Jeso o Sepela Gedimo ga Meetši

Jeso ne a sa fo kgona go yalafa bo ba lwalang le go tsosa bo ba hlokofeleng mara ne a kgona le go lawola didingwane le pula. Ka nthago ga go rapela a le thabeng, Jeso o yye a lebelela ku tlase Lewatleng la Galeliya a bona go na le sedingwane. Mapostola yage ne ma le sekepeng, ma šitega go thapa ka taba la sedingwane sone. Jeso o yye a thewoga a tla ga bona sekepeng a sepela gedimo ga meetši. Mo mapostola yane ma bona motho a sepela gedimo ga meetši, ma yye ma napa ma tšhoga ka matla. Mara Jeso a ma botsa gore: ‘Ke nna. Le sa tšhogeneng.’

Petro a re: ‘Morena, mo nkare ke wene, mpitse ke tle gago.’ Jeso a botsa Petro a re: ‘Tlang.’ Mo sedingwane sone se kene se tšutla, Petro o yye tšwa ka sekepeng a sepela gedimo ga meetši a ya ga Jeso. Mara mo a kene a mo šutelela, Petro a lebelela sedingwane sone ke mokane a thomisa go tšhoga. O yye a thomisa go nwelela. Petro o yye a yahlamela a re: ‘Morena, mphonise!’ Jeso o yye a tshwara letsogo lage a re: ‘Ke ntaba o yye wa thomisa go kamaka? Ke ntaba o se na tumelo?’

Jeso le Petro ba yye ba kalama sekepe, ke mokane ka yona nako yonone sedingwane sa yema. O fo nagana ka mokgo mapostola ma yyeng ma tikwa ka gona. Ma yitseri: “Ka nnete ke wene Morwayi wa Modimo.”

A yi yona fela nako yo Jeso a yyeng a lawola sedingwane. Tšatše’nngwana, mo Jeso le mapostola yage ma sepela ka sekepe ma ya ka nthoko ye nngwana ya lewatle, Jeso o yye a yetsela morago ga sekepe. Mo a sa yetsele, go yye gwa thomisa sedingwane se segolo. Maphoto ma tšukatšukisa sekepe, ke mokane sekepe sa tlala ka meetši. Mapostola ma yye ma tsosa Jeso, ma yahlamela ma re: ‘Thitšere, re nyoko kgwa! Re gelepe!’ Jeso a tsoga a re ga lewatle: “Kgomolela!” Ka nako yonone, sedingwane le lewatle dya napa di beba. Jeso a butsisa mapostola a re: ‘Ke ntaba le se na tumelo?’ Ma bolabodisana wona beng ma re: “Le mong sedingwane le lewatle di ya mo theetsela.” Mapostola ma yye ma tšhuta gore hala ma yye ma tshepa Jeso ka dipelo tsa wona ka moka, nke go se na so ne se nyoko ma hlagasedisa.