Hezekiyele

16 Lentsu la Jehova la tla gaka fote, la re: 2 “Morwayi wa motho, botsa Jerusalema ka dilo tsa go silikisa tso a di makang.+ 3 O mmotse gore, ‘Tsowa ke tso Jehova Morena wa ku Malenghelengheng a di botsang Jerusalema: “Wene o tšwa nageng ya Kanana fote o belegediwwe gona. Papago ke mo go le Leamore,+ mmane wago go le Lehethe.+ 4 Nakwela o belegiwa, khubana yago a baa yi kupa, a baa go hlapisa ka meetši gore o yele, a baa go šihla ka letswayi fote a baa go phutela ka malapi. 5 A go na ye a go kweleng go baba gore a ka go makela dilo tsone. A go na ye a go kweleng lešoko. Mara ba go bošele hlageng ka gore ba go hloyye go tlugisela ka letšatši lo o belegiwweng ka lona.

6 “‘“Mo ke feta, ke go bonne o ragaraga mading yago, mo o kene o yetsele hone mading yago, ke yitseri: ‘O nyoko phela!’ Eya, mo o kene o yetsele mading yago ke yitseri: ‘O nyoko phela!’ 7 Ke makiye gore o tlale ka matla go tshwana le dimilane tsa gore di thunya ku mašahleng, o gudiye, wa yapara dilo tsa go bafala tsa go tikgabisa. O thomisiye go thuka matswele, fote moriri wago wa gola; mara ke mo o kene o sa tšwara fote ba go bonela.”’

8 “‘Mo ke feta fote ke go bona, ke di bonne gore o mengwageng ya gore o ka kgetisiwa. Byalo, ka phurulla kobo yaka gore ke go yapese+ gore ba sa go bonele, ka go tshepisa ka boya ka maka kwano nago,’ go hlaya Jehova Morena wa ku Malenghelengheng, ‘fote wene wa ba wa gaka. 9 Go tokegela gana hone, ke go hlapisiye ka meetši, ka tlosa madi ya ma leng mmeleng wago ka boya ka go tlotsa makgura.+ 10 Ke mokane ka go yapesa dikobo tsa gore di kgabisiwwe, ka go fa dimphašane tsa mokgopa wa gore ke mong wona,* ka go phutela ka llapi la linene ya gore ke mong yona fote ka go yapesa dikobo tsa go tura. 11 Ke go kgabisiye ka tsa go tikgabisa, ka go yapesa mabhengere ho matsogong le nekleyisi ho molaleng. 12 Ke go tšhediye le lereni ho nkong, ka go yapesa mareni ho ditsebeng ka boya ka go yapesa fapo ya go bafala ho hlogong. 13 Ke mo o fo dula o tikgabisiye ka gholdi le silva, o yapara dikobo tsa linene ya gore ke mong yona, tsa malapi ya go tura le tsa gore ba di kgabisele. Ke mo o ja folawa ya gore ke mong yona, mamapo le makgura, wa gola wa bafala ka matla+ wa boya wa tshwanelega gore o be ga mayemo ya ka bogošing.’”

14 “‘O thomisiye go tuma ditšhabeng+ ka taba la gore o bafele, ke mo go se na mabafalelo ya gore ma ka phala yago ka gore ke go gadimisiye,’+ go hlaya Jehova Morena wa ku Malenghelengheng.”

