A Sanka ba Kgotama

Ka nthago ga gore Kgoši Nebhukhadhinezara a lore ka sethombhe, o yye a maka sethombhe se segolo sa gholdi. A se beya ga gore go fo ba lekgwayi ku Dura, a bitsa batho ba mayemo ya gedimo, gana hone go kena Šadreke, Mmišaka le Abhedniko, gore ba kgobakane mahlong ga sona. Kgoši ya re: ‘Ka go yakgoswa mo le kwa modumo phalafala, harepa le sa go kgana dikoša sa go ba le motato le kgotamele sethombhe! Ye a ganang go kgotama o nyoko bošediwa mollong wa go fisa ka matla.’ Ayitsano kararo ya Maheberu ma nyoko kgotamela sethombhe kela ma nyoko rapela Jehova fela?

Ke mokane kgoši ya hlaya gore ba kgane dikoša. Batho ka mokana ga bona ba yye ba rapela sethombhe sone mara gwa fo šala Šadreke, Mmišaka le Abhedniko. Batho ba bangwana ba yye ba ba bona ke mokane ba botsa kgoši gore: ‘Kararo ya Maheberu ma gana go rapela sethombhe.’ Nebhukhadhinezara a ba bitsa a re ga bona: Ke le neya nako ya mafelelo gore le rapele sethombhe. Mo le ka sa make ka mokgonone ke nyoko le bošela mollong wa go fisa ka matla. A go na modimo ye a ka kgonang go le phonisa gaka.’ Ba fetola ba re: ‘Maka so o se makang. Modimo wa rune o nyoko re phonisa. Mara le mo a ka sa re phonisi, o di tšibe wene kgoši gore re ka sa kgotamele sethombhe.’

Nebhukhadhinezara o yye a kwata ka matla. A botsa malata yage gore: ‘Rotetsaneng mollo wone wo fise gašupa go phala matšatši!’ Ke mokane a botsa masole yage gore: ‘Tlemelelaneng banna bowa le ba bošeleneng!’ Mollo wone ne wo fisa ka matla tsa gore masole yane mo ma šutela thina nawo ne ma napa ma kgwa. Kararo ya Maheberu yane ma yye ma bošediwa ka mone mollong. Mara mo Nebhukhadhinezara a lebelela ka ku mollong, aa bona kararo ya banna ba sepelasepela, mara o bonne kanne ya bona. O yye a tšhoga ka matla a butsisa masole yage gore: ‘Anthe a re ya lahlela kararo ya banna ka ku mollong? Ke bona kanne ya bona fote ye mongwana wa bona nkare ke lengeloyi!’

Nebhukhadhinezara o yye a šutela thina le mollo wone a yahlamela a re: ‘Tšwanneng, lune malata ya Modimo wa Malenghelengheng!’ Batho ka moka ne ba makele mo ba bona Šadreke, Mmišaka le Abhedniko ba tšwa ka mone mollong ba sa kwalela. Letlalo la bona, meriri ya bona le dikobo tsa bona ne di sa swa fote ne ba sa nkge mollo.

Nebhukhadhinezara a re: ‘Modimo wa Šadreke, Mmišaka le Abhedniko o na le matšhika. O romele lengeloyi lage gore le ba phonise. A go na Modimo wa go tshwana le wa bona.’

Ayitsano o tikemisele go theetsela Jehova le mo go ka makega ying, go fo tshwana le Maheberu yala ka mararo?