Hezekiyele

20 Byalo, ka mongwaga wa kašupa, ka kgwedi ya kapheta, ka letšatši la lesome la kgwedi yone, banna ba bangwana ba bagolo ba Israyele ba tla ba dula mahlong gaka gore ba butsise Jehova. 2 Ke mokane lentsu la Jehova la tla gaka la re: 3 “Morwayi wa motho, bolabola le banna ba bagolo ba Israyele, o ba botse gore, ‘Tsowa ke tso Jehova Morena wa ku Malenghelengheng a di hlayang: “Ayitsano le tl’le kwa gore nna ke re king? ‘Solanka ke sa phela, nka sa le fetole,’+ go hlaya Jehova Morena wa ku Malenghelengheng.”’

4 “Ayitsano o nyoko ba yahlula? Ayitsano o nyoko ba yahlula, wene morwayi wa motho? Maka gore ba tšibe dilo tsa go silikisa tso bokokwane ba bona ba di makiyeng.+ 5 Ba botse gore, ‘Tsowa ke tso Jehova Morena wa ku Malenghelengheng a di hlayang: “Ka letšatši lo ke hlawodiyeng Israyele,+ ke tshepisiye le ditlogolwane* tsa ntlo ya Jakobo fote ke makiye gore ba ntšibe ku nageng ya Egepita.+ Eya, ke tshepisiye ka re, ‘Ke nna Jehova Modimo wa lune.’ 6 Ka letšatši lone, ke ba tshepisiye gore ke nyoko ba ntsha nageng ya Egepita ka ba yisa nageng yo ke ba nyakeleng yona, naga ya gore yi yela lebese le mamapo.+ Ke mo yi bafele go phala dinaga ka mokana ga tsona. 7 Ke mokane ke yitseri ga bona, ‘Di nyaka ye mongwana le ye mongwana wa lune a lahle dilo tsa go silikisa tsa gore di mahlong ga lune; le sa tithilafatse ka medimo ya dithombhe ya go silikisa* ya Egepita.+ Ke nna Jehova Modimo wa lune.’+

8 “‘“Mara ba ntšhighele fote ke mo ba sa nyake go ntheetsela. A baa lahla dilo tsa go silikisa tso ne di le mahlong ga bona, fote ke mo ba sa nyake go lisetsa medimo ya dithombhe ya go silikisa ya Egepita.+ Byalo ka tshepisa gore mo ba kene ba le nageng ya Egepita, ke nyoko ba šupetsa gore ke ba kwatele ka matla le gore ba makiye gore ke fufulele. 9 Mara ka titshwara ka taba la lebitso laka gore le sa thilafatsiwi mahlong ga ditšhaba tso ne ba dula gare ga tsona.+ Ka gore ke makiye gore ba* ntšibe mahlong ga ditšhaba nakwela ke ba* ntsha nageng ya Egepita.+ 10 Byalo, ka ba ntsha nageng ya Egepita, ka ba yetetsa gore ba ye mašahleng.+

11 “‘“Ke mokane ka ba neya melawo yaka fote ka maka gore ba tšibe mokgwa waka wa go yahlula,+ tsa gore mo motho a ka di latelela o nyoko phela ka taba la tsona.+ 12 Ke ba neyye le disabatha tsaka+ gore go be mošupetso gare gaka le bona,+ gore ba di tšibe gore nna Jehova ke nna ye a makang gore ba hlawolege.

13 “‘“Mara batho ba ntlo ya Israyele ba ntšhinghele ku mašahleng.+ A baa theetsela melawo yaka fote ba ganne mokgwa waka wa go yahlula, tsa gore mo motho a ka di latelela o nyoko phela ka taba la tsona. Ba thilafatsiye disabatha tsaka. Byalo ka tshepisa gore ke nyoko ba šupetsa gore ke ba kwatele ka matla hala mašahleng gore ke fetse ka bona.+ 14 Mara ka titshwara ka taba la lebitso laka gore le sa thilafatsiwi mahlong ga ditšhaba, ditšhaba tsa gore ke ba* ntshiye Egepita di kene di lebelele.+ 15 Fote ke ba tshepisiye ku mašahleng gore nka sa ba yisi ga naga ya gore ke ba neyye yona+⁠—naga ya gore yi yela lebese le mamapo,+ ya gore yi bafele go phala dinaga ka mokana ga tsona⁠— 16 ka taba la gore ba ganne mokgwa waka wa go yahlula, a baa theetsela melawo yaka, fote ba thilafatsiye disabatha tsaka, ka gore dipelo tsa bona ke mo di le ga medimo ya bona ya dithombhe ya go silikisa.+