15 “‘Mara wa thomisa go titshepa ka matla ka taba la gore o bafele,+ wa thomisa go rekisa mmele ka taba la gore o tumme.+ Ke mo o yetsela le motho ye mongwana le ye mongwana ye a fetang,+ fote o tineyele ga bona. 16 O tsere dikobo tsago tse dingwana wa kgabisa dipoleke tsago tsa kgakala ga gore o rekisa mmele gona+⁠—dilo tsa mošaga wone a di ya tshwanela di makege, fote di sa tsoge di makegiye. 17 O tsere le dilo tsago tsa go tikgabisa ka tsona tsa go bafala tsa gore di makiwwe ka gholdi le silva tso ke go neyyeng tsona, wa timakela dithombhe tsa banna ka tsona fote wa tineyela ga tsona.+ 18 O tsere dikobo tsago tsa gore di kgabisiwwe wa di yapesa dithombhe* tsone, fote wa di neya makgura yaka le dilo tsaka tsa go nkgela.+ 19 O tsere le sekgwa so ke go neyyeng sona⁠—sa gore se makiwwe ka folawa ya gore ke mong yona, makgura le mamapo tsa gore ke go neyye tsona gore o je⁠—wa di makela dihlabelo tsa go nkgela.+ Ke tso di makegiyeng,’ go hlaya Jehova Morena wa ku Malenghelengheng.”

20 “‘O tsere barwayi le barwediya bago ba gore o mpelegele bona,+ wa makela medimo ya dithombhe dihlabelo ka bona+⁠—bonghwahla byo o bo makiyeng ne go le dinyana akere? 21 O bolayye barwayi baka, wa maka dihlabelo ka bona ka go ba fitisa mollong.+ 22 Mo o kene o maka dilo tso tsago tsa go silikisa ka mokana ga tsona le bonghwahla byago, a wa gopola matšatši ya mo o sa gola nakwela o sa tšwara fote ba go bonela, o ragaraga mading yago. 23 O ko tikweleng, o ko tikweleng,+ ka gore o makiye dilo tsowa tsa go befa ka mokana ga tsona,’ go hlaya Jehova Morena wa ku Malenghelengheng. 24 ‘O timakele poleke ya go rapela medimo ya dithombhe ga yona, wa timakela le dipoleke tsa kgakala go gongwana le go gongwana mo batho ba gahlanelang gona. 25 O yagiye dipoleke tsago tsa kgakala ga dipoleke tsa gore di tseyediwa gedimo pateng ye nngwana le ye nngwana, wa maka gore go bafala gago go be selo sa go silikisa ka go tineyela* ga motho ye mongwana le ye mongwana ye a fetang,+ fote a wa lisetsa go maka bonghwahla.+ 26 O makiye bonghwahla le barwayi ba Egepita,+ bayagelane bago ba gore ba fo dula ba nabela go maka tsa ka mapaying, fote wa nkwatisa ka go fo dula o maka bonghwahla o sa fetsi. 27 Byalo, ke nyoko wolola letsogo laka ka lwa nago, ka maka gore o sa sa ba le tsa go ja,+ ke nyoko lisetsa basadi ba gore ba go hloyye ba maka so ba se nyakang ka wene,+ barwediya ba Mafilisita ba gore ke mo ba tšebisa ke tso o di makang tsa go tšwa pateng.+

28 “‘Mara ka taba la gore ke mo o sa kgotsofale, o makiye bonghwahla le barwayi ba Asiriya,+ mara le ka nthago ga gore o make bonghwahla nabo a wa kgotsofala. 29 Byalo, o yeketsiye bonghwahla byago go segela nageng ya Kanana le ga Makhaladiya,+ mara le ka nako yonone a wa kgotsofala. 30 O nkwatisiye ka matla,’ go hlaya Jehova Morena wa ku Malenghelengheng, ‘mo o maka dilo tsowa ka mokana ga tsona, o titshwere go tshwana le nghwahla ya gore a yi tšebi le go tšeba!+ 31 Mara nakwela o timakela poleke ya go rapela medimo ya dithombhe ga yona dipolekeng tsa go tseyediwa gedimo ga pata ye nngwana le ye nngwana o boya o timakela dipoleke tsa kgakala go gongwana le go gongwana mo batho ba gahlanelang gona, ke mo o sa tshwane le motho wa go rekisa mmele ka gore o ganne mo ba go patela. 32 Ke wene mosadi wa go maka bonghwahla, wa gore o lisetsa monnage, a yetsela le batho ba gore aa ba tšibi!+ 33 Batho ba neya bo ba go rekisa mmele dilo,+ mara ka mokana ga bona bo ba nabelang go maka bonghwahla nago ke wene o ba neyang dilo,+ o ro ba reka gore ba tle ba make bonghwahla nago ba tšwa ga dipoleke ka mokana ga tsona.+ 34 Wene a o tshwane le basadi ba bangwana ba gore ba rekisa mmele. A go na ye a makang bonghwahla go tshwana nago! O patela ba bangwana, fote bona a ba go patele. A o make ka mokgo ba bangwana ba makang ka gona.’

