+ ka re: “Go fete sabola ho nageng,” ke mokane ya maka gore go sa sa ba le batho le diphoolwane mo ga yona,+ 18 le mo banna bowa kararo ya bona ba ka ba ba le hone nageng, solanka ke sa phela,’ go hlaya Jehova Morena wa ku Malenghelengheng, ‘ba ka sa di kgone go phonisa le mong barwayi ba bona kela barwediya ba bona; ne ba nyoko fo kgona go tiphonisa.’”

19 “‘Kela tla re fo re ke leya bolwele bya go tshosa hone nageng,+ ka falatsa madi gore ke thogo fetsa ka batho le diphoolwane hone ga yona go šupetsa gore ke kwatiye ka matla, 20 le mo Nnowa,+ Daniyele+ le Jobo+ ne ba ka ba ba le ga yona, solanka ke sa phela,’ go hlaya Jehova Morena wa ku Malenghelengheng, ‘ne ba ka sa di kgone go phonisa le mong barwayi ba bona kela barwediya ba bona; ne ba nyoko fo kgona go tiphonisa ka taba la gore ba lukiye.’”+

21 Ka gore tsowa ke tso Jehova Morena wa Malenghelengheng a di hlayang: ‘Go nyoko fo ba ka mokgonone mo ke leya kanne ya dilo tsa go sasamela+⁠—sabola, tlala, phoolwane ya hlaga ya go tshosa le bolwele bya go tshosa+⁠—ke di leya Jerusalema gore ke fetse ka batho le diphoolwane mo ga yona.+ 22 Mara ba bangwana ba gore ba šele ho ga yona ba nyoko phona ba tšwa,+ barwayi le barwediya. Ba tla ga lune, fote mo le bona mekgwa ya bona le tso ba di makiyeng le nyoko kgomoletsega ga dilo tsa go sasamela tso ke di leyeleng Jerusalema, ga dilo ka mokana ga tsona tso ke yi makiyeng tsona.’”

23 “‘Di nyoko le kgomoletsa mo le bona mekgwa ya bona le tso ba di makiyeng, fote le nyoko di tšiba gore dilo tso ke di makiyeng ga yona a ke ya f’lo di maka nje,’+ go hlaya Jehova Morena wa ku Malenghelengheng.”