Mohlolo ku Lewatleng le Lekhubedu

Mo Faro a di kwelela gore Maisrayele ma tlugiye Egepita, o yye a tšhentšha monagano a sa sa nyaka gore ma sepele. O yye a botsa masole yage gore: ‘Lukisaneng dikotšikara tsaka tsa ntwa, tla re ba lelekiseneng! Nke re sa ba lisetsa gore ba sepele.’ Yene le masole yage ba yye ba lelekisa Maisrayele.

Jehova ne a yetetsa batho bage a berekisa liru motshegare le mollo bošego. O ba yisiye ga Lewatle le Lekhubedu, a ba botsa gore ba kampe gana mone.

Ke mokane Maisrayele ma bona Faro le Masole yage ba ba lelekisa. Mahlong ga bona ne go na le lewatle fote ka nthago ga bona go na le masole ya Maegepita, Maisrayele ne ma sa tšibi gore ma tšhabele kaye. Ma yye ma llela Moše ma re: ‘Re nyoko kgwa! Nke o f’lo re lisa re tidulele Egepita.’ Mara Moše a re: ‘Le sa tšhoge. Yemaneng le bone ka mokgo Jehova a nyoko le phonisang.’ Di mong lekgwaying gore Moše ne a tshepela ga Jehova!

Jehova a botsa Maisrayele gore ma tloge. Bošego byone, Jehova a tlosa liru lela a le beya segareng ga Maegepita le Maisrayele. Maegepita ne ma bona letshwifi. Mara Maisrayele wona ne ma bona go khannye.

Jehova o butsiye Moše gore a wololele letsogo lage ku lewatleng. Ke mokane Jehova a maka gore go be le moya wo mogolo wa go tšutla bošego ka moka. Lewatle ne le bulegiye ka bogare, ke mokane ne go na le ga go feta mo gare. Dimiliyoni tsa Maisrayele di yye dya sepela ga gore go womme, di sepela ga gore meetši ma makiye mapharo ke mokane di tshelela ka nthoko ye nngwana.

Masole ya Faro ma yye ma latelela Maisrayele, le wona ma sepela gana hone ga gore go womme. Ke mokane Jehova a maka gore masole yane ma hlakahlakane. Mabilo ya dikotšikara tsa wona ma thomisa go tšwa. Masole ma thomisa go yahlamela ma re: ‘Tla re tšhabeneng! Jehova wa ba lwela.’

Jehova a re ga Moše: ‘Wololela letsogo lago ku lewatleng.’ Ke mokane mapharo ya meetši ma yye ma kogetsa masole ya Maegepita. Faro le masole yage ka moka ba yye ba kgwa. A go na le ka wo teya wa bona wa gore o phonne.

Ka nthoko yela ye nngwana ya lewatle, mogoba wo mogolo wa batho ne wo thanaka Modimo ka koša ya gore: “Yepelela Jehova, ka gore o hlompiwa ka matla. O bošele pera le ye a yi kalammeng ka teng ga lewatle.” Mo batho ba kene ba yepelela, basadi ne ba bina ba teya le moropa. Ne ba jabodiye ka matla ka gore gana byalo ne ba lokolugiye tsa mannete.