35 “Byalo, theetsela tso Jehova a di hlayang, wene wa go rekisa mmele.+ 36 Tsowa ke tso Jehova Morena wa ku Malenghelengheng a di hlayang: ‘Ka taba la gore o šupetsiye gore o nabela ka matla go maka bonghwahla le ka gore o šele o sa tšwara mo o maka bonghwahla le bo o kwanang nabo le medimo yago ka mokana ga yona ya dithombhe ya go silikisa*+ ya gore o yi makele le dihlabelo ka madi ya barwayi bago,+ 37 byalo ke kgobaketsa bo o kwanang nabo ka mokana ga bona ba gore o ba jabodisiye, ka mokana ga bona ba gore ne o kwana nabo le ka mokana ga bona ba gore ne o ba hloyye. Ke nyoko ba kgobaketsa go tšwa dipolekeng ka mokana ga tsona gore ba lwe nago fote ka tlerolanya dikobo tsago mahlong ga bona ke mokane ba nyoko go bonela.+

38 “‘Ke nyoko go wolola ka mokgo go wolodiwang dinghwahla+ le basadi ba go falatsa madi,+ ke nyoko maka gore ba falatse madi yago ba fufulele fote ba go jelasela.+ 39 Ke nyoko go lisetsa ba go hlula, fote ba nyoko phušullanya memmoto yago, ba wisanya dipoleke tsago tsa kgakala;+ ba go yapola dikobo tsago,+ ba tseya le dilo tsago tsa go tikgabisa ka tsona tsa go bafala,+ ba nyoko go šiya o sa tšwara o fo ba o yitsa. 40 Ba nyoko maka gore mogoba wa batho wo go hlasele,+ fote ba nyoko go pshyaya ka matlapa+ ba boya ba go bolaya ka disabola tsa bona.+ 41 Ba nyoko tšhuba dintlo tsago ka mollo,+ ba nyoko go yahlula mahlong ga basadi ba go tlala; ke nyoko maka gore o sa sa rekisa mmele fote batho bo ba tlang gago gore ba make bonghwahla+ nago o ka sa sa ba patela. 42 Nka sa sa fufulela ka taba lago,+ fote nka sa sa go kwatela;+ ke nyoko kgiba, nka sa sa kwata.’

43 “‘O nkwatisiye ka go maka dilo tsowa ka mokana ga tsona ka taba la gore a wa gopola matšatši ya mo o sa gola,+ ke nyoko go leyela maphomela ya tso o di makiyeng fote o ka sa sa maka dilo tsa go tšwa pateng le dilo ka mokana ga tsona tso ne o di maka tsa go silikisa,’ go hlaya Jehova Morena wa ku Malenghelengheng.

44 “‘Bona! Ye mongwana le ye mongwana ye a berekisang diyema o nyoko berekisa seyema sowa gago: “Morwediya yewa, o f’lo re di ngoo tsa mmane wage!”+ 45 O tshwana le mmane wago wa gore o hloyye monnage le bana bage. Fote o tshwana le bosesi bago ba gore ba hloyye banna ba bona le bana ba bona. Mmane wago ke mo go le Lehethe fote papago ke mo go le Leamore.’”+