17 “‘“Mara ke ba kwele go baba, a ke ya fetsa ka bona; a ke ya ba bolaya ku mašahleng. 18 Ke butsiye barwayi ba bona ku mašahleng+ gore, ‘Le sa makeneng tso bokokwane ba lune+ ba di makiyeng kela la latelela mokgwa wa bona wa go yahlula kela la tithilafatsa ka medimo ya bona ya dithombhe ya go silikisa. 19 Ke nna Jehova Modimo wa lune. Theetselaneng melawo yaka, le latelele mekgwa yaka ya go yahlula fote le di ngangarele.+ 20 Fote le make gore disabatha tsaka di hlawolege,+ go nyoko ba mošupetso gare gaka le lune gore le di tšibe gore ke nna Jehova Modimo wa lune.’+

21 “‘“Mara barwayi ba bona ba thomisiye go ntšhinghela.+ A baa theetsela melawo yaka, fote a baa berekisa mokgwa waka wa go yahlula, tsa gore mo motho a di latelela o nyoko phela ka taba la tsona. Ba thilafatsiye disabatha tsaka. Byalo ka tshepisa gore mo ba kene ba le ku mašahleng ke nyoko ba šupetsa gore ke ba kwatele ka matla le gore ba makiye gore ke fufulele.+ 22 Mara ka titshwara+ ka taba la lebitso laka+ gore le sa thilafatsiwi mahlong ga ditšhaba, ditšhaba tsa gore ke ba* ntshiye Egepita di kene di lebelele. 23 Fote ke ba tshepisiye ku mašahleng gore ke nyoko maka gore ba tlalagane gare ga ditšhaba ka boya ka maka gore ba tlalagane dinageng,+ 24 ka taba la gore ba ganne mokgwa waka wa go yahlula, a baa theetsela melawo yaka,+ ba thilafatsiye disabatha tsaka, fote ke mo ba rapela medimo ya bokokwane ba bona ya dithombhe ya go silikisa.+ 25 Fote ke ba lisetsiye ba latelela melawo ya gore a ya loka ba boya ba berekisa mokgwa wa go yahlula wa gore wo ka sa make gore ba phele.+ 26 Ke ba lisetsiye gore ba thilafatse ke dihlabelo tsa bona beng+⁠—mo ba fitisa matšibula ya bona ka mokana ga wona mollong⁠—gore go fele ka bona, gore ba thogo di tšiba gore ke nna Jehova.”’

27 “Byalo, wene morwayi wa motho, bolabola le ba ntlo ya Israyele o ba botse gore, ‘Tsowa ke tso Jehova Morena wa Malenghelengheng a di hlayang: “Le bokokwane ba lune ba makiye ka mokgonone, ba thilafatsiye lebitso laka ka gore a baa tshepega ho gaka. 28 Ke ba yisiye nageng ya gore ke ba tshepisiye gore ke nyoko ba neya yona.+ Mo ba bona memmoto yela ka mokana ga yona le mehlare ya go ba le matlakala ya go tlala,+ ba thomisa go maka dihlabelo tsa bona, dihlabelo tsa bona tsa gore a di njabodisi. Gana hone ba makiye dihlabelo tsa bona tsa go nkgela fote ba falatsa dihlabelo tsa bona tsa go nwiwa. 29 Byalo, ka ba butsisa gore, ‘Anthe le yela ying ku polekeng ya kgakala? (Le lekgono lowa ba sa na ba re ke Poleke ya Kgakala.)’”’+

30 “Byalo, botsa ba ntlo ya Israyele gore, ‘Tsowa ke tso Jehova Morena wa ku Malenghelengheng a di hlayang: “Ayitsano le nyoko tithilafatsa go tshwana le bokokwane ba lune ka go rapela medimo ya bona ya dithombhe ya go silikisa le ka go sa tshepege ho gaka?+ 31 Ayitsano le lekgono lowa le sa na le tithilafatsa ka go maka dihlabelo le makela medimo ya lune ka mokana ga yona ya go silikisa, le fitisa barwayi ba lune mollong?+ Ayitsano nka le fetola le kene le maka tsotsone, lune ba ntlo ya Israyele?”’+

“‘Solanka ke sa phela,’ go hlaya Jehova Morena wa Malenghelengheng, ‘nka sa le fetole.+ 32 Fote tso le di naganang mo le re, “Tla re tshwaneneng le ditšhaba tse dingwana, mitši ya dinageng tse dingwana ya gore yi rapela dikwata le matlapa,”+ di ka sa makege.’”

