Zakariya
6 Ke mokane ka lebelela gedimo fote, ka bona kanne ya dikotšikara di tšwa gare ga dithaba ka dipedi, dithaba tsone ke mo go le tsa koporo. 2 Sekotšikara sa mathomo ke mo se goga ke dipera tse dikhubedu, sekotšikara sa mabedi se goga ke dipera tse diphifadu.+ 3 Sekotšikara sa kararo ke mo se goga ke dipera tse ditšhwewu, sekotšikara sa kanne se goga ke dipera tsa ditwabatwaba le tsa dikhala tsa mohlobohlobo.+
4 Ka butsisa lengeloyi lo ne le bolabola le nna ka re: “Dilo tsowa king morenaka?”
5 Lengeloyi lela la mfetola la re: “Yowa ke kanne ya memoya+ ya magedimo ya gore ya tloga ka nthago ga go yema mahlong ga Morena wa lefase ka mokana ga lona.+ 6 Sekotšikara sa gore ke mo se goga ke dipera tse diphifadu se ya nageng ya ka lebowa;+ dipera tse ditšhwewu di ya ka mosekola wela wa lewatle; fote dipera tsa ditwabatwaba di ya nageng ya borwa. 7 Tsa dikhala tsa mohlobohlobo ke mo di jagele go tšwa di sepela-sepela lefaseng.” Ke mokane la re: “Ariyeneng le ye sepela-sepela lefaseng.” Dya thomisa go sepela-sepela lefaseng.
8 Ke mokane la yahlamela la re gaka: “Bona, tso di yyeng nageng ya lebowa di makiye gore moya wa Jehova wo dule nageng ya lebowa.”
9 Lentsu la Jehova la tla gaka fote la re: 10 “Tseya dilo tso Heldayi, Tobija le Jedaya ba tlileng natso di tšwa ga batho ba bobhantiting; fote ka letšatši lone o ye ntlong ya Josiya morwayi wa Zefaniya le bo ba gore ba tšwa Bhabhilona. 11 O tseye silva le gholdi o make fapo fote o yi beye hlogong ya Jošuwa+ morwayi wa Jehozadake, moprista ye mogolo. 12 Byalo o mmotse gore,
“‘Tsowa ke tso Jehova wa masole a di hlayang: “Ke yewa monna wa gore lebitso lage ke Go Hluga.+ O nyoko hluga ga poleke yage fote o nyoko yaga tempele ya Jehova.+ 13 Tempele ya Jehova yi nyoko yaga ke yene, fote go nyoko gadimisiwa yene. O nyoko dula setulong sa go lawola, a lawola, fote o nyoko ba moprista setulong sage sa go lawola,+ mebereko yone ka mmedi* yi ka sa lwisane. 14 Fapo yone go nyoko ba segopotso ga Heleme, Tobija, Jedaya+ le Hene morwayi wa Zefaniya hala tempeleng ya Jehova. 15 Bo ba leng kgole ba nyoko tla ba tšhela letsogo ga mmereko wa go yaga tempele ya Jehova.” Fote o nyoko di tšiba gore ke romme ke Jehova wa masole ho gago. Di nyoko makega mo o ka fo theetsela lentsu la Jehova Modimo wago.’”