46 “‘Sesi wago ye mogolo ke Samariya+ wa gore o dula le barwediya*+ bage ka letsogong lago la mpata, fote sesi wago ye monyana ke Sodoma+ wa gore o dula le barwediya+ bage ka letsogong lago la go ja. 47 Ke mo o sa fo sepela nabo o maka dilo tsa go silikisa tso ba di makang, mara ka senakonyana ke mo o šele o sinya ka matla go ba phala.+ 48 Solanka ke sa phela,’ go hlaya Jehova Morena wa ku Malenghelengheng, ‘sesi wago Sodoma le barwediya bage a baa di maka tso wene le barwediya bago le di makiyeng. 49 Tsowa ke tso sesi wago Sodoma a kekemisiyeng ga tsona: Yene le barwediya+ bage ke mo ba na le magetla,+ ke mo ba na le tsa go ja tsa go tlala+ fote ba tiketliye;+ mara ke mo ba sa gelepe batho ba go kgahleletsega le ba go tihlupegela.+ 50 Ba f’lo ya mahlong ba na le magetla+ fote ba maka dilo tsa go silikisa mahlong gaka,+ byalo ke bonne di nyakega gore ke fetse ka bona.+

51 “‘Ga dilo tsa go tlala tso o di sinnyeng, Samariya+ a ya maka le mong hafo ya tsona. O f’lo ya mahlong o maka gore dilo tsa go silikisa tso o di makang di fo ya di tlala go phala tsa bona la go šinya bosesi bago ba bonala nkare ba lukiye ka taba la dilo ka mokana ga tsona tsa go silikisa tso o di makang.+ 52 Byalo, di yemele ka taba la gore o makiye gore tso bosesi bago ba di makang di bonale nkare di kawone. Ba lukiye go go phala ka gore tso o di sinnyeng di silikisa ka matla go phala tsa bona. Nkare o ka tšeba fote wa šala o poyilegiye ka gore o makiye gore bosesi bago ba bonale nkare ba lukiye.’

53 “‘Fote ke nyoko kgobaketsa mabhantiti ya bona, mabhantiti ya go tšwa Sodoma le barwediya ba yona le mabhantiti ya go tšwa Samariya le barwediya ba yona; ke nyoko kgobaketsa le mabhantiti yago ya gore ma nabo,+ 54 o nyoko šala o tšebiye; o nyoko tšeba ka taba la gore o ba kgomoletsiye. 55 Bosesi bago, Sodoma le Samariya le barwediya ba bona, ba nyoko boyela ba ba ka mokgo ne ba le ka gona, fote le wene le barwediya bago le nyoko boyela la ba ka mokgo ne le le ka gona.+ 56 Nakwela o sa kakodiye magetla, sesi wago Sodoma ne o sa bolabole le go bolabola ka yene, 57 nakwela di soko ba lekgwaying gore o maka tsa go befa.+ Gana byalo barwediya ba Siriya le bayagelane ba bona baa go poyila, fote barwediya ba Mafilisita,+ ka mokana ga bona bo ba go dukulugeleng, baa go kwera. 58 O nyoko tlela ke maphomela ya dilo tso o di makiyeng tsa go tšwa pateng le tsa gore di ya silikisa,’ go hlaya Jehova.”

59 “Ka gore tsowa ke tso Jehova Morena wa ku Malenghelengheng a di hlayang: ‘Gana byalo ke nyoko go maka tso o di makiyeng,+ ka gore tso re tshepisanneng tsona o di tseyele fase, a wa maka ka mokgo re kwanneng.+ 60 Mara nna a ke ya libala tso re kwanneng ka tsona nakwela o sa gola, fote ke nyoko maka kwano ya go ya go yye nago.+ 61 O nyoko gopola tso o di makiyeng wa tšeba+ mo o yamogela bosesi bago, ba bagolo gago le ba banyana gago fote ke nyoko go neya bona gore go be barwediya bago, mara tsotsone nka sa di makisi ke kwano yo ke yi makiyeng nago.’

62 “‘Nna ke nyoko maka kwano nago; fote o nyoko di tšiba gore ke nna Jehova. 63 Ke mokane o nyoko gopola wa tšeba le go bula molomo ka taba la gore o ko ba o poyilegiye,+ mo ke go tshwarela le mo o na o makannye dilo tsowa ka mokana ga tsona,’+ go hlaya Jehova Morena wa ku Malenghelengheng.”