33 “‘Solanka ke sa phela,’ go hlaya Jehova Morena wa ku Malenghelengheng, ‘ke nyoko ba kgoši ya lune, ke nyoko wolola letsogo laka la go ba le matšhika gore ke le wolole, ke nyoko le šupetsa gore ke le kwatele ka matla.+ 34 Ke nyoko wolola letsogo laka la go ba le matšhika, ka le kgobaketsa le tšwa ga dinaga tso ne le tlalaganne ga tsona, ke nyoko šupetsa gore ke fufulele.+ 35 Ke nyoko le yisa mašahleng ya batho, ka le yahlula gana hone re kene re lebeletsanne.+

36 “‘Le lune ke nyoko le yahlula go tshwana le ka mokgo ke yahludiyeng bokokwane ba lune ku mašahleng nageng ya Egepita,’ go hlaya Jehova Morena wa ku Malenghelengheng. 37 ‘Ke nyoko maka gore le fete ka tlase ga thoka ya ye wa go disa+ ka boya ka le tlema gore le make tso di hlayang ke kwano yaka. 38 Mara mo ga lune ke nyoko tlosa bo ba go ba le tšhinghi le bo ba go nsinyela.+ Ka gore ke nyoko ba ntsha nageng ya gore a baa yi tlwayela, mara ba ka sa kene nageng ya Israyele;+ fote le nyoko di tšiba gore ke nna Jehova.’

39 “Mara wene ntlo ya Israyele, tsowa ke tso Jehova Morena wa ku Malenghelengheng a di hlayang: ‘Ye mongwana le ye mongwana a ye a rapele medimo yage ya dithombhe ya go silikisa.+ Mara le di tšibe gore mo le ka sa ntheetsele, go nyoko tla nako ya gore le ka sa sa kgona go thilafatsa lebitso laka la go hlawolega ka dihlabelo tsa lune le ka medimo ya lune ya dithombhe ya go silikisa.’+

40 “Jehova Morena wa ku Malenghelengheng o re: ‘Batho ba ntlo ya Israyele ka mokana ga bona ba nyoko mperekela ba le thabeng yaka ya go hlawolega,+ thabeng ya kgakala ya Israyele.+ Ba nyoko njabodisa ba le gana hone, fote ke nyoko nyaka meneyelo ya lune le diyengwa tsa mathomo tsa dihlabelo tsa lune, dilo tsa lune ka mokana ga tsona tsa go hlawolega.+ 41 Ka taba la monkgo wa go natefa wa dihlabelo tsa lune, ke nyoko le yamogela mo ke le ntsha bathong fote ke le kgobaketsa go tšwa dinageng tso ne le tlalaganne ga tsona;+ ke nyoko le šupetsa gore ke hlawolegiye fote ditšhaba di nyoko di bona.’+

42 “‘Fote le nyoko di tšiba gore ke nna Jehova+ mo ke le yisa nageng ya Israyele,+ naga ya gore ke tshepisiye gore ke nyoko yi neya bokokwane ba lune. 43 Fote gana hone le nyoko gopola ka mokgo ne le titshwere ka gona le dilo ka mokana ga tsona tso le di makiyeng tsa gore le tithilafatsiye ka tsona,+ fote le nyoko kwa le tinyenya ka taba la dilo ka mokana ga tsona tso le di makiyeng tsa go sa loka.+ 44 Ke mokane le nyoko di tšiba gore ke nna Jehova mo ke le makela dilo tsowa, nka sa di make ka taba la lune mara ke nyoko di maka ka taba la lebitso laka,+ nka sa le wolole go ya ka dilo tsa go befa tso le di makiyeng kela go ya ka bošakašakane byo le bo makiyeng, lune ba ntlo ya Israyele,’ go hlaya Jehova Morena wa ku Malenghelengheng.”

45 Lentsu la Jehova la tla gaka fote, la re: 46 “Morwayi wa motho, lebelela ka nthoko ya ka borwa, o bolabole le batho ba ka nthoko ya ka borwa fote o porofetele naga ya ka borwa. 47 Botsa naga ya ka borwa gore, ‘Theetsela lentsu la Jehova. Tsowa ke tso Jehova Morena wa ku Malenghelengheng a di hlayang: “Ke nna yewa ke gotsa mollo ho gago,+ wo nyoko tšhuba mohlare wo mongwana le wo mongwana wo motala le mohlare wo mongwana le wo mongwana wa gore wo womme ho gago. Mollo wone wo ka sa timiwi,+ batho ka mokana ga bona ba nyoko kwa go fisa ga mollo wone, go tlugisela ka borwa go segela ka lebowa. 48 Fote batho ka mokana ga bona ba nyoko di bona gore nna Jehova ke yi tšhubiye le gore mollo wone wo ka sa timiwi.”’”+

49 Ke mokane ka re: “Barena Jehova Morena wa ku Malenghelengheng! Mo ba bolabola ka nna ba re, ‘Motho yewa o fo bolabola dithayila.’”