Lengeloyi la Jehova le Tšhireletsiye Hezekiya

Mmušo wa Asiriya wo yye wa hlula mmušo wa lesome la meloko wa Israyele. Gana byalo kgoši ya Asiriya, go leng Senakheribho, ne a nyaka go hlula mmušo wa go ba le meloko ka mmedi wa Juda. O yye a thomisa go hlula mitši ye mengwana ya Juda. Mara mutši wa gore ne a wo nyaka ka matla ke wa Jerusalema. Senakheribho ne a sa di tšibi gore Jehova o wo tšhireletsiye mutši wa Jerusalema.

Hezekiya, go leng kgoši ya Juda, o yye a patela Senakheribho tšheleta ya go tlala ka matla gore a sa hlasele Jerusalema. Senakheribho o yye a tseya tšheleta yone, mara a ya mahlong a romela masole yage ya matšhika gore ma hlasele Jerusalema. Batho ba Jerusalema ne ba tšhugiye ka taba la gore ne ba tšiba gore Maasiriya ke yanane. Mara Hezekiya o yye a ba botsa gore: ‘Le sa tšhogeneng. Maasiriya ma na le matšhika, mara Jehova o nyoko maka gore re be le matšhika ya go phala ya bona.’

Senakheribho o yye a romela Rabhašake, go leng motho wa go mo sipidisela melayetsa, gore a ye Jerusalema gore a ye a kwere batho bone. Rabhašake o yye a yema tawong ga mutši a yahlamela a re: ‘Jehova a ka sa kgone go le gelepa. Hezekiya a sa le tshokanye. A go na modimo ye a ka le tšhireletsang ga rune.’

Hezekiya o yye a butsisa Jehova gore a make ying. Jehova a mo fetola a re: ‘O sa tshose ke tso Rabhašakhe a di hlayang. Senakheribho a ka sa hlule Jerusalema.’ Ka nthago, Hezekiya o krayye marifi ya go tšwa ga Senakheribho. Marifi yane ne ma re: ‘Le fo tineyela. Jehova a ka sa le phonisi.’ Hezekiya o yye a rapela a re: ‘Barena Jehova, re phonise, gore batho ka moka ba di tšibe gore ke wene o ntoši Modimo wa mannete.’ Jehova o yye a mmotsa gore: ‘Kgoši ya Asiriya yi ka sa hlule Jerusalema. Mutši waka ke nyoko wo pasopa.’

Senakheribho ne a tshepiye gore go se botala Jerusalema ne go nyoko ba yage. Mara bošego byo bongwana, Jehova o yye a romela lengeloyi mo masole yane ne ma kampiye gona ka tawong ga mutši. Lengeloyi lone le bolayye 185 000 ya masole! Kgoši Senakheribho o yye a kgwela ke masole yage ya go ba le matšhika. O yye gaye ka taba la gore ne go se na so a ka se makang. Jehova o tšhireletsiye Hezekiya le Jerusalema, go ya ka mokgo a tshepisiyeng. Hala o le gona Jerusalema, ayitsano ne o ko ba o tshepiye Jehova?